---
title: "ഫേസ്ബുക്കിൽ കമൻ്റിട്ടതിനെ ചൊല്ലി തർക്കം; ഡിവൈഎഫ്ഐ നേതാക്കളുടെ മർദ്ദനത്തിൽ യുവാവിന് ഗുരുതര പരിക്ക്, പ്രതികൾ കോഴിക്കോട് പിടിയിലായതായി സൂചന"
english_title: "Complaint alleging that DYFI leaders attacked a youth in Ottapalam Vaniyamkulam."
publisher: "truevisionnews.com"
canonical_url: "https://truevisionnews.com/news/319603/complaint-alleging-that-dyfi-leaders-attacked-a-youth-in-ottapalam-vaniyamkulam"
published_at: "2025-10-09T14:43:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68e77cb952bcb_dyfi.jpg"
keywords: []
---

# ഫേസ്ബുക്കിൽ കമൻ്റിട്ടതിനെ ചൊല്ലി തർക്കം; ഡിവൈഎഫ്ഐ നേതാക്കളുടെ മർദ്ദനത്തിൽ യുവാവിന് ഗുരുതര പരിക്ക്, പ്രതികൾ കോഴിക്കോട് പിടിയിലായതായി സൂചന

> **Lead Summary:** ഒറ്റപ്പാലം വാണിയംകുളത്ത് യുവാവിനെ ഡിവൈഎഫ്ഐ നേതാക്കൾ ആക്രമിച്ചെന്ന് പരാതി. വാണിയംകുളം പനയൂർ സ്വദേശി വിനേഷിനാണ് പരിക്കേറ്റത്. തലയ്ക്ക് ഗുരുതരമായി പരിക്കേറ്റ വിനേഷ് സ്വകാര്യ ആശുപത്രിയിൽ വെന്റിലേറ്ററിൽ ചികിത്സയിലാണ്.

## Article Content

ഒറ്റപ്പാലം വാണിയംകുളത്ത് യുവാവിനെ ഡിവൈഎഫ്ഐ നേതാക്കൾ ആക്രമിച്ചെന്ന് പരാതി. വാണിയംകുളം പനയൂർ സ്വദേശി വിനേഷിനാണ് പരിക്കേറ്റത്. തലയ്ക്ക് ഗുരുതരമായി പരിക്കേറ്റ വിനേഷ് സ്വകാര്യ ആശുപത്രിയിൽ വെന്റിലേറ്ററിൽ ചികിത്സയിലാണ്.

ഡിവൈഎഫ്ഐ ബ്ലോക്ക് സെക്രട്ടറിയുടെ ഫേസ്ബുക്ക് പോസ്റ്റിന് താഴെ കമൻ്റിട്ടതിനെ ചൊല്ലിയുണ്ടായ തർക്കമാണ് ആക്രമണത്തിൽ കലാശിച്ചത്. ഇന്നലെ രാത്രി വാണിയംകുളത്തായിരുന്നു സംഭവം നടന്നത്.

ഡിവൈഎഫ്ഐ മുൻ മേഖല സെക്രട്ടറിയേറ്റ് അംഗമായിരുന്നു വിനേഷ്. അതേസമയം, കേസിലെ പ്രതികൾ കോഴിക്കോട് നിന്നും പിടിയിലായതായി സൂചനയുണ്ട്. ഷൊർണൂർ ബ്ലോക്ക് കമ്മിറ്റി അംഗങ്ങളായ രണ്ടുപേർ പിടിയിലായതായാണ് വിവരം. ഷൊർണൂർ നിന്നും ട്രെയിൻ മാർഗ്ഗം രക്ഷപ്പെടാനുള്ള ശ്രമത്തിനിടെ പിടിയിലായി എന്നാണ് വിവരം.

### Related Links & Sources
- [Original Story Source](https://truevisionnews.com/news/319603/complaint-alleging-that-dyfi-leaders-attacked-a-youth-in-ottapalam-vaniyamkulam)