പേര് സൂചിപ്പിക്കുന്നത് പോലെ പാലിയോലിത്തിക്ക് കാലഘട്ടത്തിൽ ഏകദേശം 2.5 ദശലക്ഷം വർഷങ്ങൾക്ക് മുമ്പ് ആളുകൾ കഴിച്ചതിന് സമാനമായ ഭക്ഷണങ്ങൾ ഉൾപ്പെടുന്ന ഒരു ഭക്ഷണ പദ്ധതിയാണ് പാലിയോ ഡയറ്റ്. ഈ ഭക്ഷണക്രമത്തിൽ സാധാരണയായി മത്സ്യം, മാംസം, പഴങ്ങൾ, പച്ചക്കറികൾ, വിത്തുകൾ, നട്ട്സുകൾ എന്നിവ ഉൾപ്പെടുന്നു.
പണ്ടുകാലത്ത് വേട്ടയാടിയും ശേഖരിച്ചും ലഭിച്ചിരുന്ന ഭക്ഷണങ്ങളാണിത്. ഏകദേശം 10,000 വർഷങ്ങൾക്ക് മുമ്പ് കൃഷി ഉയർന്നുവന്നപ്പോൾ ഉണ്ടായ സാധാരണമായ ഭക്ഷണങ്ങളെ ഈ ഭക്ഷണക്രമം പരിമിതപ്പെടുത്തുന്നു. പാലിയോ ഡയറ്റ് പ്രകാരമുള്ള ഭക്ഷണങ്ങളിൽ പാൽ ഉൽപന്നങ്ങൾ, ധാന്യങ്ങൾ, പയർവർഗ്ഗങ്ങൾ എന്നിവ ഉൾപ്പെടുന്നില്ല.
കലോറി കുറയ്ക്കാതെ തന്നെ ശരീരഭാരം ഗണ്യമായി കുറയ്ക്കാനും ആരോഗ്യം മെച്ചപ്പെടുത്താനും ഈ ഭക്ഷണക്രമം സഹായകരമാകുമെന്ന് പഠനങ്ങൾ സൂചിപ്പിക്കുന്നു.പുരാതന കാലത്ത് മനുഷ്യർ കഴിച്ച ഭക്ഷണരീതിയിലേക്ക് മടങ്ങുക എന്നതാണ് പാലിയോ ഭക്ഷണക്രമം ലക്ഷ്യമിടുന്നത്. അതെ സമയം ഈ ഡയറ്റിനെ എതിർക്കുന്നവരും കുറവല്ല. മനുഷ്യശരീരം ജനിതകപരമായി കാർഷിക സമ്പ്രദായങ്ങൾക്കൊപ്പം ഉയർന്നുവന്ന ആധുനിക ഭക്ഷണക്രമവുമായി പൊരുത്തപ്പെടുന്നില്ല എന്ന വൈരുദ്ധ്യ സിദ്ധാന്തവും നിലവിലുണ്ട്.
പാലിയോ ഡയറ്റിൽ കഴിക്കേണ്ട ഭക്ഷണങ്ങൾ മാംസം:
ആട്ടിൻ ഇറച്ചി, ചിക്കൻ, ഗോമാംസം, പന്നിയിറച്ചി മത്സ്യവും കടൽ വിഭവങ്ങളും: പുഴമീൻ, ചെമ്പല്ലി, ചെമ്മീൻ, കടൽമീൻ, കക്ക മുട്ടകൾ: നിങ്ങൾക്ക് ഫ്രീ റേഞ്ച് അല്ലെങ്കിൽ ഒമേഗ -3 സമ്പുഷ്ടമായ മുട്ടകൾ തിരഞ്ഞെടുക്കാം പച്ചക്കറികൾ: ബ്രൊക്കോളി, കാലെ, ഉള്ളി, കാരറ്റ്, കുരുമുളക്, തക്കാളി പഴങ്ങൾ: ആപ്പിൾ, ഓറഞ്ച്, ഏത്തപ്പഴം, പിയർ, അവോക്കാഡോ, സ്ട്രോബെറി, ബ്ലൂബെറി കിഴങ്ങുവർഗ്ഗങ്ങൾ: ഉരുളക്കിഴങ്ങ്, മധുരക്കിഴങ്ങ്, ചേന, മധുരമുള്ളങ്കി നട്ട്സും വിത്തുകളും: ബദാം, മക്കഡാമിയ നട്ട്സ്, വാൾനട്ട്, ഹേസൽനട്ട്, സൂര്യകാന്തി വിത്തുകൾ, മത്തങ്ങ വിത്തുകൾ എന്നിവയും അതിലേറെയും ആരോഗ്യകരമായ കൊഴുപ്പും എണ്ണകളും: എക്സ്ട്രാ വിർജിൻ ഒലിവ് ഓയിൽ, അവോക്കാഡോ ഓയിൽ തുടങ്ങിയവ ഉപ്പും സുഗന്ധവ്യഞ്ജനങ്ങളും: കടൽ ഉപ്പ്, വെളുത്തുള്ളി, റോസ്മേരി, മഞ്ഞൾ തുടങ്ങിയവ. ഭാരം നിയന്ത്രിക്കാൻ കറിവേപ്പില ഇങ്ങനെ കഴിച്ച് നോക്കൂ
Paleo Diet
