---
title: "'ആയിഷ ആത്മഹത്യ ചെയ്യില്ല', കോഴിക്കോട് യുവതിയെ ആൺ സുഹൃത്തിൻ്റെ വാടക വീട്ടിൽ മരിച്ച നിലയിൽ കണ്ടെത്തിയ സംഭവം; ദുരൂഹത എന്ന് കുടുംബം"
english_title: "Aisha will not commit suicide incident in Kozhikode where a young woman was found dead in her boyfriend rented house family calls it a mystery"
publisher: "truevisionnews.com"
canonical_url: "https://truevisionnews.com/news/312348/aisha-will-not-commit-suicide-incident-in-kozhikode-where-a-young-woman-was-found-dead-in-her-boyfriend-rented-house-family-calls-it-a-mystery"
published_at: "2025-09-01T12:00:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/68b53dad7a991_gfxh.jpg"
keywords: []
---

# 'ആയിഷ ആത്മഹത്യ ചെയ്യില്ല', കോഴിക്കോട് യുവതിയെ ആൺ സുഹൃത്തിൻ്റെ വാടക വീട്ടിൽ മരിച്ച നിലയിൽ കണ്ടെത്തിയ സംഭവം; ദുരൂഹത എന്ന് കുടുംബം

> **Lead Summary:** കോഴിക്കോട് എരഞ്ഞിപ്പാലത്ത് യുവതി ആൺ സുഹൃത്തിൻ്റെ വാടക വീട്ടിൽ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ ദുരൂഹത എന്ന് കുടുംബം. അത്തോളി സ്വദേശിനി ആയിഷ റാസ ആണ് മരിച്ചത്.

## Article Content

കോഴിക്കോട് എരഞ്ഞിപ്പാലത്ത് യുവതി ആൺ സുഹൃത്തിൻ്റെ വാടക വീട്ടിൽ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ ദുരൂഹത എന്ന് കുടുംബം. അത്തോളി സ്വദേശിനി ആയിഷ റാസ ആണ് മരിച്ചത്.

ആയിഷ ആത്മഹത്യ ചെയ്യില്ലെന്നും ആൺ സുഹൃത്ത്‌ കൊന്നതാണെന്നാണ് സംശയം എന്നും ബന്ധു പറഞ്ഞു. ആൺ സുഹൃത്ത് ആയിഷയെ ക്രൂരമായി ആക്രമിച്ചിരുന്നുവെന്നും ബന്ധു അനസ് മുഹമ്മദ് പറഞ്ഞു. യുവതിയുടെ മരണത്തിൽ ആൺ സുഹൃത്തിനെ നടക്കാവ് പൊലീസ് കസ്റ്റഡിയിലെടുത്തിട്ടുണ്ട്. ജിം ട്രെയിനറായ ആൺ സുഹൃത്തിനെ നടക്കാവ് പൊലീസ് ചോദ്യം ചെയ്യുകയാണ്.

ഇന്നലെ രാത്രിയാണ് സംഭവം നടന്നത്. എന്താണ് മരണകാരണമെന്ന് വ്യക്തമല്ല. മൃതദേഹം പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും. മംഗലാപുരത്ത് പഠിക്കുകയായിരുന്ന ആയിഷ റഷ മൂന്ന് ദിവസം മുമ്പാണ് കോഴിക്കോട്ടെ ആൺ സുഹൃത്തിൻ്റെ വീട്ടിലെത്തിയത്.

### Related Links & Sources
- [Original Story Source](https://truevisionnews.com/news/312348/aisha-will-not-commit-suicide-incident-in-kozhikode-where-a-young-woman-was-found-dead-in-her-boyfriend-rented-house-family-calls-it-a-mystery)