പരിയാരം(കണ്ണൂർ ): ( www.truevisionnews.com ) കമ്പവലി മത്സരത്തിനിടയില് കുഴഞ്ഞുവീണ യുവാവ് മരിച്ചു. ഡി.വൈ.എഫ്.ഐ തിരുവട്ടൂര് മേഖലാ സെക്രട്ടറിയും സിപിഎം പാച്ചേനി ബ്രാഞ്ച് അംഗവും പരിയാരം ബാങ്ക് ജീവനക്കാരനുമായ പി.വി.രതീഷ്(34)ആണ് മരിച്ചത്.
ഇന്നലെ രാത്രി എട്ടരയോടെ പാച്ചേനിയിലായിരുന്നു സംഭവം. ഉടന്തന്നെ പരിയാരത്തെ കണ്ണൂര് ഗവ.മെഡിക്കല് കോളേജില് എത്തിച്ചുവെങ്കിലും ഇന്ന് പുലര്ച്ചെ ഒന്നോടെ മരണപ്പെട്ടു.
ഭാര്യ: അനുപമ.
മറ്റൊരു സംഭവത്തിൽ കോടഞ്ചേരിയില് തലയും ഉടലും വേര്പെട്ട നിലയില് മൃതദേഹം കണ്ടെത്തി. തുഷാരഗിരി പാലത്തിന് സമീപമാണ് കയറില് തൂങ്ങിയ നിലയില് പുരുഷന്റെ തല കണ്ടത്. ഇതിന്റെ താഴെയായി പിന്നീട് ഉടലും കണ്ടെത്തുകയായിരുന്നു. വെള്ളയും കറുപ്പും കലര്ന്ന ചെക്ക് ഷര്ട്ടും മുണ്ടുമാണ് ധരിച്ചിരിക്കുന്നത്.
പാലത്തിന് സമീപത്തായി ഉപേക്ഷിച്ച നിലയില് ബൈക്കും ചെരിപ്പും ലഭിച്ചിട്ടുണ്ട്. പാലത്തിന്റെ കൈവരിയില് നിന്നും താഴേക്ക് കയറില് തൂങ്ങി നല്ക്കുന്ന തരത്തിലായിരുന്നു ശിരസ്സ് ഉണ്ടായിരുന്നത്. കോടഞ്ചേരി പൊലീസ് സ്ഥലത്തെത്തി പ്രാഥമിക നടപടികള് സ്വീകരിച്ചു. മൃതദേഹം പുലിക്കയം സ്വദേശിയുടേതാണെന്ന് സംശയിക്കുന്നതായി നാട്ടുകാര് പറഞ്ഞു.
Content Highlight: A young man died after collapsing during a kambavali competition in Kannur.
