---
title: "'ചെഗുവേര ചിത്രവും, വെള്ളക്കൊടിയും'; പാലക്കാട് മുണ്ടൂരിൽ ഗണേശോത്സവം നടത്തി സിപിഎം  "
english_title: "CPM members celebrated Ganesh festival in Mundoor, Meenangad, Palakkad."
publisher: "truevisionnews.com"
canonical_url: "https://truevisionnews.com/news/312189/cpm-members-celebrated-ganesh-festival-in-mundoor-meenangad-palakkad"
published_at: "2025-08-31T14:28:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68b40ee73266f_cmp.jpg"
keywords: []
---

# 'ചെഗുവേര ചിത്രവും, വെള്ളക്കൊടിയും'; പാലക്കാട് മുണ്ടൂരിൽ ഗണേശോത്സവം നടത്തി സിപിഎം  

> **Lead Summary:** പാലക്കാട് മുണ്ടൂർ മീനങ്ങാട് സിപിഎമ്മുകാർ ഗണേശോത്സവം നടത്തി. ചെഗുവേര ചിത്രവും, വെള്ളക്കൊടിയുമൊയാണ് ഗണപതി വിഗ്രഹ നിമഞ്ജന ഘോഷയാത്ര സംഘടിപ്പിച്ചത്. മുണ്ടൂരിലെ മീനങ്ങാട് നിന്നും ആരംഭിച്ച യാത്രക്കൊടുവിൽ പറളി പുഴയിൽ വിഗ്രഹം നിമഞ്ജനം ചെയ്തു. കഴിഞ്ഞ ഇരുപത്തിയെട്ടാം തീയതിയാണ് പരിപാടി സംഘടിപ്പിച്ചത്.

## Article Content

പാലക്കാട് മുണ്ടൂർ മീനങ്ങാട് സിപിഎമ്മുകാർ ഗണേശോത്സവം നടത്തി. ചെഗുവേര ചിത്രവും, വെള്ളക്കൊടിയുമൊയാണ് ഗണപതി വിഗ്രഹ നിമഞ്ജന ഘോഷയാത്ര സംഘടിപ്പിച്ചത്. മുണ്ടൂരിലെ മീനങ്ങാട് നിന്നും ആരംഭിച്ച യാത്രക്കൊടുവിൽ പറളി പുഴയിൽ വിഗ്രഹം നിമഞ്ജനം ചെയ്തു. കഴിഞ്ഞ ഇരുപത്തിയെട്ടാം തീയതിയാണ് പരിപാടി സംഘടിപ്പിച്ചത്.

അതേസമയം താമരശ്ശേരി ചുരത്തില്‍ നിയന്ത്രണം വിട്ട് സംരക്ഷണ ഭിത്തി തകര്‍ത്ത കണ്ടൈനര്‍ ലോറി കൊക്കയില്‍ വീഴാതെ രക്ഷപ്പെട്ടത് തലനാരിഴയ്ക്ക്. ഞായറാഴ്ച ഉച്ചയോടെയാണ് സംഭവം. ചുരമിറങ്ങുന്നതിനിടെയാണ് കണ്ടെയ്നർ ഒന്‍പതാം വളവിന് സമീപം അപകടത്തില്‍പ്പെട്ടത്. സംരക്ഷണ ഭിത്തി തകര്‍ത്ത വാഹനത്തിന്റെ മുന്‍ഭാഗത്തെ ചക്രങ്ങള്‍ രണ്ടും വലിയ താഴ്ചയുള്ള കൊക്കയുടെ ഭാഗത്ത് പുറത്താണ് ഉള്ളത്. കണ്ടെയ്‌നറില്‍ ഡ്രൈവര്‍ മാത്രമാണ് ഉണ്ടായിരുന്നത്. അപകടത്തെ തുടര്‍ന്ന് ഇതുവഴിയുള്ള ഗതാഗതം തടസ്സപ്പെട്ടു.

താമരശ്ശേരി ചുരത്തില്‍ മള്‍ട്ടിആക്‌സില്‍ വാഹനങ്ങള്‍ക്കും പ്രവേശനാനുമതി നൽകിയതായി അധികൃതർ അറിയിച്ചു. എന്നാൽ ചുരത്തിൽ ഒറ്റവരിയായുള്ള ഗതാഗത നിയന്ത്രണം തുടരുമെന്നും പൊലീസ് അറിയിച്ചു. പൊലീസിന്റെ നിയന്ത്രണത്തോടെ ഇരു ഭാഗത്തുനിന്നും വരുന്ന വാഹനങ്ങള്‍ കൃത്യമായ സമയം ഇടവിട്ടാണ് കടത്തിവിടുക.

മഴ ശക്തമാകുന്ന സാഹചര്യങ്ങളുണ്ടായാൽ നിയന്ത്രണങ്ങൾ പുന:സ്ഥാപിക്കും. ചുരം വ്യൂപോയിന്റില്‍ വിനോദസഞ്ചാരികള്‍ക്ക് ഏർപ്പെടുത്തിയ വിലക്ക് തുടരും. ഇവിടെ വാഹനം നിര്‍ത്തുകയോ ആളുകൾ പുറത്തേക്കിറങ്ങുകയോ ചെയ്യരുതെന്നും ജില്ലാ കലക്ടർ അറിയിച്ചു.

### Related Links & Sources
- [Original Story Source](https://truevisionnews.com/news/312189/cpm-members-celebrated-ganesh-festival-in-mundoor-meenangad-palakkad)