---
title: "ഇൻസ്റ്റാഗ്രാമിനെ ഇളക്കിമറിച്ച 'പറക്കും നൂഡിൽസ്'  റെസിപ്പിയിൽ ഒളിപ്പിച്ച രഹസ്യം"
english_title: "Parakum Noodles how to prepare"
publisher: "truevisionnews.com"
canonical_url: "https://truevisionnews.com/news/323789/parakum-noodles-how-to-prepare"
published_at: "2025-11-01T15:42:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6905dd1adaa37_nudils.jpg"
keywords: []
---

# ഇൻസ്റ്റാഗ്രാമിനെ ഇളക്കിമറിച്ച 'പറക്കും നൂഡിൽസ്'  റെസിപ്പിയിൽ ഒളിപ്പിച്ച രഹസ്യം

> **Lead Summary:** ** മലയാ**ളിയുടെ അടുക്കളയിൽ ഒരു വിരുന്നുകാരനായി ഇടംപിടിച്ച വൈറൽ നൂഡിൽസിനെ പറ്റി അറിയാമോ. സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്ന ഒരു പ്രത്യേക തരം നൂഡില്‍സ് വിഭവമാണ് 'പറക്കും നൂഡില്‍സ്' എന്നറിയപ്പെടുന്ന ഫ്‌ളൈയിങ് നൂഡില്‍സ്.

## Article Content

** മലയാ**ളിയുടെ അടുക്കളയിൽ ഒരു വിരുന്നുകാരനായി ഇടംപിടിച്ച വൈറൽ നൂഡിൽസിനെ പറ്റി അറിയാമോ. സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്ന ഒരു പ്രത്യേക തരം നൂഡില്‍സ് വിഭവമാണ് 'പറക്കും നൂഡില്‍സ്' എന്നറിയപ്പെടുന്ന ഫ്‌ളൈയിങ് നൂഡില്‍സ്.

മലയാളികൾക്ക് ഇന്ന് മാറ്റി നിർത്താൻ പറ്റാത്ത ഭക്ഷണമായ നൂഡിൽസ് എന്ന വിദേശ വിഭവത്തിന്റെ പല രീതിയിലുള്ള വ്യത്യസ്തതകൾ  ഇപ്പോള്‍ നിലവിലുണ്ട്. ഇതിൽ നിന്നും ഏറെ മാറ്റം വരുത്തിയ ഈ വൈറൽ വിഭവം ഉണ്ടാക്കുന്നത് എങ്ങനെയെന്ന് നോക്കിയാലോ... മലേഷ്യയിലെ ഒരു തെരുവ് ഭക്ഷണശാലയില്‍ നിന്നുള്ള ഈ വിഭവം തയ്യാറാക്കുന്ന വീഡിയോയാണ് ശ്രദ്ധ നേടുന്നത്.

**പ്രധാന ചേരുവകൾ (Ingredients):**

1.​നൂഡിൽസ് (Noodles): 200 ഗ്രാം (എഗ്ഗ് നൂഡിൽസ് അല്ലെങ്കിൽ ഇഷ്ടമുള്ള സ്റ്റിർ-ഫ്രൈ നൂഡിൽസ്)

2​എണ്ണ (Oil): ആവശ്യത്തിന് (വറുക്കാനും വഴറ്റാനും)

3.​ഉപ്പ് (Salt): ആവശ്യത്തിന്

**ഫില്ലിംഗിനും സോസിനുമുള്ള ചേരുവകൾ (Ingredients for Filling and Sauce)**

​ ഒരു സാധാരണ ഏഷ്യൻ സ്റ്റൈൽ വെജിറ്റബിൾ/ചിക്കൻ നൂഡിൽസിനുള്ള ചേരുവകൾ താഴെ നൽകുന്നു:

**പച്ചക്കറികൾ (Vegetables):**

1​. ക്യാരറ്റ് (Carrot): 1 ഇടത്തരം (നീളത്തിൽ അരിഞ്ഞത്)

2​. കാബേജ് (Cabbage): 1/2 കപ്പ് (നീളത്തിൽ അരിഞ്ഞത്)

3 ​. കാപ്സിക്കം (Capsicum - ഏത് നിറമായാലും): 1/2 കപ്പ് (നീളത്തിൽ അരിഞ്ഞത്)

4 ​. സ്പ്രിംഗ് ഒണിയൻ (Spring Onion): 2 തണ്ട് (വെള്ള ഭാഗം ചെറുതായി അരിഞ്ഞതും പച്ച ഭാഗം ഗാർണിഷ് ചെയ്യാനും)

