---
title: "പ്രണയപ്പകയിൽ അരുംകൊല....! പ്രണയം നിരസിച്ചതിന് സ്കൂളിലേക്കുള്ള യാത്രയ്ക്കിടെ പ്ലസ്ടു വിദ്യാര്‍ഥിനിയെ കുത്തിക്കൊന്നു, പ്രതി കസ്റ്റഡിയിൽ"
english_title: "Plus Two student stabbed to death while on their way to school for rejecting love accused in custody"
publisher: "truevisionnews.com"
canonical_url: "https://truevisionnews.com/news/326661/plus-two-student-stabbed-to-death-while-on-their-way-to-school-for-rejecting-love-accused-in-custody"
published_at: "2025-11-19T11:08:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/691d58f9a559a_crime.jpg"
keywords: []
---

# പ്രണയപ്പകയിൽ അരുംകൊല....! പ്രണയം നിരസിച്ചതിന് സ്കൂളിലേക്കുള്ള യാത്രയ്ക്കിടെ പ്ലസ്ടു വിദ്യാര്‍ഥിനിയെ കുത്തിക്കൊന്നു, പ്രതി കസ്റ്റഡിയിൽ

> **Lead Summary:** **( **[www.truevisionnews.com]** )** പ്രണയം നിരസിച്ചതിനു പന്ത്രണ്ടാംക്ലാസുകാരിയെ കുത്തിക്കൊന്നു. രാമനാഥപുരം രാമേശ്വരത്ത് പ്ലസ്ടു വിദ്യാര്‍ഥിനി ശാലിനി ആണ് ദാരുണമായി കൊല്ലപ്പെട്ടത്. പ്രതി മുനിരാജിനെ പൊലീസ് കസ്റ്റഡിയിലെടുത്തു. സ്കൂളിലേക്ക് പോകുന്ന വഴിയാണ് ശാലിനിയെ മുനിരാജ് കുത്തിവീഴ്ത്തിയത്.

## Article Content

**( **[www.truevisionnews.com]** )** പ്രണയം നിരസിച്ചതിനു പന്ത്രണ്ടാംക്ലാസുകാരിയെ കുത്തിക്കൊന്നു. രാമനാഥപുരം രാമേശ്വരത്ത് പ്ലസ്ടു വിദ്യാര്‍ഥിനി ശാലിനി ആണ് ദാരുണമായി കൊല്ലപ്പെട്ടത്. പ്രതി മുനിരാജിനെ പൊലീസ് കസ്റ്റഡിയിലെടുത്തു. സ്കൂളിലേക്ക് പോകുന്ന വഴിയാണ് ശാലിനിയെ മുനിരാജ് കുത്തിവീഴ്ത്തിയത്.

ഏറെക്കാലമായി പ്രണയം പറഞ്ഞ് നാട്ടുകാരനായ മുനിരാജ് പെണ്‍കുട്ടിയുടെ പിന്നാലെ നടക്കുകയായിരുന്നു. തനിക്ക് താല്‍പര്യമില്ലെന്ന് ശാലിനി പലതവണ ഇയാളോട് പറഞ്ഞു. ഒടുവില്‍ ശല്യം സഹിക്കാതായതോടെ പെണ്‍കുട്ടി വീട്ടില്‍ അറിയിച്ചു. കഴിഞ്ഞയാഴ്ച്ച ശാലിനിയുടെ പിതാവ് മുനിരാജിന്റെ വീട്ടിലെത്തി തന്റെ മകളുടെ പിന്നാലെ നടക്കരുതെന്നും ശല്യപ്പെടുത്തരുതെന്നും ആവശ്യപ്പെട്ടിരുന്നു.

ഈ സംഭവത്തിനു പിന്നാലെയാണ് ശാലിനിയെ കൊലപ്പെടുത്താന്‍ മുനിരാജ് തീരുമാനിച്ചതെന്ന് പൊലീസിനു മൊഴി ലഭിച്ചു. സ്കൂളിലേക്ക് പോകുംവഴി ശാലിനിയെ കാത്തുനിന്ന് നെഞ്ചില്‍ കുത്തിവീഴ്ത്തുകയായിരുന്നു. ഉടന്‍ തന്നെ ആളുകള്‍ ഓടിക്കൂടി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

### Related Links & Sources
- [Original Story Source](https://truevisionnews.com/news/326661/plus-two-student-stabbed-to-death-while-on-their-way-to-school-for-rejecting-love-accused-in-custody)