---
title: "വിധിയുടെ വിളയാട്ടം.....! അന്ന് നിവർന്ന് നിന്ന് തിരഞ്ഞെടുപ്പില്‍ ജയിച്ച് സഭയിലേക്ക്; ഇന്ന് ജാമ്യത്തില്‍ തോറ്റ് തലകുനിച്ച് പാര്‍ട്ടിക്ക് പുറത്തേക്ക്"
english_title: "rahul mamkootathil political Out of the party"
publisher: "truevisionnews.com"
canonical_url: "https://truevisionnews.com/news/329371/rahul-mamkootathil-political-out-of-the-party"
published_at: "2025-12-04T15:47:00+05:30"
category: "Talks & Topics"
language: "ml"
image: "https://cf.zdn.im/img/truevisionnews.com/0/image-uploads/69315fbe758b7_rahul_mamkoottathil.jpg"
keywords: []
---

# വിധിയുടെ വിളയാട്ടം.....! അന്ന് നിവർന്ന് നിന്ന് തിരഞ്ഞെടുപ്പില്‍ ജയിച്ച് സഭയിലേക്ക്; ഇന്ന് ജാമ്യത്തില്‍ തോറ്റ് തലകുനിച്ച് പാര്‍ട്ടിക്ക് പുറത്തേക്ക്

> **Lead Summary:**  ചാനൽ ചർച്ചയിലും സമരങ്ങളിലും പാർട്ടിയുടെ മൂർച്ചയേറിയ നാവ്. അതിശയിപ്പിക്കുന്ന തരത്തിൽ വളർന്ന് വന്ന് യൂത്ത് കോൺഗ്രസ് സംസ്ഥാന അധ്യക്ഷനായി പിന്നാലെ പാലക്കാടിന്റെ എംഎൽഎ ആയി. 2024, ഡിസംബർ 04. പാലക്കാട് വിജയക്കൊടി പാറിച്ച രാഹുൽ മാങ്കൂട്ടത്തിൽ, എംഎൽഎ കസേരയിൽ ആത്മവിശ്വാസത്തോടെ അമർന്നിരുന്ന ദിനം. നിവർന്നു നിന്ന് ഒന്നാം വാർഷികം ആഘോഷിക്കേണ്ട ദിവസം പീഡനക്കേസിൽ ജാമ്യം നിഷേധിക്കപ്പെട്ട് തലകുനിച്ച് പാർട്ടിയിൽ നിന്ന് തന്നെ പുറത്തു പോകേണ്ടിവന്നതിനെ വിധിയുടെ വിളയാട്ടം എന്നല്ലാതെ എന്തുപറയാൻ. കരിയറും ജീവിതവും രാഹുലിന് സ്വന്തം കയ്യിലിരിപ്പു കൊണ്ടുതന്നെ നഷ്ടമായി എന്നാണ് യാഥാർഥ്യം .

## Article Content

 ചാനൽ ചർച്ചയിലും സമരങ്ങളിലും പാർട്ടിയുടെ മൂർച്ചയേറിയ നാവ്. അതിശയിപ്പിക്കുന്ന തരത്തിൽ വളർന്ന് വന്ന് യൂത്ത് കോൺഗ്രസ് സംസ്ഥാന അധ്യക്ഷനായി പിന്നാലെ പാലക്കാടിന്റെ എംഎൽഎ ആയി. 2024, ഡിസംബർ 04. പാലക്കാട് വിജയക്കൊടി പാറിച്ച രാഹുൽ മാങ്കൂട്ടത്തിൽ, എംഎൽഎ കസേരയിൽ ആത്മവിശ്വാസത്തോടെ അമർന്നിരുന്ന ദിനം. നിവർന്നു നിന്ന് ഒന്നാം വാർഷികം ആഘോഷിക്കേണ്ട ദിവസം പീഡനക്കേസിൽ ജാമ്യം നിഷേധിക്കപ്പെട്ട് തലകുനിച്ച് പാർട്ടിയിൽ നിന്ന് തന്നെ പുറത്തു പോകേണ്ടിവന്നതിനെ വിധിയുടെ വിളയാട്ടം എന്നല്ലാതെ എന്തുപറയാൻ. കരിയറും ജീവിതവും രാഹുലിന് സ്വന്തം കയ്യിലിരിപ്പു കൊണ്ടുതന്നെ നഷ്ടമായി എന്നാണ് യാഥാർഥ്യം .

സ്പീക്കറുടെ ചേംബറിലോ, നിയമസഭയ്ക്കുള്ളിലോ ആയിരുന്നില്ല രാഹുൽ എംഎൽഎയായി സത്യപ്രതിജ്ഞ ചെയ്തത് . പതിവിൽ നിന്നു വ്യത്യസ്തമായി, സഭാ മന്ദിരത്തിലെ ചരിത്രമുറങ്ങുന്ന ആർ.ശങ്കരനാരായണൻ തമ്പി ഹാളിൽ തിങ്ങിനിറഞ്ഞ സദസ്സിനു മുൻപിലായിരുന്നു സത്യപ്രതിജ്ഞ.

ഷാഫിക്ക് നൽകിയതിലും നാലിരട്ടി ഭൂരിപക്ഷം നൽകിയാണ് പാലക്കാട് രാഹുലിനെ നിയമസഭയിലേക്ക് അയച്ചത് കൃത്യം ഒരു വർഷം പൂർത്തിയാകുന്ന അതേ ദിനം ഉച്ചവരെ രാഹുലിന് നീതിന്യായ കോടതിയുടെ കനിവ് കാത്തുനിൽക്കേണ്ടി വന്നു. പക്ഷേ ഫലം നിരാശ. കരിയറിൽ ആർജിച്ച നേട്ടങ്ങളുടെയും പ്രതാപത്തിൻ്റെയും ശോഭകെടുത്തിയ ലൈംഗിക പീഡനക്കേസിൽ മുൻകൂർജാമ്യമില്ല.

ഒരു പൊതുപ്രവർത്തകൻ രാഹുലിനെപ്പോലെയാവണം എന്ന് പറഞ്ഞവരെല്ലാം മറിച്ചുപറയേണ്ടി വന്ന ദിനങ്ങളാണ് കടന്നുപോകുന്നത്. നിയമസഭാ സമാജികൻ്റെ കുപ്പായത്തിൽ ഒരു വർഷം പൂർത്തിയാക്കാൻ ഒരാഴ്ച മാത്രം ശേഷിക്കെയാണ് ലൈംഗികാപീഡനക്കേസിൽപ്പെട്ടത് . തുടർന്നങ്ങോട്ട് അജ്ഞാതവാസവും കോടതിയുടെ കനിവിനായുള്ള കാത്തുനിൽപ്പും.

### Related Links & Sources
- [Original Story Source](https://truevisionnews.com/news/329371/rahul-mamkootathil-political-out-of-the-party)