---
title: "വീട്ടിലുണ്ടായ സ്ഫോടനത്തിൽ പൊട്ടിത്തെറിച്ചത് ഗ്യാസ് സിലണ്ടറോ വീട്ടുപകരണങ്ങളോ അല്ലെന്ന്  പൊലീസ്, പരിശോധന ശക്തമാക്കി"
english_title: "Police say it was not a gas cylinder or household appliances that exploded in the explosion at a house in Palakkad"
publisher: "truevisionnews.com"
canonical_url: "https://truevisionnews.com/news/312928/police-say-it-was-not-a-gas-cylinder-or-household-appliances-that-exploded-in-the-explosion-at-a-house-in-palakkad"
published_at: "2025-09-04T16:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68b97425da339_blast.jpg"
keywords: []
---

# വീട്ടിലുണ്ടായ സ്ഫോടനത്തിൽ പൊട്ടിത്തെറിച്ചത് ഗ്യാസ് സിലണ്ടറോ വീട്ടുപകരണങ്ങളോ അല്ലെന്ന്  പൊലീസ്, പരിശോധന ശക്തമാക്കി

> **Lead Summary:** പാലക്കാടിനെ ഞെട്ടിച്ച് പുതുനഗരത്തെ വീട്ടിലുണ്ടായ സ്ഫോടനത്തിൽ പൊലീസ് പരിശോധന ശക്തമാക്കി. ​ വീട്ടിൽ ഗ്യാസ് സിലണ്ടറോ, വീട്ടുപകരണങ്ങളോ അല്ല പൊട്ടിത്തെറിച്ചതെന്ന് പൊലീസ് പറഞ്ഞു. പുതുനഗരം മാങ്ങോട് ലക്ഷംവീട് നഗറിലെ വീട്ടിലാണ് പൊട്ടിത്തെറിച്ച് തീ ആളിക്കത്തിയത്.

## Article Content

പാലക്കാടിനെ ഞെട്ടിച്ച് പുതുനഗരത്തെ വീട്ടിലുണ്ടായ സ്ഫോടനത്തിൽ പൊലീസ് പരിശോധന ശക്തമാക്കി. ​ വീട്ടിൽ ഗ്യാസ് സിലണ്ടറോ, വീട്ടുപകരണങ്ങളോ അല്ല പൊട്ടിത്തെറിച്ചതെന്ന് പൊലീസ് പറഞ്ഞു. പുതുനഗരം മാങ്ങോട് ലക്ഷംവീട് നഗറിലെ വീട്ടിലാണ് പൊട്ടിത്തെറിച്ച് തീ ആളിക്കത്തിയത്.

സഹോദരങ്ങളായ പുതുനഗരം മാങ്ങോട് സ്വദേശി ശെരിഫ് (40), സഹോദരി ഷഹാന (28) എന്നിവർക്കാണ് പരിക്കേറ്റത്. ശരീഫിന്റെ പരിക്ക് ഗുരുതരമാണ്. ഷഹാനയുടെ ഭർത്താവിൻ്റെ ബന്ധു വീട്ടിലാണ് സ്ഫോടനം നടന്നത്. സംഭവത്തിൻ്റെ പശ്ചാത്തലത്തിൽ ബോംബ് സ്ക്വാഡും, ഫോറൻസിക് ഉദ്യോഗസ്ഥരും സ്ഥലത്തെത്തി പരിശോധന നടത്തും.

പാലക്കാട് പുതുനഗരം മാങ്ങോട് ഉച്ചയ്ക്കായിരുന്നു സംഭവം. വീട്ടിൽ പൊട്ടിത്തെറി ഉണ്ടായി തീ ആളിക്കത്തുകയായിരുന്നു. പൊട്ടിത്തെറിയിൽ പരിക്കേറ്റ സഹോദരങ്ങളെ പാലക്കാട് ജില്ലാആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ ശരീഫിനെ അവിടെ നിന്നും തൃശൂർ മെഡിക്കൽ കോളേജ് ആശുപതിയിലേക്ക് കൊണ്ടുപോവുകയായിരുന്നു. ശരീഫിൻ്റെ ശരീരത്തിൽ പൊള്ളലിന് സമാനമായ മുറിവുകളുണ്ടെന്ന് പൊലീസ് പറയുന്നു.

### Related Links & Sources
- [Original Story Source](https://truevisionnews.com/news/312928/police-say-it-was-not-a-gas-cylinder-or-household-appliances-that-exploded-in-the-explosion-at-a-house-in-palakkad)