---
title: "ഗോല്‍ഗപ്പ കഴിക്കാനായി കാമുകനൊപ്പം ക്യാംപസിനു പുറത്തിറങ്ങി; ആശുപത്രി വളപ്പില്‍വച്ച് എംബിബിഎസ് വിദ്യാര്‍ഥിനിയെ ബലാത്സംഗം ചെയ്തതായി പരാതി"
english_title: "MBBS student allegedly raped on hospital premises after going out to eat golgappa with boyfriend"
publisher: "truevisionnews.com"
canonical_url: "https://truevisionnews.com/news/320000/mbbs-student-allegedly-raped-on-hospital-premises-after-going-out-to-eat-golgappa-with-boyfriend"
published_at: "2025-10-11T13:23:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68ea0d15852c2_hgh.jpg"
keywords: []
---

# ഗോല്‍ഗപ്പ കഴിക്കാനായി കാമുകനൊപ്പം ക്യാംപസിനു പുറത്തിറങ്ങി; ആശുപത്രി വളപ്പില്‍വച്ച് എംബിബിഎസ് വിദ്യാര്‍ഥിനിയെ ബലാത്സംഗം ചെയ്തതായി പരാതി

> **Lead Summary:** ആശുപത്രി വളപ്പില്‍വച്ച് എംബിബിഎസ് വിദ്യാര്‍ഥിനിയെ ബലാത്സംഗം ചെയ്തതായി റിപ്പോര്‍ട്ട്. പശ്ചിമബംഗാളിലെ സ്വകാര്യ മെഡിക്കല്‍ കോളജിലാണ് സംഭവം. 2024ല്‍ ആര്‍ജി കര്‍ ആശുപത്രിയില്‍വച്ച് ജൂനിയര്‍ ഡോക്ടര്‍ കൊലചെയ്യപ്പെട്ടതിനു സമാനമായ സംഭവമാണ് ശോഭാപൂരില്‍ നിന്നും പുറത്തുവരുന്നത്.

## Article Content

ആശുപത്രി വളപ്പില്‍വച്ച് എംബിബിഎസ് വിദ്യാര്‍ഥിനിയെ ബലാത്സംഗം ചെയ്തതായി റിപ്പോര്‍ട്ട്. പശ്ചിമബംഗാളിലെ സ്വകാര്യ മെഡിക്കല്‍ കോളജിലാണ് സംഭവം. 2024ല്‍ ആര്‍ജി കര്‍ ആശുപത്രിയില്‍വച്ച് ജൂനിയര്‍ ഡോക്ടര്‍ കൊലചെയ്യപ്പെട്ടതിനു സമാനമായ സംഭവമാണ് ശോഭാപൂരില്‍ നിന്നും പുറത്തുവരുന്നത്.

ഒഡിഷ ജലേശ്വര്‍ സ്വദേശിയായ വിദ്യാര്‍ഥിനിയാണ് ക്രൂരമായി ബലാത്സംഗം ചെയ്യപ്പെട്ടത്. കൊല്‍ക്കത്തയില്‍ നിന്നും 170കിമീ മാത്രം അകലെയുള്ള ദുര്‍ഗാപൂരിനു സമീപമുള്ള ആശുപത്രിയില്‍ മെഡിക്കല്‍ ബിരുദ വിദ്യാര്‍ഥിനിയാണ് ആശുപത്രി വളപ്പില്‍വച്ചു തന്നെ പീഡിപ്പിക്കപ്പെട്ടത്.

ഇന്നലെ രാത്രി എട്ടരയോടെ ആണ്‍സുഹൃത്തിനൊപ്പം വിദ്യാർത്ഥിനി ക്യാംപസിനു പുറത്തുപോയതായി റിപ്പോര്‍ട്ടുകള്‍ പറയുന്നു. തിരികെ വരുന്ന സമയത്താണ് പ്രതി വിദ്യാര്‍ഥിനിയെ ആശുപത്രിക്ക് പിന്നിലെ ആളൊഴിഞ്ഞ സ്ഥലത്തേക്ക് ബലമായി വലിച്ചിഴച്ച് ബലാത്സംഗം ചെയ്തത്. സംഭവത്തെക്കുറിച്ച് വിവരം ലഭിച്ചയുടൻ പോലീസ് സ്ഥലത്തെത്തി അന്വേഷണം ആരംഭിച്ചു.

പെണ്‍കുട്ടിയെ വൈദ്യപരിശോധനയ്ക്കായി ആശുപത്രിയിൽ പ്രവേശിപ്പിച്ചു. മെഡിക്കൽ കോളേജ് ജീവനക്കാരെയും സ്ത്രീക്കൊപ്പം ഉണ്ടായിരുന്ന സുഹൃത്തിനെയും ഉൾപ്പെടെ പോലീസ് ചോദ്യം ചെയ്യുകയാണ്. തന്‍റെ മകള്‍ അവളുടെ സുഹൃത്തിനൊപ്പം ഗോല്‍ഗപ്പ കഴിക്കാന്‍ പുറത്തുപോയതായിരുന്നുവെന്നും തിരികെ വരുന്നതിനിടെയാണ് ആക്രമിക്കപ്പെട്ടതെന്നും കുട്ടിയുടെ പിതാവ് പറയുന്നു. സ്ത്രീകൾക്കെതിരെ വര്‍ധിച്ചുവരുന്ന അതിക്രമങ്ങളുടെ പേരില്‍ മമതാ ബാനർജി സർക്കാറിനെതിരെ പ്രതിപക്ഷം രൂക്ഷമായ വിമര്‍ശനം ഉന്നയിക്കുന്ന സമയത്താണ് പുതിയ സംഭവം.

### Related Links & Sources
- [Original Story Source](https://truevisionnews.com/news/320000/mbbs-student-allegedly-raped-on-hospital-premises-after-going-out-to-eat-golgappa-with-boyfriend)