---
title: "നവി മുംബൈ ഫാം ഹൗസ്‌ ബാത്ത്റൂമുകളിൽ ഒളിക്യാമറ; ദൃശ്യങ്ങൾ പകർത്തിയ മാനേജർ കസ്റ്റഡിയിൽ"
english_title: "A farmhouse manager has been arrested for secretly filming women by installing hidden cameras in the bathrooms of a farmhouse in Taloja-Dhansar."
publisher: "truevisionnews.com"
canonical_url: "https://truevisionnews.com/news/322904/a-farmhouse-manager-has-been-arrested-for-secretly-filming-women-by-installing-hidden-cameras-in-the-bathrooms-of-a-farmhouse-in-taloja-dhansar"
published_at: "2025-10-28T07:07:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/69001e73f0159_camera.jpg"
keywords: []
---

# നവി മുംബൈ ഫാം ഹൗസ്‌ ബാത്ത്റൂമുകളിൽ ഒളിക്യാമറ; ദൃശ്യങ്ങൾ പകർത്തിയ മാനേജർ കസ്റ്റഡിയിൽ

> **Lead Summary:** ** **തലോജ-ധൻസറിലെ ഒരു ഫാംഹൗസിലെ ബാത്ത്റൂമുകളിൽ ഒളിക്യാമറകൾ സ്ഥാപിച്ച് സ്ത്രീകളെ രഹസ്യമായി ചിത്രീകരിച്ച ഫാംഹൗസ് മാനേജർ അറസ്റ്റിൽ. പാർട്ടിക്കായി എത്തിയ സ്ത്രീകൾ ക്യാമറ കണ്ടെത്തിയതോടെയാണ് സംഭവം പുറത്തറിഞ്ഞത്.

## Article Content

** **തലോജ-ധൻസറിലെ ഒരു ഫാംഹൗസിലെ ബാത്ത്റൂമുകളിൽ ഒളിക്യാമറകൾ സ്ഥാപിച്ച് സ്ത്രീകളെ രഹസ്യമായി ചിത്രീകരിച്ച ഫാംഹൗസ് മാനേജർ അറസ്റ്റിൽ. പാർട്ടിക്കായി എത്തിയ സ്ത്രീകൾ ക്യാമറ കണ്ടെത്തിയതോടെയാണ് സംഭവം പുറത്തറിഞ്ഞത്.

ഖാർഘർ സെക്ടർ 27 ലെ രഞ്ജൻപാഡയിൽ താമസിക്കുന്ന മനോജ് ഭഗവാൻ ചൗധരി (35) എന്ന പ്രതി കഴിഞ്ഞ കുറച്ച് മാസങ്ങളായി റിരിയൻസ് ഫാംഹൗസ് ചുമതല വഹിക്കുകയായിരുന്നു. ഈ കാലയളവിൽ, രണ്ട് കുളിമുറികളിൽ സ്പൈ ക്യാമറകൾ സ്ഥാപിക്കുകയും സ്ത്രീകളുടെയും പെൺകുട്ടികളുടെയും കുളിക്കുമ്പോഴോ വസ്ത്രം മാറുമ്പോഴോ ഉള്ള വീഡിയോകൾ പകർത്തുകയും ചെയ്തതായി ആരോപിക്കപ്പെടുന്നു.

ഒക്ടോബർ 25-ന് ഒരു കുടുംബസംഘം പാർട്ടിക്കായി ഫാംഹൗസിലെത്തിയപ്പോഴാണ് സംഭവം പുറത്തറിയുന്നത്. കുളിക്കാനെത്തിയ സ്ത്രീകൾ ബാത്ത്റൂമിൽ ഒരു ഇലക്ട്രോണിക് ഉപകരണം ശ്രദ്ധയിൽപ്പെട്ടതോടെ പരിശോധിച്ചപ്പോൾ അത് ഒളിക്യാമറയാണെന്ന് കണ്ടെത്തി. ഉടൻ തന്നെ അവർ തലോജ പോലീസ് സ്റ്റേഷനിൽ വിവരം അറിയിച്ചു.

സ്ഥലം പരിശോധിച്ച പോലീസ് രണ്ട് ബാത്ത്റൂമുകളിൽ ഒളിഞ്ഞ ക്യാമറകളും അവയിൽ പകർത്തിയ ദൃശ്യങ്ങൾ സൂക്ഷിച്ചിരുന്ന ഡിവിആർ ഉപകരണവും കണ്ടെത്തി. ഉപകരണങ്ങൾക്കും പ്രതിയുടെ മൊബൈൽ ഫോണിനും പോലീസ് കസ്റ്റഡിയിലെടുത്തിട്ടുണ്ട്. തലോജ പോലീസ് പ്രതിക്കെതിരെ ഐ.ടി. ആക്ട് ഉൾപ്പെടെ വിവിധ വകുപ്പുകൾ പ്രകാരം കേസെടുത്ത് അന്വേഷണം ആരംഭിച്ചിട്ടുണ്ട്.

### Related Links & Sources
- [Original Story Source](https://truevisionnews.com/news/322904/a-farmhouse-manager-has-been-arrested-for-secretly-filming-women-by-installing-hidden-cameras-in-the-bathrooms-of-a-farmhouse-in-taloja-dhansar)