---
title: "ഹോ പൊരിഞ്ഞ ചൂട് ....., വിഷമിക്കേണ്ട മഴ വരുന്നുണ്ട്; അടുത്ത മൂന്ന് മണിക്കൂറിൽ ഈ ജില്ലകളിൽ മഴയ്ക്ക് സാധ്യത "
english_title: "Light rain at isolated places in kollam alappuzha kasargod kannur districts in the next three hours"
publisher: "truevisionnews.com"
canonical_url: "https://truevisionnews.com/news/315941/light-rain-at-isolated-places-in-kollam-alappuzha-kasargod-kannur-districts-in-the-next-three-hours"
published_at: "2025-09-20T12:16:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68ce4e01788e5_rain.jpg"
keywords: []
---

# ഹോ പൊരിഞ്ഞ ചൂട് ....., വിഷമിക്കേണ്ട മഴ വരുന്നുണ്ട്; അടുത്ത മൂന്ന് മണിക്കൂറിൽ ഈ ജില്ലകളിൽ മഴയ്ക്ക് സാധ്യത 

> **Lead Summary:** കനത്ത മഴ സംസ്ഥാനത്തെ ജില്ലകളിൽ പ്രതീക്ഷിക്കേണ്ടതില്ലെങ്കിലും ഒറ്റപ്പെട്ടയിടങ്ങളിൽ മഴ പ്രതീക്ഷിക്കാവുന്നതാണ്. കാലാവസ്ഥ വകുപ്പിന്റെ മുന്നറിയിപ്പ് പ്രകാരം അടുത്ത മൂന്ന് മണിക്കൂറിൽ കേരളത്തിലെ കൊല്ലം, ആലപ്പുഴ, കണ്ണൂർ, കാസറഗോഡ് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

## Article Content

കനത്ത മഴ സംസ്ഥാനത്തെ ജില്ലകളിൽ പ്രതീക്ഷിക്കേണ്ടതില്ലെങ്കിലും ഒറ്റപ്പെട്ടയിടങ്ങളിൽ മഴ പ്രതീക്ഷിക്കാവുന്നതാണ്. കാലാവസ്ഥ വകുപ്പിന്റെ മുന്നറിയിപ്പ് പ്രകാരം അടുത്ത മൂന്ന് മണിക്കൂറിൽ കേരളത്തിലെ കൊല്ലം, ആലപ്പുഴ, കണ്ണൂർ, കാസറഗോഡ് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

എന്നാൽ കാലാവസ്ഥ വകുപ്പിന്റെ നിർദേശങ്ങളുടെ ഭാഗമായി പ്രത്യേക ജാഗ്രത മുന്നറിയിപ്പുകളോ മഴ മുന്നറിയിപ്പുകളോ പുറപ്പെടുവിപ്പിച്ചിട്ടില്ല. അതേസമയം കാലാവസ്ഥ വകുപ്പ് സംസ്ഥാനത്ത് കള്ളക്കടൽ ജാഗ്രതാ നിർദേശം പുറപ്പെടുവിപ്പിച്ചിട്ടുണ്ട്.

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് 22/09/2025 രാത്രി 08.30 മുതൽ 24/09/2025 ഉച്ചയ്ക്ക് 02.30 വരെ 0.9 മുതൽ 1.0 മീറ്റർ വരെയും, കന്യാകുമാരി ജില്ലയിലെ നീരോടി മുതൽ ആരോക്യപുരം വരെയുള്ള തീരങ്ങളിൽ 22/09/2025 രാവിലെ 05.30 മുതൽ 24/09/2025 രാവിലെ 11.30 വരെയും 0.9 മുതൽ 1.0 മീറ്റർ വരെയും ഉയർന്ന തിരമാലകൾ കാരണം ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പുലർത്തണമെന്ന് നിർദേശമുണ്ട്.

### Related Links & Sources
- [Original Story Source](https://truevisionnews.com/news/315941/light-rain-at-isolated-places-in-kollam-alappuzha-kasargod-kannur-districts-in-the-next-three-hours)