---
title: "മനോവിഷമം ജീവനെടുത്തു; കാസർകോട് മഞ്ചേശ്വരത്ത് എൺപത്തിയാറുകാരൻ സ്വയം വെടിയുതിർത്ത് മരിച്ചു"
english_title: "Mental distress took his life Eighty six year old man shot himself dead in Manjeshwaram Kasaragod"
publisher: "truevisionnews.com"
canonical_url: "https://truevisionnews.com/news/313088/mental-distress-took-his-life-eighty-six-year-old-man-shot-himself-dead-in-manjeshwaram-kasaragod"
published_at: "2025-09-05T20:27:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68bafac01ccc1_yrt.jpg"
keywords: []
---

# മനോവിഷമം ജീവനെടുത്തു; കാസർകോട് മഞ്ചേശ്വരത്ത് എൺപത്തിയാറുകാരൻ സ്വയം വെടിയുതിർത്ത് മരിച്ചു

> **Lead Summary:** മഞ്ചേശ്വരത്ത് 86 കാരൻ സ്വയം വെടിയുതിർത്ത് മരിച്ചു. മഞ്ചേശ്വരം പൊലീസ് സ്റ്റേഷൻ പരിധിയിലെ മിയാപദവ്, മദങ്കല്ല് സുബ്ബണ്ണ ഭട്ട് ആണ് ജീവനൊടുക്കിയത്.

## Article Content

മഞ്ചേശ്വരത്ത് 86 കാരൻ സ്വയം വെടിയുതിർത്ത് മരിച്ചു. മഞ്ചേശ്വരം പൊലീസ് സ്റ്റേഷൻ പരിധിയിലെ മിയാപദവ്, മദങ്കല്ല് സുബ്ബണ്ണ ഭട്ട് ആണ് ജീവനൊടുക്കിയത്.

തിരുവോണനാളിൽ ഉച്ചയ്ക്ക് രണ്ടു മണിയോടെയാണ് സംഭവം. ഭാര്യക്കും സുബ്ബണ്ണ ഭട്ടിനും വിട്ടുമാറാത്ത അസുഖം മൂലമുള്ള മനോവിഷമമാണ് ആത്മഹത്യക്ക് കാരണമെന്ന് മഞ്ചേശ്വരം പൊലീസ് രജിസ്റ്റർ ചെയ്ത കേസിൽ പറയുന്നു. സുബ്ബണ്ണ ഭട്ടും ഭാര്യ രാജമ്മാളുമാണ് വീട്ടിൽ താമസം. കൂടുതൽ വിവരങ്ങൾ അന്വേഷിച്ചു വരുന്നതായി മഞ്ചേശ്വരം പൊലീസ് പറഞ്ഞു.

**ജീവിതത്തിൽ ചില ഘട്ടങ്ങളിൽ വിഷാദവും നിരാശയും തോന്നുന്നത് സാധാരണമാണ്. എന്നാൽ, അത് ആത്മഹത്യയെക്കുറിച്ച് ചിന്തിക്കുന്ന അവസ്ഥയിലേക്ക് എത്തുകയാണെങ്കിൽ, അത് വളരെ ഗൗരവമായ ഒരു കാര്യമാണ്. അത്തരമൊരു സാഹചര്യത്തിൽ, താഴെ പറയുന്നവ ശ്രദ്ധിക്കുക:**

സഹായം തേടുക: നിങ്ങളുടെ വിഷമങ്ങൾ തുറന്നു പറയാൻ കഴിയുന്ന ഒരാളോട് സംസാരിക്കുക. അത് ഒരു സുഹൃത്തോ, കുടുംബാംഗമോ, അല്ലെങ്കിൽ ഒരു മാനസികാരോഗ്യ വിദഗ്ദ്ധനോ ആകാം.

പ്രൊഫഷണൽ സഹായം: ഒരു മാനസികാരോഗ്യ വിദഗ്ദ്ധനെ കാണുന്നത് വളരെ പ്രധാനമാണ്. അവർക്ക് നിങ്ങളുടെ അവസ്ഥ മനസ്സിലാക്കാനും ശരിയായ ചികിത്സ നൽകാനും കഴിയും.

ഹെൽപ് ലൈൻ നമ്പറുകൾ: അടിയന്തിര സാഹചര്യങ്ങളിൽ വിളിക്കാൻ കഴിയുന്ന ചില ഹെൽപ് ലൈൻ നമ്പറുകൾ ഉണ്ട്. അവ നിങ്ങൾക്ക് ആവശ്യമായ സഹായം നൽകും.

***ഹെൽപ് ലൈൻ നമ്പറുകൾ:***

***ദിശ (DISHA): 1056, 104***

***മൈത്രി: 0484-2371131***

***സുമനസ്: 9884055743***

ജീവിതം വളരെ വിലപ്പെട്ടതാണ്, ഒരു പ്രശ്നത്തിനും അതിനേക്കാൾ വലുതല്ല. നിങ്ങളെ സഹായിക്കാൻ ആളുകളുണ്ട്. സംസാരിക്കാൻ ആരുമില്ലെന്ന് തോന്നുന്നുണ്ടെങ്കിൽ, ഈ നമ്പറുകളിൽ ഏതെങ്കിലും ഒന്നിലേക്ക് വിളിക്കുക.

### Related Links & Sources
- [Original Story Source](https://truevisionnews.com/news/313088/mental-distress-took-his-life-eighty-six-year-old-man-shot-himself-dead-in-manjeshwaram-kasaragod)