5. വെളുത്തുള്ളി (Garlic): 1 ടേബിൾ സ്പൂൺ (ചെറുതായി അരിഞ്ഞത്)

​6. ​ചിക്കൻ (Chicken) അല്ലെങ്കിൽ ഷ്രിംപ് (Shrimp): 100 ഗ്രാം (ചെറുതായി അരിഞ്ഞത്/വൃത്തിയാക്കിയത്)

7. ​മുട്ട (Egg): 1-2 എണ്ണം (പൊരിച്ചോ അല്ലെങ്കിൽ സ്ക്രാംബിൾ ചെയ്തോ ചേർക്കാം)

**ഉണ്ടാക്കുന്ന വിധം**

പാത്രത്തിൽ ആവശ്യത്തിന് വെള്ളം തിളപ്പിച്ച്, അൽപ്പം ഉപ്പും എണ്ണയും ചേർക്കുക. ഇതിലേക്ക് നൂഡിൽസ് ചേർത്ത് പാക്കറ്റിൽ പറഞ്ഞിരിക്കുന്നതിലും അൽപ്പം കുറഞ്ഞ സമയം വേവിക്കുക (അതായത്, പൂർണ്ണമായി വേവരുത്, 'അൽ ഡെന്റെ' (al dente) പരുവത്തിൽ എടുക്കണം).വെന്ത നൂഡിൽസ് വെള്ളം വാർന്നുപോയ ശേഷം, തണുത്ത വെള്ളത്തിൽ കഴുകി പൂർണ്ണമായി തണുപ്പിക്കുക. ഇത് നൂഡിൽസ് ഒട്ടിപ്പിടിക്കുന്നത് ഒഴിവാക്കാൻ സഹായിക്കും.

**നൂഡിൽസ് സെറ്റ് ചെയ്യുക:  **ആവശ്യത്തിന് കട്ടിയുള്ള ഒരു ചോപ്സ്റ്റിക്ക് (Chopstick) എടുക്കുക . ​നിങ്ങൾ നൂഡിൽസ് സെർവ് ചെയ്യാൻ ഉദ്ദേശിക്കുന്ന പ്ലേറ്റിലോ ബൗളിലോ ഈ ചോപ്സ്റ്റിക്ക് ഒരു സ്റ്റാൻഡ് ഉപയോഗിച്ച് നേരെ നിർത്തുക.

നൂഡിൽസിന്റെ ഒരു ഭാഗം ചോപ്സ്റ്റിക്കിൽ ചുറ്റുക. നൂഡിൽസ് സെറ്റ് ചെയ്തതിനു ശേഷം, അത് പറന്നുനിൽക്കുന്ന രൂപത്തിൽ ഒരുമിച്ച് വെച്ച്, നൂഡിൽസിന്റെ അടിഭാഗം കുറഞ്ഞ തീയിൽ അൽപ്പം എണ്ണയിലിട്ട് ക്രിസ്പി ആക്കിയെടുക്കാവുന്നതാണ്. ഇത് നൂഡിൽസിന് കട്ടി നൽകാനും രൂപം നിലനിർത്താനും സഹായിക്കും.

**ഭാഗം 2: നൂഡിൽസ് ഫില്ലിംഗ് ഉണ്ടാക്കുന്നു**

ഒരു ചീനച്ചട്ടിയിൽ (Wok) എണ്ണ ചൂടാക്കുക. ചെറുതായി അരിഞ്ഞ വെളുത്തുള്ളിയും സ്പ്രിംഗ് ഒണിയന്റെ വെള്ള ഭാഗവും ചേർത്ത് വഴറ്റുക.കഴുകി വൃത്തിയാക്കിയ ചിക്കൻ കഷ്ണങ്ങൾ ചേർത്ത് നന്നായി വേവിക്കുക.ക്യാരറ്റ്, കാപ്സിക്കം, കാബേജ് എന്നിവ ചേർത്ത് അധികം വേവിക്കാതെ ഫ്ലേമിൽ ഒരു മിനിറ്റ് വഴറ്റുക.സോയ സോസ്, ചില്ലി സോസ്, വിനാഗിരി, പഞ്ചസാര, കുരുമുളക് പൊടി എന്നിവ ചേർത്ത് നന്നായി ഇളക്കുക.ഈ മസാലയിലേക്ക് വേവിച്ച നൂഡിൽസും സ്ക്രാംബിൾ ചെയ്ത മുട്ടയും ചേർത്ത് വേഗത്തിൽ ഇളക്കി യോജിപ്പിക്കുക. ഉപ്പ് ആവശ്യമുണ്ടെങ്കിൽ ചേർക്കുക

