---
title: " ബൈക്ക് നിയന്ത്രണം വിട്ട് മറിഞ്ഞ് അപകടം;  കോളേജ് വിദ്യാര്‍ഥിക്ക് ദാരുണാന്ത്യം, ഒരാൾക്ക് പരിക്ക് "
english_title: "A college student died in an accident where his bike went out of control and overturned."
publisher: "truevisionnews.com"
canonical_url: "https://truevisionnews.com/news/313824/a-college-student-died-in-an-accident-where-his-bike-went-out-of-control-and-overturned"
published_at: "2025-09-09T18:20:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68c022d82e365_accident.jpg"
keywords: []
---

#  ബൈക്ക് നിയന്ത്രണം വിട്ട് മറിഞ്ഞ് അപകടം;  കോളേജ് വിദ്യാര്‍ഥിക്ക് ദാരുണാന്ത്യം, ഒരാൾക്ക് പരിക്ക് 

> **Lead Summary:** ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തില്‍ കോളേജ് വിദ്യാര്‍ഥി മരിച്ചു. ഒപ്പമുണ്ടായിരുന്ന മറ്റൊരു വിദ്യാര്‍ഥിക്ക് പരിക്കേറ്റു. കുട്ടിക്കാനം മരിയന്‍ കോളേജിലെ ബിഎസ്സി ഫിസിക്‌സ് ഒന്നാം വര്‍ഷ വിദ്യാര്‍ഥി അണക്കര പ്ലാമൂട്ടില്‍ വീട്ടില്‍ ഡോണ്‍ സാജന്‍ ആണ് മരിച്ചത്.

## Article Content

ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തില്‍ കോളേജ് വിദ്യാര്‍ഥി മരിച്ചു. ഒപ്പമുണ്ടായിരുന്ന മറ്റൊരു വിദ്യാര്‍ഥിക്ക് പരിക്കേറ്റു. കുട്ടിക്കാനം മരിയന്‍ കോളേജിലെ ബിഎസ്സി ഫിസിക്‌സ് ഒന്നാം വര്‍ഷ വിദ്യാര്‍ഥി അണക്കര പ്ലാമൂട്ടില്‍ വീട്ടില്‍ ഡോണ്‍ സാജന്‍ ആണ് മരിച്ചത്.

കോളേജില്‍ നടക്കുന്ന എക്സിബിഷന് വേണ്ട സാമഗ്രഹികള്‍ വാങ്ങാന്‍ പോകുന്ന വഴിക്കാണ് അപകടമുണ്ടായത്. കൊട്ടാരക്കര- ദിണ്ടിഗല്‍ ദേശീയപാതയില്‍ ഐഎച്ച്ആര്‍ഡി കോളേജിന് സമീപത്തെ കൊടുംവളവിലാണ് ചൊവാഴ്ച്ച രാവിലെ പതിനൊന്നു മണിയോടെ അപകടമുണ്ടായത്. റോഡില്‍ മറിഞ്ഞ ബൈക്ക് മീറ്ററുകളോളം തെന്നി നീങ്ങിയാണ് നിന്നത്. ഡോണ്‍ അപകട സ്ഥലത്ത് തന്നെ മരിച്ചു.

ഒപ്പമുണ്ടായിരുന്ന ഏലപ്പാറ നാലാം മൈല്‍ സ്വദേശി അന്‍സല്‍ (18) നെ കോട്ടയത്ത് സ്വകാര്യ ആശുപത്രിയില്‍ പ്രവേശിപ്പിച്ചു. ഡോണിന്റെ മൃതദേഹം പോസ്റ്റ്മോര്‍ട്ടത്തിനായി ഇടുക്കി മെഡിക്കല്‍ കോളേജില്‍ എത്തിച്ചു. പിതാവ് സാജന്‍,മാതാവ്ദീപ.

### Related Links & Sources
- [Original Story Source](https://truevisionnews.com/news/313824/a-college-student-died-in-an-accident-where-his-bike-went-out-of-control-and-overturned)