---
title: "'പെണ്ണുങ്ങളെ കൊണ്ട് തോറ്റല്ലോ...അടിയല്ല പൊരിഞ്ഞടി'; ദില്ലി മെട്രോയില്‍ സീറ്റിനെ ചൊല്ലി സ്ത്രീകളുടെ തമ്മിൽതല്ല് "
english_title: "Women fight over seats in Delhi Metro"
publisher: "truevisionnews.com"
canonical_url: "https://truevisionnews.com/news/317733/women-fight-over-seats-in-delhi-metro"
published_at: "2025-09-29T16:37:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/68da690b661bb_metro.jpg"
keywords: []
---

# 'പെണ്ണുങ്ങളെ കൊണ്ട് തോറ്റല്ലോ...അടിയല്ല പൊരിഞ്ഞടി'; ദില്ലി മെട്രോയില്‍ സീറ്റിനെ ചൊല്ലി സ്ത്രീകളുടെ തമ്മിൽതല്ല് 

> **Lead Summary:** **ന്യൂഡല്‍ഹി: ** സാമൂഹികമാധ്യമങ്ങളില്‍ വീണ്ടും വൈറലായി ഡല്‍ഹി മെട്രോ. ദിവസേന ആയിരക്കണക്കിനാളുകള്‍ യാത്ര ചെയ്യുന്ന മെട്രോയില്‍ കഴിഞ്ഞ ദിവസം നടന്നത് ‘പൊരിഞ്ഞ ഗുസ്തി’യായിരുന്നു, അധികം തിരക്കുകളൊന്നും ഇല്ലാത്ത ആളൊഴിഞ്ഞ കോച്ചിലായിരുന്നു സ്ത്രീകളുടെ കൂട്ടത്തല്ല്. ചെറിയൊരു തര്‍ക്കത്തില്‍ തുടങ്ങി വൈകാതെ ഇരുവരും തമ്മിലുള്ള അടിയിലും ഇടിയിലും തൊഴിയിലേക്കും വഴിമാറുകയായിരുന്നു. സഹയാത്രികരിലാരോ പകര്‍ത്തിയ വീഡിയോ ദൃശ്യം സാമൂഹികമാധ്യമങ്ങളില്‍ വന്‍തരംഗമാണ് ഉണ്ടാക്കിയത്. എക്‌സ് പേജില്‍ പങ്കുവയ്ക്കപ്പെട്ട വീഡിയോ വളരെ കുറഞ്ഞ സമയംകൊണ്ട് നിരവധി ആളുകളാണ് കണ്ടിരിക്കുന്നത്.

## Article Content

**ന്യൂഡല്‍ഹി: ** സാമൂഹികമാധ്യമങ്ങളില്‍ വീണ്ടും വൈറലായി ഡല്‍ഹി മെട്രോ. ദിവസേന ആയിരക്കണക്കിനാളുകള്‍ യാത്ര ചെയ്യുന്ന മെട്രോയില്‍ കഴിഞ്ഞ ദിവസം നടന്നത് ‘പൊരിഞ്ഞ ഗുസ്തി’യായിരുന്നു, അധികം തിരക്കുകളൊന്നും ഇല്ലാത്ത ആളൊഴിഞ്ഞ കോച്ചിലായിരുന്നു സ്ത്രീകളുടെ കൂട്ടത്തല്ല്. ചെറിയൊരു തര്‍ക്കത്തില്‍ തുടങ്ങി വൈകാതെ ഇരുവരും തമ്മിലുള്ള അടിയിലും ഇടിയിലും തൊഴിയിലേക്കും വഴിമാറുകയായിരുന്നു. സഹയാത്രികരിലാരോ പകര്‍ത്തിയ വീഡിയോ ദൃശ്യം സാമൂഹികമാധ്യമങ്ങളില്‍ വന്‍തരംഗമാണ് ഉണ്ടാക്കിയത്. എക്‌സ് പേജില്‍ പങ്കുവയ്ക്കപ്പെട്ട വീഡിയോ വളരെ കുറഞ്ഞ സമയംകൊണ്ട് നിരവധി ആളുകളാണ് കണ്ടിരിക്കുന്നത്.

ഒഴിഞ്ഞ സീറ്റിലേക്ക് ഒരു സ്ത്രീ മറ്റെയാളെ മറിച്ചിടുന്നതും അവരുടെ തലമുടിയില്‍ ശക്തമായി പിടിച്ചുവലിക്കുന്നതും വീഡിയോയില്‍ കാണാം. സീറ്റില്‍ വീണുകിടക്കുന്ന സ്ത്രീയാകട്ടെ ആക്രമണത്തെ ശക്തമായി ചെറുക്കാനുള്ള ശ്രമത്തിലാണ്. കയ്യും കാലുമൊക്കെ ഉപയോഗിച്ച് അവരെ തള്ളിനീക്കാനുള്ള ശ്രമം നടത്തുകയാണവര്‍. സഹയാത്രികരാകട്ടെ അവിശ്വസനീയമായതെന്തോ കാണുന്ന മട്ടില്‍ ഇത് കണ്ടുനില്‍ക്കുകയാണ്. ഇടപെടണോ വേണ്ടയോ എന്ന ആശയക്കുഴപ്പത്തിലാണവരെന്ന് തോന്നും.

എങ്കിലും അടി കലശലായതോടെ ഇടപെടാന്‍ ചിലര്‍ ശ്രമം നടത്തി. എന്നാല്‍ രണ്ടുസ്ത്രീകളും പിന്തിരിയാനുള്ള മട്ടില്ലായിരുന്നു. ഒടുവില്‍ ഏതോ സ്‌റ്റേഷനില്‍ വണ്ടി നിര്‍ത്തിയതോടെ അതിലൊരാള്‍ അടിനിര്‍ത്തി ഇറങ്ങിപ്പോയി. അതോടെ അതവസാനിച്ചു. കാരണം വ്യക്തമല്ലെങ്കിലും ഒരു സീറ്റിനെ ചൊല്ലിയായിരുന്നു തര്‍ക്കമെന്നാണ് ചിലര്‍ പറയുന്നത്. എന്നാല്‍ കോച്ചിലെ മിക്ക സീറ്റുകളും ഒഴിഞ്ഞുകിടക്കുകയായിരുന്നുവെന്നതാണ് രസകരമായ സംഗതി. എന്തായാലും വീഡിയോ വൈറലായി. രസകരമായ കമന്റുകളും വീഡിയോയ്ക്ക് ലഭിക്കുന്നുണ്ട്.

### Related Links & Sources
- [Original Story Source](https://truevisionnews.com/news/317733/women-fight-over-seats-in-delhi-metro)