---
title: "19 കാരിയുടെ അർധനഗ്ന നിലയിലുള്ള മൃതദേഹം അഴുക്കുചാലിൽ കണ്ടെത്തിയ സംഭവം, പെൺകുട്ടിയെ ബലാത്സംഗം ചെയ്ത് കൊലപ്പെടുത്തി ഓടയിൽ തള്ളിയത്; 28 കാരൻ അറസ്റ്റിൽ"
english_title: "19 year old semi nude body found in drain 28 year old arrested for raping murdering and dumping the girl in the drain"
publisher: "truevisionnews.com"
canonical_url: "https://truevisionnews.com/news/327336/19-year-old-semi-nude-body-found-in-drain-28-year-old-arrested-for-raping-murdering-and-dumping-the-girl-in-the-drain"
published_at: "2025-11-22T17:26:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6921a577736e0_WhatsApp_Image_2025-11-22_at_5.28.34_PM.jpeg"
keywords: []
---

# 19 കാരിയുടെ അർധനഗ്ന നിലയിലുള്ള മൃതദേഹം അഴുക്കുചാലിൽ കണ്ടെത്തിയ സംഭവം, പെൺകുട്ടിയെ ബലാത്സംഗം ചെയ്ത് കൊലപ്പെടുത്തി ഓടയിൽ തള്ളിയത്; 28 കാരൻ അറസ്റ്റിൽ

> **Lead Summary:** **ലഖൗ: ( **[www.truevisionnews.com]** )** ഉത്തർപ്രദേശിൽ 19കാരിയെ ബലാത്സംഗം ചെയ്ത് കൊലപ്പെടുത്തി അഴുക്കുചാലിൽ തള്ളിയ സംഭവത്തിൽ യുവാവ് അറസ്റ്റിൽ. ഉത്തർപ്രദേശിലെ ഏറ്റാ ജില്ലയിലാണ് രണ്ട് ദിവസം മുൻപ് പെൺകുട്ടിയുടെ മൃതദേഹം കണ്ടെടുത്തത്.അതേ ഗ്രാമത്തിലുള്ള 28കാരനായ യുവാവാണ് പിടിയിലായത്.

## Article Content

**ലഖൗ: ( **[www.truevisionnews.com]** )** ഉത്തർപ്രദേശിൽ 19കാരിയെ ബലാത്സംഗം ചെയ്ത് കൊലപ്പെടുത്തി അഴുക്കുചാലിൽ തള്ളിയ സംഭവത്തിൽ യുവാവ് അറസ്റ്റിൽ. ഉത്തർപ്രദേശിലെ ഏറ്റാ ജില്ലയിലാണ് രണ്ട് ദിവസം മുൻപ് പെൺകുട്ടിയുടെ മൃതദേഹം കണ്ടെടുത്തത്.അതേ ഗ്രാമത്തിലുള്ള 28കാരനായ യുവാവാണ് പിടിയിലായത്.

പെൺകുട്ടിയുടെ അർധനഗ്ന നിലയിലുള്ള മൃതദേഹമാണ് അഴുക്കുചാലിൽ കണ്ടെത്തിയത്. മൃതദേഹം കണ്ടെടുത്തതിനു പിന്നാലെ, പെൺകുട്ടിയെ ബലാത്സംഗം ചെയ്ത് കൊലപ്പെടുത്തി അഴുക്കുചാലിൽ ഉപേക്ഷിച്ചതാണെന്ന് കുടുംബം ആരോപിച്ചു. തുടർന്ന് പൊലീസ് അന്വേഷണം ആരംഭിക്കുകയും പ്രതിയെ പിടികൂടുകയുമായിരുന്നു.

പെൺകുട്ടിയുടെ തന്നെ ഗ്രാമത്തിൽ താമസിക്കുന്നയാളാണ് പ്രതി. വിറകുകെട്ട് കൊണ്ടുപോകാൻ സഹായിക്കാമെന്ന് പറഞ്ഞ് പ്രതി പെൺകുട്ടിയെ ഒരു കടുക് പാടത്തേക്ക് പ്രലോഭിപ്പിച്ച് കൊണ്ടുപോയി ബലാത്സംഗം ചെയ്യുകയായിരുന്നെന്ന് എസ്എസ്പി പറഞ്ഞു. പെൺകുട്ടി എതിർത്തപ്പോൾ ശ്വാസംമുട്ടിച്ച് കൊലപ്പെടുത്തുകയുമായിരുന്നു. ചോദ്യം ചെയ്യലിൽ പ്രതി കുറ്റം സമ്മതിച്ചതായും നിയമനടപടികൾ പൂർത്തിയാക്കി ജയിലിലേക്ക് അയച്ചതായും പൊലീസ് പറഞ്ഞു.

### Related Links & Sources
- [Original Story Source](https://truevisionnews.com/news/327336/19-year-old-semi-nude-body-found-in-drain-28-year-old-arrested-for-raping-murdering-and-dumping-the-girl-in-the-drain)