ഭാഗം 3: ഫ്ലൈയിങ് നൂഡിൽസ്

ഫില്ലിംഗ് ഉണ്ടാക്കിയ നൂഡിൽസ്, പ്ലേറ്റിൽ നിങ്ങൾ തയ്യാറാക്കിയ നൂഡിൽസ് ബേസിന് ചുറ്റും സാവധാനം നിറയ്ക്കുക. ചോപ്സ്റ്റിക്കിൽ ചുറ്റിയ നൂഡിൽസ് പറന്നുനിൽക്കുന്നതായി തോന്നും. സ്‌പ്രിംഗ് ഒണിയന്റെ പച്ച ഭാഗം ഉപയോഗിച്ച് ഗാർണിഷ് ചെയ്ത് ചൂടോടെ വിളമ്പുക.

> ഇതിനോടകം 82 ലക്ഷത്തിലധികം പേർ ഇൻസ്റ്റാഗ്രാമയിൽ  വീഡിയോ കണ്ട് പ്രതികരണങ്ങള്‍ രേഖപ്പെടുത്തിയത്.ഇതെങ്ങനെ കഴിക്കാൻ സാധിക്കും!" എന്നായിരുന്നു ഒരാളുടെ പ്രധാന സംശയം. "ഞാനിത് കഴിച്ചിട്ടുണ്ട്" എന്ന് അവകാശപ്പെടുന്നവരും ഉണ്ട്. എന്നാല്‍, വിഭവത്തിന്റെ ആരോഗ്യപരമായ വശങ്ങളെക്കുറിച്ചും ആളുകള്‍ ആശങ്കകള്‍ പങ്കുവെച്ചു.നൂഡിൽസ് എന്നത് പുളിപ്പിക്കാത്ത മാവ്ഉപയോഗിച്ച് ഉണ്ടാക്കുന്ന ഒരു തരം ഭക്ഷണമാണ്. ഈ മാവ് പരത്തിയ ശേഷം, നീളമുള്ള നേർത്ത നാടകളായോ  നൂലുകളായോ  മുറിക്കുകയോ വലിച്ചുനീട്ടുകയോ രൂപപ്പെടുത്തുകയോ ചെയ്യുന്നു.

പ്രധാനമായും ഗോതമ്പ് മാവ്, വെള്ളം എന്നിവയാണ് ഉപയോഗിക്കാറ്. ചിലയിനം നൂഡിൽസിൽ മുട്ട, അരിമാവ്, പയർ വർഗ്ഗങ്ങളുടെ അന്നജം (starch), അല്ലെങ്കിൽ ബക്ക് വീറ്റ് (buckwheat) എന്നിവയും ചേർക്കാറുണ്ട്.സാധാരണയായി തിളച്ച വെള്ളത്തിൽ പാകം ചെയ്യുന്നു. ഇത് കൂടാതെ, ആവിയിൽ പുഴുങ്ങുക, വറുത്തെടുക്കുക, അല്ലെങ്കിൽ എണ്ണയിലിട്ട് വറുത്തെടുക്കുക തുടങ്ങിയ രീതികളിലും പാചകം ചെയ്യാറുണ്ട്.

നൂഡിൽസ് സാധാരണയായി സോസ് ചേർത്തോ അല്ലെങ്കിൽ സൂപ്പിൽ ചേർത്തോ ആണ് കഴിക്കാറ്. ചൈനീസ്, ഇറ്റാലിയൻ വിഭവങ്ങളിലാണ് ഇവ കൂടുതലായി കാണപ്പെടുന്നത്.നൂഡിൽസിന്റെ ഉത്ഭവം ഏകദേശം 4,000 വർഷങ്ങൾക്ക് മുൻപ് വടക്കുപടിഞ്ഞാറൻ ചൈനയിലാണെന്ന് കണക്കാക്കപ്പെടുന്നു.​നൂഡിൽസ് ലോകമെമ്പാടുമുള്ള പല സംസ്കാരങ്ങളിലെയും ഒരു പ്രധാന ഭക്ഷണമാണ്, പലതരം ആകൃതികളിലും രുചികളിലും ഇവ ലഭ്യമാണ്. നൂഡിൽസിന് ഏറ്റവും കൂടുതൽ ഫാൻസ്‌ ഉള്ളത് കുട്ടികൾക്ക് ഇടയിൽ ആണ് എന്ന് പഠനകൾ പറയുന്നത്.പറക്കും നൂഡിൽസ് കുട്ടികൾക്ക് ഇടയിലും ഒരു തരകംതന്നെ സൃഷ്ടിച്ചു.

### Related Links & Sources
- [Original Story Source](https://truevisionnews.com/news/323789/parakum-noodles-how-to-prepare)