---
title: "അപകടാവസ്ഥയിലായിരുന്ന കെട്ടിടം പൊളിച്ചുമാറ്റുന്നതിനിടെ ഭിത്തി ഇടിഞ്ഞുവീണു; തൊഴിലാളിക്ക് ദാരുണാന്ത്യം"
english_title: "A wall collapsed during the demolition of a building, killing a worker."
publisher: "truevisionnews.com"
canonical_url: "https://truevisionnews.com/news/327857/a-wall-collapsed-during-the-demolition-of-a-building-killing-a-worker"
published_at: "2025-11-25T17:11:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69259605d875c_bulding.jpg"
keywords: []
---

# അപകടാവസ്ഥയിലായിരുന്ന കെട്ടിടം പൊളിച്ചുമാറ്റുന്നതിനിടെ ഭിത്തി ഇടിഞ്ഞുവീണു; തൊഴിലാളിക്ക് ദാരുണാന്ത്യം

> **Lead Summary:** **കൊച്ചി: ** അപകടാവസ്ഥയിലായിരുന്ന കെട്ടിടം പൊളിച്ചുമാറ്റുന്നതിനിടെ ഭിത്തി ഇടിഞ്ഞു വീണ് തൊഴിലാളിക്ക് ദാരുണാന്ത്യം. നെട്ടൂർ പുളിയംപിള്ളി നിയാസ് ആണ് മരിച്ചത്. കൊച്ചി മരടിലാണ് സംഭവം.

## Article Content

**കൊച്ചി: ** അപകടാവസ്ഥയിലായിരുന്ന കെട്ടിടം പൊളിച്ചുമാറ്റുന്നതിനിടെ ഭിത്തി ഇടിഞ്ഞു വീണ് തൊഴിലാളിക്ക് ദാരുണാന്ത്യം. നെട്ടൂർ പുളിയംപിള്ളി നിയാസ് ആണ് മരിച്ചത്. കൊച്ചി മരടിലാണ് സംഭവം.

പൊളിച്ചു കൊണ്ടിരുന്ന വീടിൻ്റെ ഭിത്തിയാണ് ഇടിഞ്ഞുവീണത്. ഉച്ചയ്ക്ക് 1 മണിയോടെയായിരുന്നു അപകടം ഉണ്ടായത്. മരട് ആറ്റുംപുറം റോഡിൽ വേലുവിൻ്റെ ഉടമസ്ഥതയിലുള്ള ആൾ താമസമില്ലാത്ത വീട് പൊളിച്ചുമാറ്റുന്നതിനിടെ ഭിത്തി ഇടിഞ്ഞ് നിയാസിന്റെ ദേഹത്തേക്ക് വീഴുകയായിരുന്നു.

മൂന്ന് തൊഴിലാളികളാണ് കെട്ടിടം പൊളിക്കുന്നതിനായി ഉണ്ടായിരുന്നത്. ഭിത്തി ഇടിഞ്ഞുവീണപ്പോൾ മറ്റ് തൊഴിലാളികൾ ഓടിമാറി. എന്നാൽ, നിയാസിന് രക്ഷപ്പെടാൻ കഴിഞ്ഞില്ല. തൊഴിലാളികളും നാട്ടുകാരും ചേർന്ന് ഉടൻ തന്നെ ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതദേഹം പി എസ് മിഷൻ ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.

### Related Links & Sources
- [Original Story Source](https://truevisionnews.com/news/327857/a-wall-collapsed-during-the-demolition-of-a-building-killing-a-worker)