---
title: "സർക്കാർ സ്കൂളിന് സമീപം പുലിയിറങ്ങി; മലമ്പുഴയിൽ കൂട് സ്ഥാപിച്ച് വനംവകുപ്പ്"
english_title: "Leopard found near government school, forest department sets up cage in Malampuzha"
publisher: "truevisionnews.com"
canonical_url: "https://truevisionnews.com/news/329744/leopard-found-near-government-school-forest-department-sets-up-cage-in-malampuzha"
published_at: "2025-12-06T19:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/693435fa9c5e9_puli.jpg"
keywords: []
---

# സർക്കാർ സ്കൂളിന് സമീപം പുലിയിറങ്ങി; മലമ്പുഴയിൽ കൂട് സ്ഥാപിച്ച് വനംവകുപ്പ്

> **Lead Summary:** പാലക്കാട്‌ മലമ്പുഴയിൽ സർക്കാർ സ്കൂളിന് സമീപം പുലിയിറങ്ങിയതിനെ തുടർന്ന് കൂട് സ്ഥാപിച്ച് വനം വകുപ്പ്. കഴിഞ്ഞ ശനിയാഴ്ച രാത്രിയാണ് പ്രദേശവാസികൾ സർക്കാർ സ്‌കൂൾ പരിസരത്ത് ആദ്യം പുലിയെ കണ്ടത്. പിന്നാലെ വനം, ആർ ആർ ടി സംഘങ്ങളുടെ മുഴുവൻ സമയ നിരീക്ഷണവും ക്യാമറയും സ്ഥാപിച്ചിരുന്നു.

## Article Content

പാലക്കാട്‌ മലമ്പുഴയിൽ സർക്കാർ സ്കൂളിന് സമീപം പുലിയിറങ്ങിയതിനെ തുടർന്ന് കൂട് സ്ഥാപിച്ച് വനം വകുപ്പ്. കഴിഞ്ഞ ശനിയാഴ്ച രാത്രിയാണ് പ്രദേശവാസികൾ സർക്കാർ സ്‌കൂൾ പരിസരത്ത് ആദ്യം പുലിയെ കണ്ടത്. പിന്നാലെ വനം, ആർ ആർ ടി സംഘങ്ങളുടെ മുഴുവൻ സമയ നിരീക്ഷണവും ക്യാമറയും സ്ഥാപിച്ചിരുന്നു.

വെള്ളിയാഴ്ച രാത്രി വീണ്ടും പുലിയെ കണ്ടതായി നാട്ടുകാർ അറിയിച്ചിരുന്നു. ഇതോടെയാണ് ഉന്നതതല യോഗം ചേർന്ന് കൂട് സ്ഥാപിക്കാൻ തീരുമാനിച്ചത്. മലമ്പുഴയിലേക്ക് രാത്രിയാത്ര നിയന്ത്രണം ഇപ്പോഴും തുടരുകയാണ്.

മലമ്പുഴ ഗവ.ഹയർസെക്കൻഡറി സ്കൂൾ, ജവഹർ നവോദയ സ്കൂൾ, ഗിരിവികാസ്, മലമ്പുഴ പ്രാഥമികാരോഗ്യ കേന്ദ്രം, പൊലീസ് സ്റ്റേഷൻ, ജില്ലാ ജയിൽ, ജലസേചന വകുപ്പ് ക്വാർട്ടേഴ്സുകൾ ഉൾപ്പെടെയുള്ള സ്ഥലത്താണ് പുലി എത്തിയത്. ഇതോടെ, പ്രദേശത്ത സ്‌കൂളുകളിലെ പ്രവർത്തന സമയത്തിലും ക്രമീകരണങ്ങൾ ഏർപ്പെടുത്തിയിട്ടുണ്ട്.

### Related Links & Sources
- [Original Story Source](https://truevisionnews.com/news/329744/leopard-found-near-government-school-forest-department-sets-up-cage-in-malampuzha)