---
title: "കോഴിക്കോട് നഗരത്തിൽ യുവാവിനെ തട്ടിക്കൊണ്ടുപോകാൻ ശ്രമം; നാലം​ഗ സംഘം കസ്റ്റഡിയിൽ"
english_title: "Attempt to kidnap a young man in Kozhikode city"
publisher: "truevisionnews.com"
canonical_url: "https://truevisionnews.com/news/327548/attempt-to-kidnap-a-young-man-in-kozhikode-city"
published_at: "2025-11-24T10:05:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6923e16c5f1f2_kidnapping.jpg"
keywords: []
---

# കോഴിക്കോട് നഗരത്തിൽ യുവാവിനെ തട്ടിക്കൊണ്ടുപോകാൻ ശ്രമം; നാലം​ഗ സംഘം കസ്റ്റഡിയിൽ

> **Lead Summary:** കോഴിക്കോട്: കോഴിക്കോട് നഗരത്തിൽ യുവാവിനെ തട്ടിക്കൊണ്ടു പോകാൻ ശ്രമം. കാറിലെത്തിയ നാലുപേരെ ചേവായൂർ പൊലീസ് കസ്റ്റഡിയിലെടുത്തു. കാസർകോട് സ്വദേശിയെയാണ് ഇവർ തട്ടിക്കൊണ്ടു പോകാൻ ശ്രമിച്ചത്.

## Article Content

കോഴിക്കോട്: കോഴിക്കോട് നഗരത്തിൽ യുവാവിനെ തട്ടിക്കൊണ്ടു പോകാൻ ശ്രമം. കാറിലെത്തിയ നാലുപേരെ ചേവായൂർ പൊലീസ് കസ്റ്റഡിയിലെടുത്തു. കാസർകോട് സ്വദേശിയെയാണ് ഇവർ തട്ടിക്കൊണ്ടു പോകാൻ ശ്രമിച്ചത്.

ആശുപത്രിയിൽ ചികിത്സയിലുള്ള ഇയാൾ പക്ഷെ പരാതി നൽകാൻ തയാറായില്ല. ഇന്നലെ രാത്രിയാണ് യുവാവിനെ കാറിൽ നാലം​ഗ സംഘം തട്ടിക്കൊണ്ടുപോകുന്നുണ്ട് എന്ന വിവരം പൊലീസിന് ലഭിക്കുന്നത്. ഉടൻ തന്നെ കാർ ട്രാക്ക് ചെയ്യുകയും പ്രതികളെ പിടികൂടുകയുമായിരുന്നു. ഇവർ തട്ടിക്കൊണ്ടു പോകാൻ ശ്രമിച്ച വ്യക്തിക്ക് മുഖത്ത് ഉൾപ്പെടെ പരിക്കേറ്റതിനെ തുടർന്ന് ആശുപത്രിയിലേക്ക് മാറ്റി.

പണമിടപാടുമായി ബന്ധപ്പെട്ട തർക്കമാണ് ഇതിലേക്ക് നയിച്ചതെന്നാണ് പൊലീസ് പറയുന്നത്. കാസർകോട് സ്വദേശിയായ ഇയാൾ കാലങ്ങളായി കോഴിക്കോടാണ് താമസം. കസ്റ്റടിയിൽ ഉള്ളവരും കോഴിക്കോട് സ്വദേശികളാണ്. ഇയാൾ പരാതി നൽകാൻ തയാറാൽ മാത്രമെ കൂടുതൽ വിവരങ്ങൾ പുറത്തുവിടാന ആവുള്ളു എന്ന് പൊലീസ് പറഞ്ഞു.

### Related Links & Sources
- [Original Story Source](https://truevisionnews.com/news/327548/attempt-to-kidnap-a-young-man-in-kozhikode-city)