---
title: "പിഎം ശ്രീയിൽനിന്ന് പിന്മാറി കേരളം; കരാര്‍ റദ്ദാക്കണമെന്നാവശ്യപ്പെട്ട് കേന്ദ്രത്തിന് കത്തയച്ചു"
english_title: "kerala government sends letter to union government over pm shri scheme freezing"
publisher: "truevisionnews.com"
canonical_url: "https://truevisionnews.com/news/325632/kerala-government-sends-letter-to-union-government-over-pm-shri-scheme-freezing"
published_at: "2025-11-12T16:41:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69146cb7bc92a_pm_sree.jpg"
keywords: []
---

# പിഎം ശ്രീയിൽനിന്ന് പിന്മാറി കേരളം; കരാര്‍ റദ്ദാക്കണമെന്നാവശ്യപ്പെട്ട് കേന്ദ്രത്തിന് കത്തയച്ചു

> **Lead Summary:** **തിരുവനന്തപുരം: [** പിഎംശ്രീ പദ്ധതിയില്‍ ഭാഗമാകില്ലെന്ന് കേരളം. കരാര്‍ റദ്ദാക്കണമെന്നാവശ്യപ്പെട്ട് കേരളം കേന്ദ്രത്തിന് കത്തയച്ചു. സിപിഐയുടെ എതിര്‍പ്പിനെ തുടര്‍ന്നാണ് സര്‍ക്കാര്‍ പദ്ധതിയില്‍നിന്ന് പിന്‍വാങ്ങാന്‍ തീരുമാനിച്ചത്. മന്ത്രിസഭാ ഉപസമിതിയെ വിഷയം പഠിക്കാന്‍ നിയോഗിച്ചിട്ടുണ്ടെന്നും കേന്ദ്രത്തിനയച്ച കത്തില്‍ പറയുന്നു.

## Article Content

**തിരുവനന്തപുരം: [** പിഎംശ്രീ പദ്ധതിയില്‍ ഭാഗമാകില്ലെന്ന് കേരളം. കരാര്‍ റദ്ദാക്കണമെന്നാവശ്യപ്പെട്ട് കേരളം കേന്ദ്രത്തിന് കത്തയച്ചു. സിപിഐയുടെ എതിര്‍പ്പിനെ തുടര്‍ന്നാണ് സര്‍ക്കാര്‍ പദ്ധതിയില്‍നിന്ന് പിന്‍വാങ്ങാന്‍ തീരുമാനിച്ചത്. മന്ത്രിസഭാ ഉപസമിതിയെ വിഷയം പഠിക്കാന്‍ നിയോഗിച്ചിട്ടുണ്ടെന്നും കേന്ദ്രത്തിനയച്ച കത്തില്‍ പറയുന്നു.

പിഎംശ്രീ പദ്ധതിയില്‍ ഒപ്പുവെച്ച ധാരണാപത്രം മരവിപ്പിക്കാനുള്ള സംസ്ഥാന സര്‍ക്കാര്‍ തീരുമാനം വിദ്യാഭ്യാസമന്ത്രി വി. ശിവന്‍കുട്ടി കേന്ദ്രത്തെ അറിയിച്ചിരുന്നു. കഴിഞ്ഞദിവസം ഡല്‍ഹിയില്‍ കേന്ദ്ര വിദ്യാഭ്യാസമന്ത്രി ധര്‍മേന്ദ്ര പ്രധാനുമായുള്ള കൂടിക്കാഴ്ചയിലാണ് ശിവന്‍കുട്ടി സംസ്ഥാനത്തിന്റെ നിലപാട് വ്യക്തമാക്കിയത്.

നേരത്തേ പിഎംശ്രീ കരാറില്‍നിന്നുള്ള പിന്മാറ്റം കേന്ദ്രത്തെ അറിയിക്കാന്‍ സംസ്ഥാനസര്‍ക്കാര്‍ കത്തയക്കാത്തതില്‍ സിപിഐ അമര്‍ഷം രേഖപ്പെടുത്തിയിരുന്നു. കേന്ദ്രത്തിനുള്ള കത്ത് വൈകിപ്പിക്കില്ലെന്ന് ഇതിനു പിന്നാലെ മന്ത്രി ശിവന്‍കുട്ടി പ്രതികരിക്കുകയും ചെയ്തിരുന്നു. വിഷയത്തില്‍ നിയമോപദേശം ലഭിച്ചശേഷം കത്തയക്കുമെന്നായിരുന്നു മന്ത്രി പറഞ്ഞത്. ഇതിനു പിന്നാലെയാണ് ഇപ്പോള്‍ പദ്ധതിയില്‍ ഭാഗമാകില്ലെന്ന് വ്യക്തമാക്കി സര്‍ക്കാര്‍, കേന്ദ്രത്തിന് കത്തയച്ചിരിക്കുന്നത്.

### Related Links & Sources
- [Original Story Source](https://truevisionnews.com/news/325632/kerala-government-sends-letter-to-union-government-over-pm-shri-scheme-freezing)