---
title: "ഇലക്ട്രിസിറ്റി ജീവനക്കാരുടെ ഗ്രൂപ്പിൽ അശ്ലീല പദപ്രയോഗങ്ങളും സ്ത്രീ വിരുദ്ധ പോസ്റ്റുകളും; കെഎസ്ഇബി എൻജിനീയർക്കെതിരെ പരാതി"
english_title: "Anti women posts and obscene language in electricity employees group Complaint filed against KSEB engineer"
publisher: "truevisionnews.com"
canonical_url: "https://truevisionnews.com/news/327971/anti-women-posts-and-obscene-language-in-electricity-employees-group-complaint-filed-against-kseb-engineer"
published_at: "2025-11-26T12:15:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6926bdabc41fa_complaint_kseb.jpg"
keywords: []
---

# ഇലക്ട്രിസിറ്റി ജീവനക്കാരുടെ ഗ്രൂപ്പിൽ അശ്ലീല പദപ്രയോഗങ്ങളും സ്ത്രീ വിരുദ്ധ പോസ്റ്റുകളും; കെഎസ്ഇബി എൻജിനീയർക്കെതിരെ പരാതി

> **Lead Summary:** **കോട്ടയം : ( **[www.truevisionnews.com]** )** ഇലക്ട്രിസിറ്റി ജീവനക്കാരുടെ ഗ്രൂപ്പിൽ സ്ത്രീ വിരുദ്ധ പോസ്റ്റുകൾ ഇട്ട കെഎസ്ഇബി എൻജിനീയർക്കെതിരെ പരാതി. വനിതാ ജീവനക്കാരാണ് പരാതി നൽകുന്നത്. കോട്ടയം പൂവൻതുരുത്ത് ട്രാൻസ്മിഷൻ എക്സിക്യൂട്ടീവ് എൻജിനീയറായ ഹരിനായർക്കെതിരെയാണ് പരാതി.

## Article Content

**കോട്ടയം : ( **[www.truevisionnews.com]** )** ഇലക്ട്രിസിറ്റി ജീവനക്കാരുടെ ഗ്രൂപ്പിൽ സ്ത്രീ വിരുദ്ധ പോസ്റ്റുകൾ ഇട്ട കെഎസ്ഇബി എൻജിനീയർക്കെതിരെ പരാതി. വനിതാ ജീവനക്കാരാണ് പരാതി നൽകുന്നത്. കോട്ടയം പൂവൻതുരുത്ത് ട്രാൻസ്മിഷൻ എക്സിക്യൂട്ടീവ് എൻജിനീയറായ ഹരിനായർക്കെതിരെയാണ് പരാതി.

ഇയാൾ നിരന്തരം സർക്കാരിനെയും മുഖ്യമന്ത്രിയെയും പരിഹസിച്ചുകൊണ്ട് പോസ്റ്റുകൾ ഇടുന്നത് പതിവാണെന്നും ഇവർ പറയുന്നു. ഇലക്ട്രിസിറ്റി ഇലക്ട്രിസിറ്റി വർക്കർ തസ്തികകളിൽ സ്ത്രീകൾക്കും പിഎസ്‌സി വഴി നിയമനം നൽകാമെന്ന് ബോർഡ് ഉത്തരവിനെതിരെയാണ് അശ്ലീല ചിത്രം ഉൾപ്പെടെയുള്ള പോസ്റ്റിട്ടത്. അശ്ലീല പദപ്രയോഗങ്ങളും ഇതിനോടൊപ്പം ഉണ്ട്. പൂവൻതുരുത്ത് ട്രാൻസ്മിഷൻ സർക്കിൾ എക്സിക്യൂട്ടീവ് എൻജിനീയർ എ ബി ഹരിനായർക്കെതിരെയാണ് പരാതി.

ഇയാൾ നിരന്തരം സർക്കാരിനെതിരെയും സ്ത്രീകൾക്കെതിരെയുള്ള പോസ്റ്റുകൾ ഇടുന്നതായാണ് പരാതിയിൽ പറയുന്നത്. കെഎസ്ഇബി ജീവനക്കാർക്ക് സ്വന്തം അഭിപ്രായങ്ങൾ പങ്കുവയ്ക്കാനുള്ള ഗ്രൂപ്പായ പവർ ഫേസ്ബുക്ക് ഗ്രൂപ്പിൽ ആണ് ഇത്തരം പോസ്റ്റുകൾ.

### Related Links & Sources
- [Original Story Source](https://truevisionnews.com/news/327971/anti-women-posts-and-obscene-language-in-electricity-employees-group-complaint-filed-against-kseb-engineer)