---
title: "കുടുംബ വഴക്കിനെ തുടര്‍ന്ന് കൊലപാതകം; ഭാര്യയെ കുത്തിക്കൊന്ന് ഭര്‍ത്താവ് ജീവനൊടുക്കി"
english_title: "Murder following family dispute Husband stabs wife to death and commits suicide"
publisher: "truevisionnews.com"
canonical_url: "https://truevisionnews.com/news/313016/murder-following-family-dispute-husband-stabs-wife-to-death-and-commits-suicide"
published_at: "2025-09-05T11:42:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68ba7f6184430_fgh.jpg"
keywords: []
---

# കുടുംബ വഴക്കിനെ തുടര്‍ന്ന് കൊലപാതകം; ഭാര്യയെ കുത്തിക്കൊന്ന് ഭര്‍ത്താവ് ജീവനൊടുക്കി

> **Lead Summary:** **പത്തനംതിട്ട: ( **[www.truevisionnews.com]** ) ** പത്തനംതിട്ട മല്ലപ്പള്ളി ചേർത്തോട് ഭാര്യയെ കുത്തിക്കൊന്ന ശേഷം ഭർത്താവ് ജീവനൊടുക്കി. സുധ രഘുനാഥ് ആണ് കൊല്ലപ്പെട്ടത്. സുധയെ കൊലപ്പെടുത്തിയ ശേഷം രഘുനാഥ് ജീവനൊടുക്കുകയായിരുന്നു. കുടുംബ വഴക്കാണ് ദാരുണമായ സംഭവത്തിന് കാരണം എന്നാണ് പൊലീസിന്‍റെ പ്രാഥമിക നിഗമനം.

## Article Content

**പത്തനംതിട്ട: ( **[www.truevisionnews.com]** ) ** പത്തനംതിട്ട മല്ലപ്പള്ളി ചേർത്തോട് ഭാര്യയെ കുത്തിക്കൊന്ന ശേഷം ഭർത്താവ് ജീവനൊടുക്കി. സുധ രഘുനാഥ് ആണ് കൊല്ലപ്പെട്ടത്. സുധയെ കൊലപ്പെടുത്തിയ ശേഷം രഘുനാഥ് ജീവനൊടുക്കുകയായിരുന്നു. കുടുംബ വഴക്കാണ് ദാരുണമായ സംഭവത്തിന് കാരണം എന്നാണ് പൊലീസിന്‍റെ പ്രാഥമിക നിഗമനം.

മറ്റൊരു സംഭവത്തിൽ ഭാര്യയുമായുണ്ടായ തർക്കത്തെ തുടർന്നു വീടുവിട്ടിറങ്ങിയ യുവാവ് മക്കളെ കൊലപ്പെടുത്തി സ്വയം ജീവനൊടുക്കി. ആന്ധ്രപ്രദേശ് സ്വദേശിയായ 36 വയസ്സുകാരനാണ് മൂന്നുമക്കളെ കൊലപ്പെടുത്തി ആല്മഹത്യ ചെയ്തത്. തെലങ്കാനയിലെ നാഗർകുർനൂൽ ജില്ലയിലെ വിവിധ ഇടങ്ങളിൽനിന്നാണു മൃതദേഹങ്ങൾ കണ്ടെത്തിയത്.

യുവാവിന്റെ മൃതദേഹം കണ്ടെത്തിയ നാട്ടുകാർ പൊലീസിൽ വിവരം അറിയിക്കുകയായിരുന്നു. തുടർന്ന് പൊലീസ് നടത്തിയ പരിശോധനയിൽ വിവിധ ഇടങ്ങളിൽ നിന്നായി എട്ടും ആറും വയസ്സുള്ള പെൺമക്കളുടെയും നാലുവയസ്സുള്ള മകന്റെയും മൃതദേഹങ്ങൾ കണ്ടെത്തി. മക്കളെ പെട്രോളൊഴിച്ച് കത്തിച്ചതിന് പിന്നാലെ യുവാവ് വിഷം കഴിച്ച് മരിക്കുകയായിരുന്നെന്നാണു പൊലീസിന്റെ പ്രാഥമിക നിഗമനം.

ഭാര്യയുമായുണ്ടായ വഴക്കിനു പിന്നാലെ, ഓഗസ്റ്റ് 30ന് ആന്ധ്രപ്രദേശിലെ പ്രകാശം ജില്ലയിൽനിന്ന് മക്കളുമൊത്ത് ബൈക്കിൽ യുവാവ് സ്ഥലം വിടുകയായിരുന്നു. ബൈക്കിന്റെ നമ്പർ പരിശോധിച്ചതിന് പിന്നാലെ യുവാവിന്റെ കുടുംബവുമായി പൊലീസ് ബന്ധപ്പെടുകയായിരുന്നു. ഇതിനോടകം തന്നെ കുടുംബം യുവാവിനെയും മക്കളെയും കാണാനില്ലെന്നുകാട്ടി പരാതി നൽകിയിരുന്നു. സിസിടിവി ദൃശ്യങ്ങൾ പരിശോധിച്ചതിലും യുവാവ് കുട്ടികളുമായി ബൈക്കിൽ നാഗർകുർനൂലിലേക്കു വരുന്നതിന്റെ ദൃശ്യങ്ങൾ പൊലീസിന് ലഭിച്ചു.

### Related Links & Sources
- [Original Story Source](https://truevisionnews.com/news/313016/murder-following-family-dispute-husband-stabs-wife-to-death-and-commits-suicide)