---
title: "വീടിന്റെ പോർച്ചിൽനിന്നു പിന്നിലേക്ക് ഉരുണ്ട കാർ കയറി വീട്ടമ്മയ്ക്ക് ദാരുണാന്ത്യം  "
english_title: "The housewife died after a car rolled over the back of her house's porch kottayam "
publisher: "truevisionnews.com"
canonical_url: "https://truevisionnews.com/news/320469/the-housewife-died-after-a-car-rolled-over-the-back-of-her-houses-porch-kottayam"
published_at: "2025-10-14T10:20:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68edde85319f8_dead.jpg"
keywords: []
---

# വീടിന്റെ പോർച്ചിൽനിന്നു പിന്നിലേക്ക് ഉരുണ്ട കാർ കയറി വീട്ടമ്മയ്ക്ക് ദാരുണാന്ത്യം  

> **Lead Summary:** വീടിന്റെ പോർച്ചിൽനിന്നു പിന്നിലേക്ക് ഉരുണ്ട കാർ കയറി വീട്ടമ്മ മരിച്ചു . കോട്ടയം മീനടം നാരകത്തോട് സ്വദേശിനി കുറ്റിക്കൽ അന്നമ്മ തോമസാണ് മരിച്ചത്. മകൻ ഷിജിൻ കെ. തോമസിന് പരിക്കേറ്റു.

## Article Content

വീടിന്റെ പോർച്ചിൽനിന്നു പിന്നിലേക്ക് ഉരുണ്ട കാർ കയറി വീട്ടമ്മ മരിച്ചു . കോട്ടയം മീനടം നാരകത്തോട് സ്വദേശിനി കുറ്റിക്കൽ അന്നമ്മ തോമസാണ് മരിച്ചത്. മകൻ ഷിജിൻ കെ. തോമസിന് പരിക്കേറ്റു.

തിങ്കളാഴ്ച വൈകിട്ട് 6.30ന് ആണ് സംഭവം. പുറത്തേക്ക് പോകുന്നതിനായി ഷിജിൻ കാർ സ്റ്റാർട്ട് ചെയ്തു. ഈ സമയം ഗേറ്റ് തുറക്കാനായി അന്നമ്മ മുറ്റത്തുനിന്നു താഴേക്കിറങ്ങി. അമ്മയെ സഹായിക്കാൻ മകനും പിന്നാലെ ചെന്നു. ഹാൻഡ് ബ്രേക്ക് ഇടാതിരുന്നതിനാൽ കാർ താഴേക്ക് ഉരുണ്ടെന്നാണു സൂചന.

കുത്തനെയുള്ള ഇറക്കത്തിൽ അതിവേഗത്തിലെത്തിയ കാറിന്റെ അടിയിൽ ഇരുവരും പെട്ടുപോയി. ശബ്ദം കേട്ട് ഓടിക്കൂടിയ നാട്ടുകാർ കാർ ഉയർത്തിയാണ് ഇരുവരെയും പുറത്തെടുത്തത്. വീടിനു മുന്നിലെ ഗേറ്റും തകർന്നു. എൽ.ഐ.സി ഏജൻറായിരുന്നു അന്നമ്മ. ഭർത്താവ്: തോമസ് കോര. മൂത്തമകൻ: സുബിൻ.

### Related Links & Sources
- [Original Story Source](https://truevisionnews.com/news/320469/the-housewife-died-after-a-car-rolled-over-the-back-of-her-houses-porch-kottayam)