---
title: "പിഎം ശ്രീ: ഒപ്പുവെച്ച വാർത്ത സത്യമെങ്കിൽ അത് മുന്നണി മര്യാദകളുടെ ലംഘനം - ബിനോയ് വിശ്വം"
english_title: "CPI State Secretary BinoyViswam reacted to Kerala signing the PM Shri School scheme."
publisher: "truevisionnews.com"
canonical_url: "https://truevisionnews.com/news/322209/cpi-state-secretary-binoyviswam-reacted-to-kerala-signing-the-pm-shri-school-scheme"
published_at: "2025-10-23T22:23:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68fa5db5613c9_binoy.jpg"
keywords: []
---

# പിഎം ശ്രീ: ഒപ്പുവെച്ച വാർത്ത സത്യമെങ്കിൽ അത് മുന്നണി മര്യാദകളുടെ ലംഘനം - ബിനോയ് വിശ്വം

> **Lead Summary:** പിഎം ശ്രീ സ്‌കൂൾ പദ്ധതിയിൽ കേരളം ഒപ്പുവെച്ചതിൽ പ്രതികരിച്ച് സിപിഐ സംസ്ഥാന സെക്രട്ടറി ബിനോയ് വിശ്വം. ഒപ്പുവെച്ച വാർത്ത സത്യമെങ്കിൽ അത് മുന്നണി മര്യാദകളുടെ ലംഘനമാണെന്ന് ബിനോയ് വിശ്വം പറഞ്ഞു.

## Article Content

പിഎം ശ്രീ സ്‌കൂൾ പദ്ധതിയിൽ കേരളം ഒപ്പുവെച്ചതിൽ പ്രതികരിച്ച് സിപിഐ സംസ്ഥാന സെക്രട്ടറി ബിനോയ് വിശ്വം. ഒപ്പുവെച്ച വാർത്ത സത്യമെങ്കിൽ അത് മുന്നണി മര്യാദകളുടെ ലംഘനമാണെന്ന് ബിനോയ് വിശ്വം പറഞ്ഞു.

നാളെ ഉച്ചക്ക് സംസ്ഥാന സെക്രട്ടറിയേറ്റ് ഈ വിഷയം ചർച്ച ചെയ്യും. സെക്രട്ടറിയേറ്റിനുശേഷം സിപിഐ നിലപാട് വാർത്താസമ്മേളനം വിളിച്ച് അറിയിക്കുമെന്നും ബിനോയ് വിശ്വം കൂട്ടിച്ചേർത്തു.

എൽഡിഎഫിലെ എതിർപ്പുകൾ മറികടന്നാണ് പിഎം ശ്രീ സ്‌കൂൾ പദ്ധതിയിൽ കേരളം ഒപ്പുവെച്ചത്. ആർഎസ്എസ് അജണ്ടയാണ് പദ്ധതിക്ക് പിന്നിലെന്ന് ആരോപിച്ച് സിപിഐ ഇതിനെ എതിർത്തിരുന്നു. ഇത് അവഗണിച്ചാണ് സംസ്ഥാന സർക്കാർ പദ്ധതിയിൽ ഒപ്പുവെച്ചത്.

സംസ്ഥാനത്തിന് വേണ്ടി വിദ്യാഭ്യാസ സെക്രട്ടറിയാണ് പദ്ധതിയിൽ ഒപ്പ് വെച്ചത്. ഇതോടെ തടഞ്ഞ് വെച്ച ഫണ്ട് ഉടൻ നൽകുമെന്ന് കേന്ദ്ര സർക്കാർ അറിയിച്ചു. 500 കോടി എസ്എസ്കെ ഫണ്ട് ഉടൻ നല്‍കും എന്നായിരുന്നു വിവരം. മൂന്ന് തവണയാണ് മന്ത്രിസഭയിൽ സിപിഐ പിഎം ശ്രീ പദ്ധതിയെ എതിർത്തത്. ഇന്നത്തെ പാർട്ടി യോഗത്തിലും പദ്ധതിയെ എതിർക്കുമെന്ന് ബിനോയ് വിശ്വം ആവർത്തിച്ചിരുന്നു.

### Related Links & Sources
- [Original Story Source](https://truevisionnews.com/news/322209/cpi-state-secretary-binoyviswam-reacted-to-kerala-signing-the-pm-shri-school-scheme)