---
title: "നഴ്‌സുമാര്‍ക്ക് ആശ്വാസ വാര്‍ത്ത; ഷിഫ്റ്റ് സമയത്തില്‍ മാറ്റം, ഓവര്‍ ടൈം അലവന്‍സും അനുവദിച്ചു"
english_title: "shift system to be introduced for nurses in private hospitals in kerala"
publisher: "truevisionnews.com"
canonical_url: "https://truevisionnews.com/news/321697/shift-system-to-be-introduced-for-nurses-in-private-hospitals-in-kerala"
published_at: "2025-10-21T11:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68f7227384cb6_fgdf.jpg"
keywords: []
---

# നഴ്‌സുമാര്‍ക്ക് ആശ്വാസ വാര്‍ത്ത; ഷിഫ്റ്റ് സമയത്തില്‍ മാറ്റം, ഓവര്‍ ടൈം അലവന്‍സും അനുവദിച്ചു

> **Lead Summary:** **തിരുവനന്തപുരം: ( **[www.truevisionnews.com]** ) **സംസ്ഥാനത്തെ സ്വകാര്യ ആശുപത്രികളിലെ നഴ്സുമാർ ഉൾപ്പെടെയുള്ള എല്ലാ ജീവനക്കാർക്കും ആശ്വാസമേകി സർക്കാർ ഉത്തരവ്. ആശുപത്രികളിൽ കിടക്കകളുടെ എണ്ണം പരിഗണിക്കാതെ ഇനിമുതൽ 6-6-12 ഷിഫ്റ്റ് സമ്പ്രദായം നിർബന്ധമായും നടപ്പാക്കണമെന്ന് തൊഴിൽ വകുപ്പ് ഉത്തരവിട്ടു.

## Article Content

**തിരുവനന്തപുരം: ( **[www.truevisionnews.com]** ) **സംസ്ഥാനത്തെ സ്വകാര്യ ആശുപത്രികളിലെ നഴ്സുമാർ ഉൾപ്പെടെയുള്ള എല്ലാ ജീവനക്കാർക്കും ആശ്വാസമേകി സർക്കാർ ഉത്തരവ്. ആശുപത്രികളിൽ കിടക്കകളുടെ എണ്ണം പരിഗണിക്കാതെ ഇനിമുതൽ 6-6-12 ഷിഫ്റ്റ് സമ്പ്രദായം നിർബന്ധമായും നടപ്പാക്കണമെന്ന് തൊഴിൽ വകുപ്പ് ഉത്തരവിട്ടു.

ഇതോടെ സ്വകാര്യ ആശുപത്രികളിലെയും സർക്കാർ ആശുപത്രികളിലെയും നഴ്സിങ് ജീവനക്കാർക്ക് ഒരേ ഷിഫ്റ്റ് സമ്പ്രദായം നിലവിൽ വരും.

**ഉത്തരവിന്റെ വിശദാംശങ്ങൾ**

**ഷിഫ്റ്റ് രീതി:** പകൽ സമയത്ത് രണ്ട് ഷിഫ്റ്റുകൾക്ക് ആറ് മണിക്കൂർ വീതവും (6+6), രാത്രി ഷിഫ്റ്റിന് 12 മണിക്കൂറും (12) എന്ന രീതിയിലാണ് പുതിയ സമ്പ്രദായം.

**ആർക്കൊക്കെ ബാധകം**: നഴ്സുമാർക്ക് മാത്രമല്ല, സ്വകാര്യ ആശുപത്രികളിലെ മറ്റ് എല്ലാ ജീവനക്കാർക്കും ഈ ഷിഫ്റ്റ് സമ്പ്രദായം ബാധകമാകും.

**കിടക്കകളുടെ എണ്ണം:** നേരത്തെ 100 കിടക്കകളുള്ള ആശുപത്രികളിൽ മാത്രമായിരുന്നു ഈ സമ്പ്രദായം നടപ്പാക്കാൻ നിർദ്ദേശിച്ചിരുന്നത്. പുതിയ ഉത്തരവ് പ്രകാരം എല്ലാ സ്വകാര്യ ആശുപത്രികളിലും ഇത് നിർബന്ധമാക്കി.

**ഓവർടൈം അലവൻസ്: **ഷിഫ്റ്റ് സമയത്തിന് പുറമെ ജീവനക്കാർ ഓവർടൈം ജോലി ചെയ്യുന്നുണ്ടെങ്കിൽ അതിന് കൃത്യമായി ഓവർടൈം അലവൻസ് നൽകണമെന്നും ഉത്തരവിൽ വ്യക്തമാക്കുന്നുണ്ട്.

**ജീവനക്കാർക്ക് ആശ്വാസം**

നഴ്സുമാരുടെ ഷിഫ്റ്റ് സമ്പ്രദായത്തിലെ അപാകതകളെ തുടർന്ന് കേരളത്തിലുൾപ്പെടെ പലതവണ സമരങ്ങൾ നടന്നിരുന്നു. നേരത്തെ 2021-ൽ ഇതുമായി ബന്ധപ്പെട്ട ശുപാർശകളും ഉത്തരവുകളും വന്നിരുന്നെങ്കിലും പല സ്വകാര്യ ആശുപത്രികളും അവ നടപ്പിലാക്കിയിരുന്നില്ല.

പുതിയ ഉത്തരവ് വരുന്നതോടെ സ്വകാര്യ ആശുപത്രികളിലെ ജീവനക്കാരുടെ തൊഴിൽ സമയം സംബന്ധിച്ച അനിശ്ചിതത്വങ്ങൾക്ക് വിരാമമാകും. നിയമത്തിൻ്റെ പിൻബലം ലഭിക്കുന്നതോടെ അധിക സമയം ജോലി ചെയ്യുന്നതിനുള്ള വേതനം ജീവനക്കാർക്ക് ആശുപത്രികളുടെ ഔദാര്യമെന്ന നിലയിൽ നിന്ന് നിയമപരമായ അവകാശമായി വാങ്ങിയെടുക്കാൻ സാധിക്കും.

### Related Links & Sources
- [Original Story Source](https://truevisionnews.com/news/321697/shift-system-to-be-introduced-for-nurses-in-private-hospitals-in-kerala)