---
title: " മുരിങ്ങക്കായയെ അങ്ങ് മറന്നേക്ക്, തൊട്ടാല്‍ പൊള്ളും; കിലോയ്ക്ക് വില 600 രൂപ!"
english_title: "drumstick price"
publisher: "truevisionnews.com"
canonical_url: "https://truevisionnews.com/news/328764/drumstick-price-new-"
published_at: "2025-12-01T11:00:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/692d2a4a8d59a_muringa.jpg"
keywords: []
---

#  മുരിങ്ങക്കായയെ അങ്ങ് മറന്നേക്ക്, തൊട്ടാല്‍ പൊള്ളും; കിലോയ്ക്ക് വില 600 രൂപ!

> **Lead Summary:** **തൃശ്ശൂര്‍: ** മുരിങ്ങക്കായ ഇല്ലാത്ത സാമ്പാർ ചിന്തിക്കാൻ കൂടി പറ്റില്ല . മണ്ഡല മാസക്കാലം പച്ചക്കറിയ്ക്ക് ഡിമാൻഡ് കൂടുമെങ്കിലും മുരിങ്ങക്കായയ്ക്ക് ഇത്ര വില കൂടുമെന്ന് പലരും ചിന്തിച്ചുകാണില്ല .

## Article Content

**തൃശ്ശൂര്‍: ** മുരിങ്ങക്കായ ഇല്ലാത്ത സാമ്പാർ ചിന്തിക്കാൻ കൂടി പറ്റില്ല . മണ്ഡല മാസക്കാലം പച്ചക്കറിയ്ക്ക് ഡിമാൻഡ് കൂടുമെങ്കിലും മുരിങ്ങക്കായയ്ക്ക് ഇത്ര വില കൂടുമെന്ന് പലരും ചിന്തിച്ചുകാണില്ല .

സംസ്ഥാനത്ത് മുരിങ്ങക്കായയുടെ വില റോക്കറ്റ് പോലെയാണ് കുതിക്കുന്നത്. ആഴ്ചകള്‍ക്കു മുന്‍പേ കിലോയ്ക്ക് 130-150 രൂപയുണ്ടായിരുന്ന വില ഇപ്പോള്‍ 600 രൂപ വരെയെത്തി. മാര്‍ക്കറ്റുകളില്‍വരെ കിട്ടാനുമില്ല.

വലിയ കടകളില്‍പോലും ഏതാനും കിലോ മാത്രമാണുള്ളത്. ഇത്ര വലിയ വില നല്‍കി ആരും വാങ്ങില്ലെന്നതിനാല്‍ സാധനം എടുക്കുന്നില്ലെന്ന് ചില്ലറ വില്‍പ്പനക്കാര്‍ പറയുന്നു.

അതേസമയം കാഞ്ഞിരപ്പള്ളിയില്‍ ഒരുമാസത്തിനിടെ മുരിങ്ങക്കാ വില പത്തിരിട്ടിയിലധികം വര്‍ധിച്ചു. കഴിഞ്ഞ മാസം 30 രൂപ വിലയുണ്ടായിരുന്ന മുരിങ്ങക്കായ്ക്ക് ഇവിടെ 380 രൂപയായി. നാടന്‍ മുരിങ്ങക്കായ്ക്ക് 420 രൂപ വരെ നല്‍കണം. വിളവെടുപ്പ് കാലം കഴിഞ്ഞതാണ് വില ഉയരാന്‍ കാരണമായി വ്യാപാരികള്‍ പറയുന്നത്.

### Related Links & Sources
- [Original Story Source](https://truevisionnews.com/news/328764/drumstick-price-new-)