---
title: "ഇന്ത്യയുടെ തേജസ് തകര്‍ന്നുവീണ് അപകടം; പൈലറ്റിന് ദാരുണാന്ത്യം, ദുബൈ എയർഷോ താൽക്കാലികമായി നിർത്തിവെച്ചു"
english_title: "Pilot dies tragically, Indian fighter jet Tejas crashes at Dubai Airshow"
publisher: "truevisionnews.com"
canonical_url: "https://truevisionnews.com/news/327151/pilot-dies-tragically-indian-fighter-jet-tejas-crashes-at-dubai-airshow"
published_at: "2025-11-21T16:55:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/69204e494e341_thejas1.jpg"
keywords: []
---

# ഇന്ത്യയുടെ തേജസ് തകര്‍ന്നുവീണ് അപകടം; പൈലറ്റിന് ദാരുണാന്ത്യം, ദുബൈ എയർഷോ താൽക്കാലികമായി നിർത്തിവെച്ചു

> **Lead Summary:** ** ഇ**ന്ത്യ തദ്ദേശീയമായി വികസിപ്പിച്ച വ്യോമസേനയുടെ തേജസ് യുദ്ധവിമാനം തകര്‍ന്നുവീണതിനെ തുടർന്ന് ദുബൈ എയര്‍ഷോയില്‍ ഉച്ചകഴിഞ്ഞുള്ള പ്രദർശനം താൽക്കാലികമായി നിർത്തിവെച്ചു. വെള്ളിയാഴ്ച പ്രാദേശിക സമയം ഉച്ചയ്ക്ക് 2.10 ഓടെയായിരുന്നു സംഭവമെന്ന് വാർത്ത ഏജൻസി എ.പി റിപ്പോർട്ട് ചെയ്തു. അപകടത്തിൽ പൈലറ്റ് കൊല്ലപ്പെട്ടെന്നാണ് വിവരം.

## Article Content

** ഇ**ന്ത്യ തദ്ദേശീയമായി വികസിപ്പിച്ച വ്യോമസേനയുടെ തേജസ് യുദ്ധവിമാനം തകര്‍ന്നുവീണതിനെ തുടർന്ന് ദുബൈ എയര്‍ഷോയില്‍ ഉച്ചകഴിഞ്ഞുള്ള പ്രദർശനം താൽക്കാലികമായി നിർത്തിവെച്ചു. വെള്ളിയാഴ്ച പ്രാദേശിക സമയം ഉച്ചയ്ക്ക് 2.10 ഓടെയായിരുന്നു സംഭവമെന്ന് വാർത്ത ഏജൻസി എ.പി റിപ്പോർട്ട് ചെയ്തു. അപകടത്തിൽ പൈലറ്റ് കൊല്ലപ്പെട്ടെന്നാണ് വിവരം.

എയര്‍ഷോയിൽ പങ്കെടുത്തവരോട് പ്രധാന എക്സിബിഷൻ ഏരിയയിലേക്ക് മടങ്ങാൻ നിർദ്ദേശിക്കുകയും ചെയ്തു. വ്യേമാഭ്യാസത്തിനിടെ മൂന്നരയോടെ തേജസ് യുദ്ധവിമാനം നിയന്ത്രണം വിട്ട് താഴേക്ക് പതിക്കുകയായിരുന്നു.

ദുബൈ അല്‍ മക്തൂം അന്താരാഷ്ട്ര വിമാനത്താവളത്തിനരികെയാണ് അപകടം ഉണ്ടായത്. ഇന്ത്യന്‍ വ്യേമസേന അപകടം സ്ഥിരീകരിച്ചു. അപകടത്തിന്റെ കാരണം വ്യക്തമല്ല.

ഹിന്ദുസ്ഥാന്‍ ഡെവലപ്പ്‌മെന്‍റ് ഏജന്‍സിയും ഹിന്ദുസ്ഥാന്‍ എയ്റോനോട്ടിക്‌സ് ലിമിറ്റഡും സംയുക്തമായി വികസിപ്പിച്ച തേജസ് യുദ്ധവിമാനം 2016 ലാണ് ഇന്ത്യന്‍ വ്യോമസേനയ്ക്ക് കൈമാറിയത്. ലോകത്തെ ഏറ്റവും പ്രധാന എയർഷോകളിലൊന്നാണ് ദുബൈ എയർഷോ. നവംബര്‍ 17നാണ് ദുബൈ എയർഷോക്ക് തുടക്കമായത്.

### Related Links & Sources
- [Original Story Source](https://truevisionnews.com/news/327151/pilot-dies-tragically-indian-fighter-jet-tejas-crashes-at-dubai-airshow)