---
title: "നെന്മാറ സജിത വധകേസ്; പ്രതി ചെന്താമരയ്ക്ക് ഇരട്ടജീവപര്യന്തവും 3.25 ലക്ഷം പിഴയും വിധിച്ച് കോടതി"
english_title: "Nenmara Sajitha murder case Court sentences accused Chenthamara to double life imprisonment and fine of Rs 3.25 lakh"
publisher: "truevisionnews.com"
canonical_url: "https://truevisionnews.com/news/321216/nenmara-sajitha-murder-case-court-sentences-accused-chenthamara-to-double-life-imprisonment-and-fine-of-rs-325-lakh"
published_at: "2025-10-18T11:22:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68f32b6139da5_fffg.jpg"
keywords: []
---

# നെന്മാറ സജിത വധകേസ്; പ്രതി ചെന്താമരയ്ക്ക് ഇരട്ടജീവപര്യന്തവും 3.25 ലക്ഷം പിഴയും വിധിച്ച് കോടതി

> **Lead Summary:** **പാലക്കാട്: ( **[www.truevisionnews.com]** )** നെന്മാറ സജിത വധകേസിൽ പ്രതി ചെന്താമരയ്ക്ക് ഇരട്ടജീവപര്യന്തവും 3.25 ലക്ഷം പിഴയും വിധിച്ചു. പാലക്കാട് അഡീഷണൽ ഡിസ്ട്രിക്ട്‌ ആൻഡ് സെഷൻസ് കോടതിയാണ് ശിക്ഷ വിധിച്ചത്. ചെന്താമര കുറ്റക്കാരനെന്ന് കഴിഞ്ഞ ദിവസം കോടതി വിധിച്ചിരുന്നു. വിധി കേൾക്കാൻ സജിതയുടെ രണ്ടു പെൺമക്കളും കോടതിയിൽ എത്തിയിരുന്നു.

## Article Content

**പാലക്കാട്: ( **[www.truevisionnews.com]** )** നെന്മാറ സജിത വധകേസിൽ പ്രതി ചെന്താമരയ്ക്ക് ഇരട്ടജീവപര്യന്തവും 3.25 ലക്ഷം പിഴയും വിധിച്ചു. പാലക്കാട് അഡീഷണൽ ഡിസ്ട്രിക്ട്‌ ആൻഡ് സെഷൻസ് കോടതിയാണ് ശിക്ഷ വിധിച്ചത്. ചെന്താമര കുറ്റക്കാരനെന്ന് കഴിഞ്ഞ ദിവസം കോടതി വിധിച്ചിരുന്നു. വിധി കേൾക്കാൻ സജിതയുടെ രണ്ടു പെൺമക്കളും കോടതിയിൽ എത്തിയിരുന്നു.

ചെന്താമരയ്ക്ക് കനത്ത ശിക്ഷ ലഭിക്കണമെന്നാണ് ആഗ്രഹമെന്ന് സജിതയുടെ മക്കൾ നേരത്തെ പ്രതികരിച്ചിരുന്നു. 68 സാക്ഷികളുള്ള കുറ്റപത്രമാണ് 2020ൽ സജിത വധക്കേസിൽ കോടതിയിൽ സമർപ്പിച്ചത്. 2025 ഓഗസ്റ്റ് 4നാണ് സാക്ഷിവിസ്താരം ആരംഭിച്ചത്. ചെന്താമരയുടെ ഭാര്യ, സഹോദരൻ, കൊല്ലപ്പെട്ട സജിതയുടെ മകൾ ഉൾപ്പെടെ 44 പേരെ പ്രോസിക്യൂഷൻ വിസ്തരിച്ചു.

സാക്ഷി വിസ്താരത്തിനിടയിൽ പലതവണ ചെന്താമര കോടതി വളപ്പിൽ ഭീഷണി മുഴക്കിയെന്നും പബ്ലിക് പ്രോസിക്യൂട്ടർ എം.ജെ. വിജയകുമാർ കോടതിയിൽ അറിയിച്ചു. അയൽവാസിയായിരുന്ന സജിതയെ 2019 ഓഗസ്റ്റ് 31നാണ് ചെന്താമര വെട്ടിക്കൊലപ്പെടുത്തിയത്. തൻ്റെ ഭാര്യ പിണങ്ങി പോവാൻ കാരണം സജിത ആണെന്ന് ഒരു മന്ത്രവാദി പറഞ്ഞതിനെ തുടർന്നാണ് യുവതിയെ കൊലപ്പെടുത്തിയത്.

ഈ കേസിൽ പരോളിൽ ഇറങ്ങിയപ്പോൾ സജിതയുടെ ഭർത്താവ് സുധാകരനെയും ഭർതൃമാതാവ് ലക്ഷ്മിയെയും ചെന്താമര വെട്ടി കൊലപ്പെടുത്തിയിരുന്നു. ജനുവരി 27നാണ് നെന്മാറ പോത്തുണ്ടിയില്‍ സുധാകരനെയും ലക്ഷ്മിയെയും ചെന്താമര വെട്ടിക്കൊലപ്പെടുത്തിയത്.

### Related Links & Sources
- [Original Story Source](https://truevisionnews.com/news/321216/nenmara-sajitha-murder-case-court-sentences-accused-chenthamara-to-double-life-imprisonment-and-fine-of-rs-325-lakh)