---
title: "സ്വന്തം ഭാര്യയല്ലേ? എറണാകുളത്ത് യുവതിയെ ഭര്‍ത്താവ് ബ്ലേഡ് കൊണ്ട് വരഞ്ഞ് ഗുരുതരമായി പരുക്കേല്പിച്ചു, പ്രതി ജീവനൊടുക്കാൻ ശ്രമിച്ചു"
english_title: "In Ernakulam, a woman was seriously injured by her husband after he slashed her with a blade."
publisher: "truevisionnews.com"
canonical_url: "https://truevisionnews.com/news/319666/in-ernakulam-a-woman-was-seriously-injured-by-her-husband-after-he-slashed-her-with-a-blade"
published_at: "2025-10-09T19:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68e7c2b6d69c9_crime.jpg"
keywords: []
---

# സ്വന്തം ഭാര്യയല്ലേ? എറണാകുളത്ത് യുവതിയെ ഭര്‍ത്താവ് ബ്ലേഡ് കൊണ്ട് വരഞ്ഞ് ഗുരുതരമായി പരുക്കേല്പിച്ചു, പ്രതി ജീവനൊടുക്കാൻ ശ്രമിച്ചു

> **Lead Summary:** **എറണാകുളം : ( **[**www.**truevisionnews.com)] എറണാകുളത്ത് യുവതിയെ ഭര്‍ത്താവ് ബ്ലേഡ് കൊണ്ട് വരഞ്ഞ് ഗുരുതരമായി പരുക്കേല്പിച്ചു. അല്ലപ്ര വേലൂരാംകുന്ന് വീട്ടില്‍ സ്വാതിക്കാണ് പരുക്കേറ്റത്. സ്വാതിയുടെ രണ്ട് കവിളിലും വലതു കാലിന്റെ പാദത്തിലും ഗുരുതരമായി പരിക്കേറ്റു.

## Article Content

**എറണാകുളം : ( **[**www.**truevisionnews.com)] എറണാകുളത്ത് യുവതിയെ ഭര്‍ത്താവ് ബ്ലേഡ് കൊണ്ട് വരഞ്ഞ് ഗുരുതരമായി പരുക്കേല്പിച്ചു. അല്ലപ്ര വേലൂരാംകുന്ന് വീട്ടില്‍ സ്വാതിക്കാണ് പരുക്കേറ്റത്. സ്വാതിയുടെ രണ്ട് കവിളിലും വലതു കാലിന്റെ പാദത്തിലും ഗുരുതരമായി പരിക്കേറ്റു.

കവിളില്‍ ഇരുപതോളം തുന്നിക്കെട്ടുകളുണ്ട്. ഭര്‍ത്താവ് അനൂപാണ് ആക്രമിച്ചത്. സംഭവ ശേഷം പ്രതി അനൂപ് സ്വയം കൈത്തണ്ട മുറിച്ച് ജീവനൊടുക്കാൻ ശ്രമിച്ചു. പൊലീസ് സ്വാതിയുടെ മൊഴി രേഖപ്പെടുത്തി അന്വേഷണം ആരംഭിച്ചു.

അതേസമയം കോഴിക്കോട് കൂടരഞ്ഞിയിൽ മാലമോഷണം ആരോപിച്ച് ഇതര സംസ്ഥാന തൊഴിലാളിയെ മർദ്ദിച്ചെന്ന് പരാതി. അസം സ്വദേശി മൊമീനുൽ ഇസ്‌ലാമിന് ആണ് മർദ്ദനമേറ്റത്. ജോലിക്ക് പോയ വീട്ടിലെ ഉടമസ്ഥൻ മാലമോഷണം ആരോപിച്ചിരുന്നു. തുടർന്ന് നാട്ടുകാർ തടഞ്ഞു വെക്കുകയും പൊലിസ് എത്തി മർദ്ദിച്ചെന്നുമാണ് പരാതി.

ഇന്നലെ രാവിലെ എട്ട് മണിയോടെയാണ് കൂടരഞ്ഞി പനച്ചിക്കൽ സ്വദേശിയുടെ വീട്ടിലേക്ക് മൊമീനുൽ ഇസ്ലാമിനെ ജോലിക്കായി വിളിച്ചത്. ഉച്ചക്ക് രണ്ട് മണിയോടെ ജോലി കഴിഞ്ഞ് മടങ്ങാനൊരുങ്ങിയ മുമീനുൽ ഇസ്ലാമിനെ വീട്ടിനകത്തേക്ക് വിളിച്ചുവരുത്തി അപമര്യാദയായി പെരുമാറുകയായിരുന്നു. ഇത് ചെറുക്കാൻ ശ്രമിച്ചതോടെയാണ് ആക്രമണ ശ്രമമുണ്ടായത്.

ഇതിനെത്തുടർന്ന് വീട്ടിൽ നിന്ന് ഇറങ്ങിയോടിയ മുമീൻ്റെ ദ‍ൃശ്യങ്ങൾ വീട്ടുടമസ്ഥൻ പ്രചരിപ്പിക്കുകയും മാല മോഷ്ടിച്ചെന്ന് ആരോപിക്കുകയുമായിരുന്നു. തുടർന്ന് നാട്ടുകാർ ചേർന്ന് തടഞ്ഞുവെക്കുകയും പൊലീസെത്തി മർദ്ദിക്കുകയും ചെയ്തു. സംഭവമറിഞ്ഞ് സ്ഥലത്തെത്തിയ സഹോദരനെയും മർദ്ദിച്ചുവെന്നും പരാതിയുണ്ട്. സംഭവത്തിൽ പരിക്കേറ്റ മൊമീൻ മുക്കത്തെ സ്വകാര്യ ആശുപത്രിയിൽ ചികിത്സയിലാണ്. വീട്ടുടമസ്ഥനെതിരെ പൊലീസ് കേസ് രജിസ്റ്റർ ചെയ്തിട്ടുണ്ട്.

### Related Links & Sources
- [Original Story Source](https://truevisionnews.com/news/319666/in-ernakulam-a-woman-was-seriously-injured-by-her-husband-after-he-slashed-her-with-a-blade)