---
title: "ന്യൂമാഹിയിൽ മോഷണശ്രമത്തിനിടെ രക്ഷപ്പെടാൻ ശ്രമിച്ച യുവാവ് ട്രെയിൻ തട്ടി മരിച്ചു ; മറ്റൊരാൾ പിടിയിൽ"
english_title: "A young man who tried to escape during a robbery attempt in New Mahe died after being hit by a train another person arrested"
publisher: "truevisionnews.com"
canonical_url: "https://truevisionnews.com/news/318841/a-young-man-who-tried-to-escape-during-a-robbery-attempt-in-new-mahe-died-after-being-hit-by-a-train-another-person-arrested"
published_at: "2025-10-05T12:16:00+05:30"
category: "Kerala"
language: "ml"
image: "https://truevisionnews.com/image-uploads/68e2144b4a28e_WhatsApp_Image_2025-10-05_at_12.13.29_PM.jpeg"
keywords: []
---

# ന്യൂമാഹിയിൽ മോഷണശ്രമത്തിനിടെ രക്ഷപ്പെടാൻ ശ്രമിച്ച യുവാവ് ട്രെയിൻ തട്ടി മരിച്ചു ; മറ്റൊരാൾ പിടിയിൽ

> **Lead Summary:** **ന്യൂമാഹി: ( **[www.truevisionnews.com]** ) ** ന്യൂമാഹി പെരിങ്ങാടിയിൽ മോഷണശ്രമത്തിനിടെ രക്ഷപ്പെടാൻ ശ്രമിച്ച യുവാവ് ട്രെയിൻ തട്ടി മരിച്ചു, മറ്റൊരാൾ പിടിയിൽ. പെരിങ്ങാടി മമ്മി മുക്കിൽ വച്ച് ശനിയാഴ്ച വൈകീട്ടാണ് സംഭവം. ആറ്റക്കൂലോത്ത് മുസ്തഫയെ തടഞ്ഞു നിർത്തി പണവും, മൊബൈൽ ഫോണും കവർന്ന് രണ്ടംഗ സംഘം രക്ഷപ്പെടുകയായിരുന്നു.

## Article Content

**ന്യൂമാഹി: ( **[www.truevisionnews.com]** ) ** ന്യൂമാഹി പെരിങ്ങാടിയിൽ മോഷണശ്രമത്തിനിടെ രക്ഷപ്പെടാൻ ശ്രമിച്ച യുവാവ് ട്രെയിൻ തട്ടി മരിച്ചു, മറ്റൊരാൾ പിടിയിൽ. പെരിങ്ങാടി മമ്മി മുക്കിൽ വച്ച് ശനിയാഴ്ച വൈകീട്ടാണ് സംഭവം. ആറ്റക്കൂലോത്ത് മുസ്തഫയെ തടഞ്ഞു നിർത്തി പണവും, മൊബൈൽ ഫോണും കവർന്ന് രണ്ടംഗ സംഘം രക്ഷപ്പെടുകയായിരുന്നു.

മുസ്തഫ വിവരമറിയിച്ചതിനെ തുടർന്ന് നാട്ടുകാർ പ്രതികൾക്കായി തിരച്ചിൽ നടത്തി വരവെയാണ് പെരിങ്ങാടി റെയിൽവെ ഗേറ്റിന് സമീപം ഒരാളെ ട്രെയിൻ തട്ടി മരിച്ച നിലയിൽ കണ്ടെത്തുന്നത്.

ഇയാളുടെ കൂടെ ഉണ്ടായിരുന്ന കണ്ണൂർ തയ്യിൽ സ്വദേശിയെ നാട്ടുകാർ പിടികൂടി പൊലീസിലേല്പിച്ചു. ബഷീർ എന്നാണ് ഇയാൾ പൊലീസിനോട് പേര് പറഞ്ഞത്. മരിച്ചയാളെ തിരിച്ചറിഞ്ഞിട്ടില്ലെന്ന് ന്യൂ മാഹി പൊലീസ് പറഞ്ഞു. സംഭവത്തിൽ കൂടുതൽ അന്വേഷണം നടക്കുകയാണ്.

### Related Links & Sources
- [Original Story Source](https://truevisionnews.com/news/318841/a-young-man-who-tried-to-escape-during-a-robbery-attempt-in-new-mahe-died-after-being-hit-by-a-train-another-person-arrested)