---
title: "kerala Local Body Election 2025: നിങ്ങൾക്ക് വോട്ടുണ്ടോ.....? തദ്ദേശ തെരഞ്ഞെടുപ്പ്: വോട്ടര്‍ പട്ടികയില്‍ പേരുണ്ടോയെന്ന് എങ്ങനെ പരിശോധിക്കാം? ചെയ്യേണ്ടത് ഇത്രമാത്രം"
english_title: "how to check your name and details in voter list kerala amid local body election 2025"
publisher: "truevisionnews.com"
canonical_url: "https://truevisionnews.com/news/325538/how-to-check-your-name-and-details-in-voter-list-kerala-amid-local-body-election-2025"
published_at: "2025-11-12T10:15:00+05:30"
category: "local body election kerala 2025"
language: "ml"
image: "https://cf.zdn.im/img/truevisionnews.com/0/image-uploads/69141295e7d6a_vote.jpg"
keywords: []
---

# kerala Local Body Election 2025: നിങ്ങൾക്ക് വോട്ടുണ്ടോ.....? തദ്ദേശ തെരഞ്ഞെടുപ്പ്: വോട്ടര്‍ പട്ടികയില്‍ പേരുണ്ടോയെന്ന് എങ്ങനെ പരിശോധിക്കാം? ചെയ്യേണ്ടത് ഇത്രമാത്രം

> **Lead Summary:** **തിരുവനന്തപുരം: ** തദ്ദേശ സ്വയംഭരണസ്ഥാപനങ്ങളിലേക്കുള്ള തെരഞ്ഞെടുപ്പ് തീയതി പ്രഖ്യാപിച്ചു കഴിഞ്ഞു. ഡിസംബർ ഒൻപത്, പതിനൊന്ന് തീയതികളിൽ രണ്ടുഘട്ടമായാണ് പോളിങ് നടത്തുക. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ ഡിസംബർ ഒൻപതിനും തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഡിസംബർ പതിനൊന്നിനുമാണ് വോട്ടെടുപ്പ്.

## Article Content

**തിരുവനന്തപുരം: ** തദ്ദേശ സ്വയംഭരണസ്ഥാപനങ്ങളിലേക്കുള്ള തെരഞ്ഞെടുപ്പ് തീയതി പ്രഖ്യാപിച്ചു കഴിഞ്ഞു. ഡിസംബർ ഒൻപത്, പതിനൊന്ന് തീയതികളിൽ രണ്ടുഘട്ടമായാണ് പോളിങ് നടത്തുക. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ ഡിസംബർ ഒൻപതിനും തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഡിസംബർ പതിനൊന്നിനുമാണ് വോട്ടെടുപ്പ്.

രാവിലെ ഏഴ് മുതൽ വൈകുന്നേരം ആറുമണിവരെ പോളിങ് നടക്കും. തെരഞ്ഞെടുപ്പ് കമ്മീഷൻ നവംബർ പതിനാലിന് വിജ്ഞാപനമിറക്കും. നവംബർ 21 വരെ നാമനിർദേശ പത്രിക സമർപ്പിക്കാം. നാമനിർദേശ പത്രികകളുടെ സൂക്ഷ്മ പരിശോധന നവംബർ 22ന് നടക്കും. നവംബർ 24നകം സ്ഥാനാർഥിത്വം പിൻവലിക്കാം. ഡിസംബർ 18ന് തെരഞ്ഞെടുപ്പ് നടപടികൾ പൂർത്തിയാക്കും. ഡിസംബർ 13നാണ് വോട്ടെണ്ണൽ.

തെരഞ്ഞെടുപ്പിന് ദിവസങ്ങൾ മാത്രം അവശേഷിക്കെ വോട്ടര്‍ പട്ടികയില്‍ പേരുവിവരങ്ങൾ ഉണ്ടോയെന്ന് പരിശോധിക്കാനാകും.

[www.sec.kerala.gov.in](http://www.sec.kerala.gov.in) എന്ന പോര്‍ട്ടല്‍ സന്ദര്‍ശിച്ച് വേണം പരിശോധന നടത്താൻ.

