മുളങ്കുന്നത്തുകാവ്: ( www.truevisionnews.com) ഗവ. മെഡിക്കല് കോളേജ് ആശുപത്രിയില് അമ്മക്ക് കൂട്ടിരിപ്പിനെത്തിയ യുവതിയെ ലൈംഗികമായി ആക്രമിക്കാന് ശ്രമിച്ച യുവാവിനെ രോഗികളുടെ കൂട്ടിരിപ്പുകാരും ജീവനക്കാരും ചേര്ന്ന് പിടികൂടി പൊലീസില് ഏൽപിച്ചു.
പാവറട്ടി പെരുവല്ലൂര് ഐനിപ്പുള്ളി അനൂപിനെ (36) യാണ് മെഡിക്കല് കോളേജ് പൊലീസ് അറസ്റ്റ് ചെയ്തത്. വ്യാഴാഴ്ച രാത്രിയാണ് സംഭവം 15ാം വാര്ഡിന് സമീപത്തുവെച്ച് വാര്ഡിൽനിന്ന് പുറത്തേക്കു വന്ന യുവതിയോട് യുവാവ് മോശമായി പെരുമാറുകയായിരുന്നു.
സംഭവം കണ്ട് എത്തിയ ആശുപത്രിയിലുണ്ടായിരുന്ന രോഗികളുടെ ബന്ധുക്കള് പ്രതിയെ കൈയോടെ പിടികൂടി പൊലീസിൽ ഏല്പിക്കുകയായിരുന്നു. യുവാവ് എന്ത് ആവശ്യത്തിനുവേണ്ടിയാണ് ഇവിടെ എത്തിയത് എന്നത് വ്യക്തമല്ല. യുവതിയുടെ പരാതിയില് കേസെടുത്ത് പൊലീസ് പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Content Highlight: Youth arrested for attempting to sexually assault young woman who had come to visit her mother at Medical College Hospital
