---
title: "  പാചകവാതകം ചോർന്ന് തീപിടിത്തം: കണ്ണൂരിൽ പൊള്ളലേറ്റ് ചികിത്സയിലായിരുന്ന യുവാവ്  മരിച്ചു"
english_title: "An interstate worker who was undergoing treatment for burns after a cooking gas leak and fire broke out in Pazhayaangadi died."
publisher: "truevisionnews.com"
canonical_url: "https://truevisionnews.com/news/320380/an-interstate-worker-who-was-undergoing-treatment-for-burns-after-a-cooking-gas-leak-and-fire-broke-out-in-pazhayaangadi-died"
published_at: "2025-10-13T16:20:00+05:30"
category: "Kerala"
language: "ml"
image: "https://truevisionnews.com/image-uploads/68ecd9a8a98fa_dead.jpg"
keywords: []
---

#   പാചകവാതകം ചോർന്ന് തീപിടിത്തം: കണ്ണൂരിൽ പൊള്ളലേറ്റ് ചികിത്സയിലായിരുന്ന യുവാവ്  മരിച്ചു

> **Lead Summary:** പഴയങ്ങാടിയിൽ പാചകവാതകം ചോർന്ന് തീപിടിച്ചു പൊള്ളലേറ്റ് ചികിത്സയിലായിരുന്ന ഇതര സംസ്ഥാന തൊഴിലാളി മരിച്ചു. ഒഡീഷ സ്വദേശി സുഭാഷ് ബെഹറ ആണ് മരിച്ചത്.

## Article Content

പഴയങ്ങാടിയിൽ പാചകവാതകം ചോർന്ന് തീപിടിച്ചു പൊള്ളലേറ്റ് ചികിത്സയിലായിരുന്ന ഇതര സംസ്ഥാന തൊഴിലാളി മരിച്ചു. ഒഡീഷ സ്വദേശി സുഭാഷ് ബെഹറ ആണ് മരിച്ചത്.

പരുക്കേറ്റ മറ്റു മൂന്നു പേർ പരിയാരം മെഡിക്കൽ കോളജ് ആശുപത്രിയിൽ ചികിത്സയിലാണ്. വെള്ളിയാഴ്ച രാവിലെയാണ് പാചക വാതകം ചോർന്നുണ്ടായ തീപിടിത്തത്തിൽ നാല് ഇതര സംസ്ഥാന തൊഴിലാളികൾക്ക് പൊള്ളലേറ്റത്.

ഒഡീഷ കുർദ് സ്വദേശികളായ ശിവ ബെഹറ (35), നിഗം ബെഹറ (40), ജീതു (28) എന്നിവരാണ് ചികിത്സയിലുള്ളത്. പുതിയങ്ങാടി ഹാർബറിന് സമീപത്തെ ക്വാട്ടേഴ്സിലാണ് അപകടമുണ്ടായത്. രാവിലെ ഭക്ഷണം പാകം ചെയ്യാൻ ശ്രമിക്കുന്നതിനിടെയാണ് തീ പടർന്നത്. രാത്രിയിൽ ഗ്യാസ് അടുപ്പിൽ നിന്ന് ഗ്യാസ് ചോർന്ന് മുറിയിൽ നിറയുകയും രാവിലെ അടുപ്പിൽ തീ പിടിപ്പിക്കാൻ ശ്രമിച്ചപ്പോൾ മുറിയിൽ തീ ആളിക്കത്തുകയുമായിരുന്നു.

### Related Links & Sources
- [Original Story Source](https://truevisionnews.com/news/320380/an-interstate-worker-who-was-undergoing-treatment-for-burns-after-a-cooking-gas-leak-and-fire-broke-out-in-pazhayaangadi-died)