---
title: "എങ്ങനെ തോന്നി ...? പ്രായപൂർത്തിയാകാത്ത പെൺമക്കളെ പീഡിപ്പിച്ച രണ്ടാനച്ഛൻ അറസ്റ്റിൽ"
english_title: "Stepfather arrested for molesting minor daughters thiruvananthapuram"
publisher: "truevisionnews.com"
canonical_url: "https://truevisionnews.com/news/316067/stepfather-arrested-for-molesting-minor-daughters-thiruvananthapuram"
published_at: "2025-09-20T23:01:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68cee51c13e25_gchj.jpg"
keywords: []
---

# എങ്ങനെ തോന്നി ...? പ്രായപൂർത്തിയാകാത്ത പെൺമക്കളെ പീഡിപ്പിച്ച രണ്ടാനച്ഛൻ അറസ്റ്റിൽ

> **Lead Summary:** **തിരുവനന്തപുരം: ( **[www.truevisionnews.com]** )** പ്രായപൂർത്തിയാകാത്ത പെൺമക്കളെ പീഡിപ്പിച്ച രണ്ടാനച്ഛൻ അറസ്റ്റിൽ. കാട്ടാക്കട സ്വദേശി 38കാരനാണ് പിടിയിലായത്. പതിനാലും പതിമൂന്നും വയസ്സുള്ള കുട്ടികളെയാണ് പ്രതി പീഡിപ്പിച്ചത്. കഴിഞ്ഞ മാസമാണ് സംഭവം. ഫോണിൽ അശ്ലീല വീഡിയോ കാണിച്ചായിരുന്നു പീഡനം. ചാലയിൽ നിന്നാണ് പ്രതിയെ കരമന പൊലീസ് പിടികൂടിയത്.

## Article Content

**തിരുവനന്തപുരം: ( **[www.truevisionnews.com]** )** പ്രായപൂർത്തിയാകാത്ത പെൺമക്കളെ പീഡിപ്പിച്ച രണ്ടാനച്ഛൻ അറസ്റ്റിൽ. കാട്ടാക്കട സ്വദേശി 38കാരനാണ് പിടിയിലായത്. പതിനാലും പതിമൂന്നും വയസ്സുള്ള കുട്ടികളെയാണ് പ്രതി പീഡിപ്പിച്ചത്. കഴിഞ്ഞ മാസമാണ് സംഭവം. ഫോണിൽ അശ്ലീല വീഡിയോ കാണിച്ചായിരുന്നു പീഡനം. ചാലയിൽ നിന്നാണ് പ്രതിയെ കരമന പൊലീസ് പിടികൂടിയത്.

മറ്റൊരു സംഭവത്തിൽ മകളെ ലൈംഗികമായി ചൂഷണം ചെയ്ത പിതാവിന് ശിക്ഷ വിധിച്ച് കോടതി . 17 വര്‍ഷം കഠിന തടവും 1,75,000 രൂപ പിഴയുമാണ് കൊല്ലം അതിവേഗ സ്‌പെഷ്യല്‍ കോടതി വിധിച്ചത് . ചന്ദനത്തോപ്പ് സ്വദേശിയായ 51കാരനെയാണ് കൊല്ലം അതിവേഗ സ്‌പെഷ്യല്‍ കോടതി ജഡ്ജി എ സമീർ ശിക്ഷിച്ചത്. പിഴ ഒടുക്കിയില്ലെങ്കില്‍ 14 മാസം അധിക കഠിന തടവ് അനുഭവിക്കണം.

പോക്‌സോ നിയമത്തിലെ വിവിധ വകുപ്പുകള്‍ പ്രകാരം അഞ്ച് വര്‍ഷം വീതം കഠിനതടവും അര ലക്ഷം രൂപ വീതം പിഴയും ജുവനൈല്‍ ജസ്റ്റിസ് ആക്ട് 75ാം വകുപ്പനുസരിച്ച് രണ്ട് വര്‍ഷം കഠിനതടവുമാണ് വിധിച്ചത്. കുണ്ടറ പൊലീസ് ഇന്‍സ്‌പെക്ടര്‍ സിജിന്‍ മാത്യു കുറ്റപത്രം സമര്‍പ്പിച്ച കേസില്‍ പ്രോസിക്യൂഷന് വേണ്ടി സ്‌പെഷ്യല്‍ പബ്ലിക്ക് പ്രോസിക്യൂട്ടര്‍ ആര്‍ സരിത ഹാജരായി.

### Related Links & Sources
- [Original Story Source](https://truevisionnews.com/news/316067/stepfather-arrested-for-molesting-minor-daughters-thiruvananthapuram)