മട്ടന്നൂർ(കണ്ണൂർ) : ( www.truevisionnews.com ) കണ്ണൂർ ശിവപുരം മൊട്ടഞ്ചാലിൽ യുവാവ് വീട്ടു കിണറ്റിൽ വീണു മരിച്ചു. മരുവഞ്ചേരിയിലെ മാവില അനീഷാണ് (45) വീട്ടിലെ കിണറ്റിൽ വീണു മരിച്ചത്. ബുധനാഴ്ച രാത്രി എട്ടോടെ ജോലി കഴിഞ്ഞ് വീട്ടിലേക്ക് പോകവെ അബദ്ധത്തിൽ വീട്ടുകിണറ്റിൽ വീഴുകയായിരുന്നു.
മട്ടന്നൂരിൽ നിന്ന് ഫയർഫോഴ്സ് സ്ഥലത്തെത്തി പുറത്തെടുത്ത് ഉരുവച്ചാലിലെ സ്വകാര്യ ആശുപത്രിയിൽ എത്തിച്ച് പ്രഥമ ചികിത്സ നൽകി തലശേരി ഇന്ദിരാഗാന്ധി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.മട്ടന്നൂരിലെ ബേക്കറിയിലെ ജീവനക്കാരനായിരുന്നു. ഗോപാലന്റെയും സരോജിനിയുടെയും മകനാണ്. സഹോദരങ്ങൾ: ഷൈനി, റീന, ഷൈമ
Content Highlight: A young man who was returning from work at night in Kannur fell into a well and died
