---
title: "കെട്ടിടത്തിന്റെ 24–ാം നിലയില്‍ നിന്നുചാടി; വ്യോമസേന എഞ്ചിനീയര്‍ക്ക് ദാരുണാന്ത്യം"
english_title: "Air Force engineer dies after jumping from 24th floor of building"
publisher: "truevisionnews.com"
canonical_url: "https://truevisionnews.com/news/314961/air-force-engineer-dies-after-jumping-from-24th-floor-of-building"
published_at: "2025-09-15T14:42:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/68c7d8a4e4992_yyyy.jpg"
keywords: []
---

# കെട്ടിടത്തിന്റെ 24–ാം നിലയില്‍ നിന്നുചാടി; വ്യോമസേന എഞ്ചിനീയര്‍ക്ക് ദാരുണാന്ത്യം

> **Lead Summary:** **( **[www.truevisionnews.com]** ) ** ഇന്ത്യന്‍ വ്യോമസേനാ എഞ്ചിനീയര്‍ കെട്ടിടത്തിന്‍റെ 24ാം നിലയില്‍ നിന്നുചാടി ജീവനൊടുക്കി. ബംഗളൂരുവിലെ പ്രസ്റ്റിജ് ജിന്‍ഡാല്‍ സിറ്റി അപാര്‍ട്ട്മെന്റിലാണ് സംഭവം. ഹലാസുരു മിലിട്ടറി ക്വാര്‍ട്ടേഴ്സില്‍ താമസിക്കുന്ന 25കാരനായ ലോകേഷ് പവന്‍ കൃഷ്ണയാണ് മരിച്ചത്.

## Article Content

**( **[www.truevisionnews.com]** ) ** ഇന്ത്യന്‍ വ്യോമസേനാ എഞ്ചിനീയര്‍ കെട്ടിടത്തിന്‍റെ 24ാം നിലയില്‍ നിന്നുചാടി ജീവനൊടുക്കി. ബംഗളൂരുവിലെ പ്രസ്റ്റിജ് ജിന്‍ഡാല്‍ സിറ്റി അപാര്‍ട്ട്മെന്റിലാണ് സംഭവം. ഹലാസുരു മിലിട്ടറി ക്വാര്‍ട്ടേഴ്സില്‍ താമസിക്കുന്ന 25കാരനായ ലോകേഷ് പവന്‍ കൃഷ്ണയാണ് മരിച്ചത്.

ഇന്നലെ വൈകുന്നേരത്തോടെയാണ് സംഭവം. സഹോദരി ലക്ഷ്മിയുടെ അപാര്‍ട്ട്മെന്റിലെത്തിയ സമയത്താണ് ലോകേഷ് കെട്ടിടത്തിനു മുകളില്‍ നിന്നും ചാടി മരിച്ചത്. ഏതോ തര്‍ക്കത്തിന്റെ പേരില്‍ മാനസികസമ്മര്‍ദ്ദം കൂടിയാണ് ലോകേഷ് ജീവനൊടുക്കിയതെന്ന് പൊലീസ് പറയുന്നു. മൃതദേഹം നീലാമംഗല ആശുപത്രിയിലേക്ക് പോസ്റ്റുമോര്‍ട്ടത്തിനായി മാറ്റി. സംഭവത്തില്‍ കേസ് റജിസ്റ്റര്‍ ചെയ്ത് പൊലീസ് അന്വേഷണം ആരംഭിച്ചു.

മറ്റൊരു സംഭവത്തിൽ മാനസിക വെല്ലുവിളിയുള്ള മകനുമായി 13-ാം നിലയിലെ മട്ടുപ്പാവില്‍ നിന്ന് ചാടി യുവതി ആത്മഹത്യ ചെയ്തു. ന്യൂറോഡവലപ്പ്‌മെന്റല്‍ ഡിസോര്‍ഡറുള്ള മകന്‍ കഴിഞ്ഞ പത്തുവര്‍ഷമായി ചികിത്സയിലാണ്. ഇത് യുവതിയെ മാനസികമായി തളര്‍ത്തിയിരുന്നു. ഇതിന്റെ പശ്ചാത്തലത്തിലാണ് യുവതി ജീവനൊടുക്കാന്‍ തീരുമാനിച്ചത്.

37 വയസ്സുള്ള സാക്ഷി അഗര്‍വാള്‍ ചാര്‍ട്ടേഡ് അക്കൗണ്ടന്റായ ഭര്‍ത്താവ് ദര്‍പണ്‍ ചാവ്‌ല, 11 വയസ്സുള്ള മകന്‍ ദക്ഷ് എന്നിവര്‍ക്കൊപ്പമാണ് ഗ്രെയ്റ്റര്‍ നോയ്ഡയിലുള്ള ഫ്‌ളാറ്റില്‍ താമസിച്ചിരുന്നത്. സംഭവം നടക്കുമ്പോള്‍ യുവതിയുടെ ഭര്‍ത്താവും ഫ്‌ളാറ്റില്‍ ഉണ്ടായിരുന്നു. താന്‍ മറ്റൊരു മുറിയിലായിരുന്നുവെന്നും നിലവിളി കേട്ട് ഓടിയെത്തുകയായിരുന്നുവെന്നുമാണ് ഇയാള്‍ പൊലീസിന് നല്‍കിയ മൊഴി.

'ഈ ലോകത്ത് നിന്ന് ഞങ്ങള്‍ പോകുന്നു. ക്ഷമിക്കണം. ഞങ്ങള്‍ നിങ്ങളെ ബുദ്ധിമുട്ടിക്കാന്‍ ആഗ്രഹിക്കുന്നില്ല. ഞങ്ങള്‍ കാരണം നിങ്ങളുടെ ജീവിതം നശിക്കരുത്. ഞങ്ങളുടെ മരണത്തില്‍ ആരും ഉത്തരവാദികളല്ല.' എന്നാണ് ആത്മഹത്യാകുറിപ്പില്‍ എഴുതിയിരിക്കുന്നത്. സംഭവസ്ഥലത്തെത്തിയ പൊലീസ് മൃതദേഹങ്ങള്‍ പോസ്റ്റുമോര്‍ട്ടത്തിന് അയച്ചു. അയല്‍ക്കാരെല്ലാവരും ഇരുവരുടെയും മരണത്തിന്റെ ഞെട്ടലിലാണ്.

### Related Links & Sources
- [Original Story Source](https://truevisionnews.com/news/314961/air-force-engineer-dies-after-jumping-from-24th-floor-of-building)