---
title: "കണ്ണൂരിൽ ഭർത്താവിനെ ഇരുമ്പു പൈപ്പുകൊണ്ട് ത​ല​ക്ക​ടി​ച്ചു​ കൊന്നു, മൃതദേഹം റോഡിലിട്ട് മുങ്ങി; ഭാര്യയ്ക്ക് ജീവപര്യന്തം തടവ്"
english_title: "chackochan murder case wife rosamma gets lifetime imprisonment"
publisher: "truevisionnews.com"
canonical_url: "https://truevisionnews.com/news/322509/chackochan-murder-case-wife-rosamma-gets-lifetime-imprisonment"
published_at: "2025-10-25T14:23:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68fc9059dc56a_GHGFH.jpg"
keywords: []
---

# കണ്ണൂരിൽ ഭർത്താവിനെ ഇരുമ്പു പൈപ്പുകൊണ്ട് ത​ല​ക്ക​ടി​ച്ചു​ കൊന്നു, മൃതദേഹം റോഡിലിട്ട് മുങ്ങി; ഭാര്യയ്ക്ക് ജീവപര്യന്തം തടവ്

> **Lead Summary:** **തളിപ്പറമ്പ്: ( **[www.truevisionnews.com]** ) **വയക്കര മുളപ്രയിലെ ചാക്കോച്ചന്‍ എന്ന കുഞ്ഞിമോനെ തലയ്ക്കടിച്ച് കൊലപ്പെടുത്തിയ കേസില്‍ ഭാര്യ റോസമ്മയ്ക്ക് ജീവപര്യന്തം തടവും ഒരുലക്ഷം രൂപ പിഴയും ശിക്ഷ. തളിപ്പറമ്പ് അഡീഷണല്‍ സെഷന്‍സ് ജഡ്ജി കെ.എന്‍.പ്രശാന്താണ് ശിക്ഷ വിധിച്ചത്. കേസില്‍ പ്രതി കുറ്റക്കാരിയാണെന്ന് കോടതി നേരത്തേ കണ്ടെത്തിയിരുന്നു.

## Article Content

**തളിപ്പറമ്പ്: ( **[www.truevisionnews.com]** ) **വയക്കര മുളപ്രയിലെ ചാക്കോച്ചന്‍ എന്ന കുഞ്ഞിമോനെ തലയ്ക്കടിച്ച് കൊലപ്പെടുത്തിയ കേസില്‍ ഭാര്യ റോസമ്മയ്ക്ക് ജീവപര്യന്തം തടവും ഒരുലക്ഷം രൂപ പിഴയും ശിക്ഷ. തളിപ്പറമ്പ് അഡീഷണല്‍ സെഷന്‍സ് ജഡ്ജി കെ.എന്‍.പ്രശാന്താണ് ശിക്ഷ വിധിച്ചത്. കേസില്‍ പ്രതി കുറ്റക്കാരിയാണെന്ന് കോടതി നേരത്തേ കണ്ടെത്തിയിരുന്നു.

കുടുംബവഴക്കിനെത്തുടര്‍ന്ന് റോസമ്മ ചാക്കോച്ചനെ കൊലപ്പെടുത്തി മൃതദേഹം റോഡില്‍ ഉപേക്ഷിച്ചെന്നാണ് പ്രോസിക്യൂഷന്‍ കേസ്. പെരിങ്ങോം പോലീസാണ് കേസ് രജിസ്റ്റര്‍ചെയ്തിരുന്നത്.

2013 ജൂലായ് ആറിന് പുലര്‍ച്ചെയാണ് റോഡില്‍ ചാക്കോച്ചന്റെ മൃതദേഹം കണ്ടത്. വീട്ടില്‍വെച്ച് ചാക്കോച്ചനെ കൊലപ്പെടുത്തിയ പ്രതി 30 മീറ്ററോളം അകലെയുള്ള റോഡിലാണ് മൃതദേഹം കൊണ്ടിട്ടത്. കൊല്ലപ്പെട്ട ചാക്കോച്ചന്‍ പയ്യന്നൂരിലെ മെഡിക്കല്‍ സ്റ്റോറില്‍ ജീവനക്കാരനായിരുന്നു. അതേസമയം, താന്‍ തെറ്റൊന്നും ചെയ്തിട്ടില്ലെന്നായിരുന്നു കോടതിയില്‍ റോസമ്മ പറഞ്ഞത്. താന്‍ രോഗിയാണെന്നും കോടതിയില്‍ പറഞ്ഞിരുന്നു.

### Related Links & Sources
- [Original Story Source](https://truevisionnews.com/news/322509/chackochan-murder-case-wife-rosamma-gets-lifetime-imprisonment)