---
title: "രാഹുല്‍ മാങ്കൂട്ടത്തിലിനെതിരായ ലൈംഗികാതിക്രമ ആരോപണം; പരാതിയില്‍ ഉറച്ചുനില്‍ക്കുമെന്ന് ഷിന്‍റോ സെബാസ്റ്റ്യന്‍, മൊഴി നൽകി"
english_title: "Sexual assault allegations against Rahul Mangkootatil Shinto Sebastian gives statement says he will stand by his complaint"
publisher: "truevisionnews.com"
canonical_url: "https://truevisionnews.com/news/312396/sexual-assault-allegations-against-rahul-mangkootatil-shinto-sebastian-gives-statement-says-he-will-stand-by-his-complaint"
published_at: "2025-09-01T14:36:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68b56248c19f8_WhatsApp_Image_2025-09-01_at_2.36.51_PM.jpeg"
keywords: []
---

# രാഹുല്‍ മാങ്കൂട്ടത്തിലിനെതിരായ ലൈംഗികാതിക്രമ ആരോപണം; പരാതിയില്‍ ഉറച്ചുനില്‍ക്കുമെന്ന് ഷിന്‍റോ സെബാസ്റ്റ്യന്‍, മൊഴി നൽകി

> **Lead Summary:** **കൊച്ചി: ( **[www.truevisionnews.com]** ) ** രാഹുല്‍ മാങ്കൂട്ടത്തില്‍ എംഎല്‍എയ്‌ക്കെതിരായ ലൈംഗീകാതിക്രമ ആരോപണത്തില്‍ തന്റെ പരാതിയില്‍ ഉറച്ചു നില്‍ക്കുമെന്ന് ഷിന്റോ സെബാസ്റ്റ്യന്‍. സംഭവത്തില്‍ തെളിവുകള്‍ പൊലീസിന് കൈമാറിയിട്ടുണ്ടെന്നും ഷിന്റോ പറഞ്ഞു. പ്രാഥമിക മൊഴിയെടുപ്പാണ് നടന്നതെന്നും കൂടുതല്‍ തെളിവുകള്‍ കൈമാറുമെന്നും ഷിന്റോ വ്യക്തമാക്കി.

## Article Content

**കൊച്ചി: ( **[www.truevisionnews.com]** ) ** രാഹുല്‍ മാങ്കൂട്ടത്തില്‍ എംഎല്‍എയ്‌ക്കെതിരായ ലൈംഗീകാതിക്രമ ആരോപണത്തില്‍ തന്റെ പരാതിയില്‍ ഉറച്ചു നില്‍ക്കുമെന്ന് ഷിന്റോ സെബാസ്റ്റ്യന്‍. സംഭവത്തില്‍ തെളിവുകള്‍ പൊലീസിന് കൈമാറിയിട്ടുണ്ടെന്നും ഷിന്റോ പറഞ്ഞു. പ്രാഥമിക മൊഴിയെടുപ്പാണ് നടന്നതെന്നും കൂടുതല്‍ തെളിവുകള്‍ കൈമാറുമെന്നും ഷിന്റോ വ്യക്തമാക്കി.

ഇരകള്‍ക്ക് പരാതി നല്‍കാനുള്ള സാഹചര്യം ഒരുക്കണമെന്നും സാമൂഹ്യ മാധ്യമങ്ങളില്‍ കടുത്ത ആക്രമണമാണ് നേരിടേണ്ടി വരുന്നത് എന്നും ഷിന്റോ കൂട്ടിച്ചേര്‍ത്തു. അതേസമയം രാഹുലിനെതിരായ പരാതിയില്‍ ക്രൈംബ്രാഞ്ച് ഷിന്റോയുടെ മൊഴി രേഖപ്പെടുത്തി. തിരുവനന്തപുരം ക്രൈംബ്രാഞ്ച് ഓഫീസിലാണ് മൊഴിയെടുപ്പ് നടക്കുന്നത്.

രാഹുല്‍ മാങ്കൂട്ടത്തില്‍ ഗര്‍ഭഛിദ്രത്തിന് നിര്‍ബന്ധിച്ചുവെന്ന് കാണിച്ച് എറണാകുളം സെന്‍ട്രല്‍ പൊലീസ് സ്റ്റേഷനിലാണ് ഷിന്റോ പരാതി നല്‍കിയത്. ഗുരുതര വകുപ്പുകള്‍ ചുമത്തേണ്ട കുറ്റകൃത്യമാണ് രാഹുല്‍ നടത്തിയതെന്ന് ഷിന്റോ സെബാസ്റ്റ്യന്‍ പരാതിയില്‍ ചൂണ്ടിക്കാട്ടിയിരുന്നു.

ഗര്‍ഭഛിദ്രം നടത്താന്‍ രാഹുല്‍ മാങ്കൂട്ടത്തില്‍ നിര്‍ബന്ധിച്ച യുവതിയുടെ മൊഴിയും ക്രൈംബ്രാഞ്ച് രേഖപ്പെടുത്തുമെന്ന് വിവരമുണ്ട്. നേരിട്ട് പരാതി നല്‍കിയിട്ടില്ലെങ്കിലും അതിജീവിത മൊഴി നല്‍കുമെന്ന പ്രതീക്ഷയിലാണ് പ്രത്യേക അന്വേഷണ സംഘം. ലൈംഗിക പരാതി അന്വേഷിക്കുന്ന പ്രത്യേക സംഘം ഇക്കാര്യത്തില്‍ ഉടന്‍ നടപടി സ്വീകരിക്കും. രാഹുലിനെതിരെ ആരോപണം ഉന്നയിച്ച സിനിമാതാരവും മുന്‍ മാധ്യമപ്രവര്‍ത്തകയുമായ റിനി ആന്‍ ജോര്‍ജ്, ട്രാന്‍സ് വുമണ്‍ അവന്തിക അടക്കമുള്ളവരില്‍ നിന്ന് മൊഴിയെടുക്കുമെന്നാണ് വിവരം.

### Related Links & Sources
- [Original Story Source](https://truevisionnews.com/news/312396/sexual-assault-allegations-against-rahul-mangkootatil-shinto-sebastian-gives-statement-says-he-will-stand-by-his-complaint)