പത്തനംതിട്ട: (truevisionnews.com) പത്തനംതിട്ടയിൽ വാഹനാപകടത്തിൽ പരിക്കേറ്റ് ചികിത്സയിലിരുന്ന പൊലീസുകാരൻ മരിച്ചു. തിരുവല്ല സ്റ്റേഷനിലെ സീനിയർ സിവിൽ പൊലീസ് ഓഫീസറായ ചെങ്ങന്നൂർ പുന്തല സ്വദേശി മനോജ് കുമാർ (46) ആണ് മരിച്ചത്. കഴിഞ്ഞ ദവസമായിരുന്നു അപകടം.
മുളക്കുഴയിൽ വച്ച് ഓട്ടോറിക്ഷ ഇടിച്ചു താഴെ വീണ മനോജിന്റെ തലയിൽ എതിരെ വന്ന ബൈക്ക് ഇടിക്കുകയായിരുന്നു. ഗുരുതരമായി പരിക്കേറ്റ മനോജിനെ ഉടൻ തന്നെ ആശുപത്രിയിലെത്തിച്ചിരുന്നു. പിന്നീട് കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരിച്ചത്. മൃതദേഹം നാളെ രാവിലെ 8 മണി മുതൽ 10 മണി വരെ തിരുവല്ല പൊലീസ് സ്റ്റേഷനിൽ പൊതുദർശനത്തിന് വയ്ക്കും. 12 മണിക്ക് വീട്ട് വളപ്പിൽ സംസ്കാരം നടക്കും.
മറ്റൊരു സംഭവത്തിൽ, പേരാമ്പ്ര കൈതക്കലില് വെച്ച് ബൈക്ക് അപകടത്തില് പരിക്കേറ്റ് ചികിത്സയിലായിരുന്ന യുവാവ് മരിച്ചു. നെല്ലുളി തറമ്മല് മനോജന്റെ മകന് മൃഥുല്(23) ആണ് മരണപ്പെട്ടത്.
കൈതയ്ക്കല് വെച്ച് ഇന്നലെ അര്ദ്ധരാത്രി 12 മണിയോടെയായിരുന്നു അപകടം. കൂടെയുണ്ടായിരുന്ന കായണ്ണ ചെമ്പോടുമ്മല് രാജീവന്റെ മകന് രാഹുല് (23)നും ഗുരുരമായി പരിക്കേററു മെഡിക്കല് കോളെജില് ചികിത്സയിലാണ്.
Content Highlight: policeman who was seriously injured in a road accident in Pathanamthitta died while undergoing treatment