**വോട്ടർ പട്ടികയിൽ പേരുവിവരങ്ങൾ ഉണ്ടോയെന്ന് എങ്ങനെ പരിശോധന നടത്താം?**

** ആദ്യം www.sec.kerala.gov.in എന്ന പോര്‍ട്ടല്‍ സന്ദര്‍ശിക്കുക.*

** തുടര്‍ന്ന് സിറ്റിസണ്‍ രജിസ്‌ട്രേഷന്‍ വഴി പേരും മൊബൈല്‍ നമ്പറും പാസ്വേര്‍ഡും നല്‍കി പ്രൊഫൈല്‍ നിര്‍മിക്കാം.*

** നിങ്ങള്‍ നല്‍കുന്ന മൊബൈല്‍ നമ്പറായിരിക്കും ലോഗിന്‍ യൂസര്‍ നെയിം.*

** തുടര്‍ന്ന് ലോഗിന്‍ ചെയ്യാം. വോട്ടര്‍ സര്‍വീസസ് എന്ന ഓപ്ഷനില്‍ സെര്‍ച്ച് വോട്ടര്‍ തെരഞ്ഞെടുക്കാം.*

** സംസ്ഥാനം, തദ്ദേശസ്ഥാപനം, വാര്‍ഡ് എന്നിങ്ങനെ മൂന്ന് തലങ്ങളില്‍ വോട്ടര്‍പ്പട്ടികയില്‍ പേര് തിരിയാന്‍ ഇതുവഴി കഴിയും.*

വോട്ടര്‍പട്ടികയിലേക്ക് അപേക്ഷിക്കുമ്പോള്‍ നല്‍കിയ പേര്, കേന്ദ്ര തെരഞ്ഞെടുപ്പ് കമ്മീഷന്റെ വോട്ടര്‍ തിരിച്ചറിയല്‍ കാര്‍ഡ് നമ്പര്‍, സംസ്ഥാന തെരഞ്ഞെടുപ്പ് കമ്മീഷന്‍ നല്‍കിയ പുതിയതോ അതോ പഴയതോ ആയ നമ്പര്‍ ഇവയില്‍ ഏതെങ്കിലും ഉപയോഗിച്ചാണ് തിരച്ചില്‍ നടത്തേണ്ടത്. വോട്ടര്‍ പട്ടികയില്‍ നിങ്ങളുടെ പേരുണ്ടെങ്കില്‍ ഇപ്പോള്‍ നിങ്ങളുടെ വിവരങ്ങല്‍ കാണാനാകും.

**മാതൃക പെരുമാറ്റച്ചട്ടം പ്രാബല്യത്തിൽ വന്നു**

തെരഞ്ഞെടുപ്പുമായി ബന്ധപ്പെട്ട മാതൃക പെരുമാറ്റച്ചട്ടം പ്രാബല്യത്തിൽ വന്നു. പെരുമാറ്റചട്ടം സംസ്ഥാനത്തെ മുഴുവൻ തദ്ദേശ സ്ഥാപനങ്ങളിലും ബാധകമായിരിക്കും. ജാതി, സമുദായം, ഭാഷ ഉൾപ്പെടെയുള്ള കാര്യങ്ങൾ പറഞ്ഞ് വോട്ട് ചോദിക്കുകയോ മതസ്ഥാപനങ്ങൾ, ആരാധനാലയങ്ങൾ എന്നിവ തെരഞ്ഞെടുപ്പ് പ്രവർത്തനത്തിന് ഉപയോഗിക്കാൻ പാടില്ല. മതപരമോ വംശപരമോ സമുദായപരമോ ഭാഷാപരമോ ആയ സംഘർഷങ്ങൾ ഉണ്ടാക്കുന്നതും പരസ്പര വിദ്വേഷം ജനിപ്പിക്കുന്നതുമായ പ്രചാരണ പ്രവർത്തനങ്ങൾ പാടില്ല. മറ്റു സ്ഥാനാർഥികളുടെയോ പ്രതിപക്ഷപാർട്ടി പ്രവർത്തകരുടെയോ സ്വകാര്യ ജീവിതവുമായി ബന്ധപ്പെട്ട വിമർശനങ്ങളും ഈ ഘട്ടത്തിൽ പാടില്ല.

### Related Links & Sources
- [Original Story Source](https://truevisionnews.com/news/325538/how-to-check-your-name-and-details-in-voter-list-kerala-amid-local-body-election-2025)