---
title: "അച്ഛനെ തപ്പി പൊലീസ് .....പനത്തടി പാറക്കടവിൽ മകൾക്ക് നേരെയുള്ള ആസിഡ് ആക്രമണം; ഒളിവിൽ പോയ പിതാവിനായി അന്വേഷണം ഊർജിതം"
english_title: " Acid attack on daughter at Panathadi Parakkadavu Search intensifies for absconding father"
publisher: "truevisionnews.com"
canonical_url: "https://truevisionnews.com/news/313114/acid-attack-on-daughter-at-panathadi-parakkadavu-search-intensifies-for-absconding-father"
published_at: "2025-09-06T08:02:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68bb9d5a9fa57_ee.jpg"
keywords: []
---

# അച്ഛനെ തപ്പി പൊലീസ് .....പനത്തടി പാറക്കടവിൽ മകൾക്ക് നേരെയുള്ള ആസിഡ് ആക്രമണം; ഒളിവിൽ പോയ പിതാവിനായി അന്വേഷണം ഊർജിതം

> **Lead Summary:** **പനത്തടി(കാസർഗോഡ്):( **[www.truevisionnews.com]** ) ** കാസർഗോഡ് പനത്തടി പാറക്കടവിൽ മകൾക്ക് നേരെയുള്ള ആസിഡ് ആക്രമണത്തിന് പിന്നാലെ ഒളിവിൽ പോയ പിതാവിനായി അന്വേഷണം ഊർജിതം . 17 വയസ്സുകാരിയായ മകൾക്ക് നേരെയാണ് പിതാവ് ആസിഡ് ഒഴിച്ചത്. മകളെ കൂടാതെ സഹോദരന്റെ 10 വയസ്സുള്ള മകൾക്ക് നേരെയും ഇയാൾ ആസിഡ് ഒഴിച്ചു.

## Article Content

**പനത്തടി(കാസർഗോഡ്):( **[www.truevisionnews.com]** ) ** കാസർഗോഡ് പനത്തടി പാറക്കടവിൽ മകൾക്ക് നേരെയുള്ള ആസിഡ് ആക്രമണത്തിന് പിന്നാലെ ഒളിവിൽ പോയ പിതാവിനായി അന്വേഷണം ഊർജിതം . 17 വയസ്സുകാരിയായ മകൾക്ക് നേരെയാണ് പിതാവ് ആസിഡ് ഒഴിച്ചത്. മകളെ കൂടാതെ സഹോദരന്റെ 10 വയസ്സുള്ള മകൾക്ക് നേരെയും ഇയാൾ ആസിഡ് ഒഴിച്ചു.

ആക്രമണത്തിൽ ഇരുവർക്കും ഗുരുതരമായി പൊള്ളലേറ്റു. ഇരുവരെയും ഉടൻതന്നെ ആശുപത്രിയിൽ പ്രവേശിപ്പിച്ചു. കർണാടക കരിക്കെ ആനപ്പാറയിലെ കെ.സി. മനോജ് ആണ് ആസിഡ് ആക്രമണം നടത്തിയത്. പനത്തടി പാറക്കടവിലെ ബന്ധുവീട്ടിലാണ് മകളുണ്ടായിരുന്നത്. റബര്‍ഷീറ്റ് നിര്‍മിക്കാനായി ഉപയോഗിക്കുന്ന ആസിഡാണ് കുട്ടികളുടെ ദേഹത്ത് ഒഴിച്ചത്.

മകളുടെ കൈക്കും കാലിനും പൊള്ളലേറ്റിട്ടുണ്ട്. പത്ത് വയസുകാരിയുടെ മുഖത്തടക്കം പൊള്ളലുണ്ടെന്നാണ് വിവരം.

ആസിഡ് ആക്രമണത്തിന് പുറമേ കൊലപാതക ശ്രമം, വീട്ടില്‍ അതിക്രമിച്ച് കയറല്‍ എന്നീ വകുപ്പുകളാണ് രാജപുരം പൊലീസ് മനോജിനെതിരെ ചുമത്തിയിരിക്കുന്നത്. ഇയാളും ഭാര്യയും കുറച്ചുകാലമായി പിണങ്ങി താമസിക്കുകയായിരുന്നു. മദ്യപിച്ച് പ്രശ്‌നമുണ്ടാക്കുന്നതിനാലാണ് ഭാര്യ മാറിത്താമസിച്ചിരുന്നത്. അതിനെ തുടര്‍ന്നുണ്ടായ വിരോധം മൂലമാണ് മകളെയും ബന്ധുവായ കുട്ടിയെയും ആക്രമിച്ചതെന്നാണ് ലഭ്യമാകുന്ന വിവരം.

### Related Links & Sources
- [Original Story Source](https://truevisionnews.com/news/313114/acid-attack-on-daughter-at-panathadi-parakkadavu-search-intensifies-for-absconding-father)