---
title: "കൂത്താട്ടുകുളം നഗരസഭയില്‍ ഇടതിന് തിരിച്ചടി; സിപിഎം വിമത കലാ രാജു അധ്യക്ഷ, പ്രതിഷേധവുമായി സിപിഎം"
english_title: "Setback for Koothattukulam Municipality CPM rebel Kala Raju becomes president"
publisher: "truevisionnews.com"
canonical_url: "https://truevisionnews.com/news/311744/setback-for-koothattukulam-municipality-cpm-rebel-kala-raju-becomes-president"
published_at: "2025-08-29T12:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68b152a4015c6_ghfghyt.jpg"
keywords: []
---

# കൂത്താട്ടുകുളം നഗരസഭയില്‍ ഇടതിന് തിരിച്ചടി; സിപിഎം വിമത കലാ രാജു അധ്യക്ഷ, പ്രതിഷേധവുമായി സിപിഎം

> **Lead Summary:** **കൊച്ചി: ( **[www.truevisionnews.com]** ) **കൂത്താട്ടുകുളം നഗരസഭ അധ്യക്ഷയായി സിപിഎം വിമത കൗൺസിലർ കലാ രാജു തെരഞ്ഞെടുക്കപ്പെട്ടു. യുഡിഎഫ് സ്ഥാനാർത്ഥിയായി ആണ് കലാ രാജു മത്സരിച്ചത്. 12 വോട്ടുകൾക്ക് എതിരെ 13 വോട്ടുകൾ നേടിയാണ് യുഡിഎഫിന് വേണ്ടി കലാ രാജു ഭരണം പിടിച്ചത്. നഗരസഭ മുൻ അധ്യക്ഷ വിജയ ശിവൻ ആയിരുന്നു എൽഡിഎഫിന് വേണ്ടി അധ്യക്ഷ സ്ഥാനത്തേക്ക് മത്സരിച്ചത്.

## Article Content

**കൊച്ചി: ( **[www.truevisionnews.com]** ) **കൂത്താട്ടുകുളം നഗരസഭ അധ്യക്ഷയായി സിപിഎം വിമത കൗൺസിലർ കലാ രാജു തെരഞ്ഞെടുക്കപ്പെട്ടു. യുഡിഎഫ് സ്ഥാനാർത്ഥിയായി ആണ് കലാ രാജു മത്സരിച്ചത്. 12 വോട്ടുകൾക്ക് എതിരെ 13 വോട്ടുകൾ നേടിയാണ് യുഡിഎഫിന് വേണ്ടി കലാ രാജു ഭരണം പിടിച്ചത്. നഗരസഭ മുൻ അധ്യക്ഷ വിജയ ശിവൻ ആയിരുന്നു എൽഡിഎഫിന് വേണ്ടി അധ്യക്ഷ സ്ഥാനത്തേക്ക് മത്സരിച്ചത്.

മനസാക്ഷിക്കനുസരിച്ച് പ്രവര്‍ത്തിക്കുമെന്ന് തെരഞ്ഞെടുപ്പിന് പിന്നാലെ കലാരാജു പ്രതികരിച്ചു. മാസങ്ങൾക്ക് മുമ്പാണ് പാര്‍ട്ടി അംഗവും സിപിഎം കൗണ്‍സിലറുമായിരുന്ന കലാരാജു ആഭ്യന്തര പ്രശ്നത്തെ തുടര്‍ന്ന് പാര്‍ട്ടിയുമായി തെറ്റുകയും കൂറുമാറുകയുമായിരുന്നു. പിന്നീട് നടന്നത് നാടകീയ സംഭവങ്ങളാണ്.

കലാ രാജുവിനെ തട്ടിക്കൊണ്ടുപോയി എന്ന വിഷയം ഉയര്‍ന്നു വന്നതിന് ശേഷം വലിയ വിവാദങ്ങളാണ് ഉണ്ടായത്. തുടര്‍ന്ന് ഈ മാസം അഞ്ചാം തീയതി നടന്ന അവിശ്വാസ പ്രമേയത്തില്‍ യുഡിഎഫിന് അനുകൂലമായി കലാരാജു വോട്ടു ചെയ്യുകയായിരുന്നു. തുടര്‍ന്ന് എല്‍ഡിഎഫിന് ഭരണ നഷ്ടം ഉണ്ടായി. നിലവില്‍ യുഡിഎഫിന്‍റെ ഭാഗമായി മത്സരിച്ച് വിജയിച്ചിരിക്കുകയാണ് കലാ രാജു.

### Related Links & Sources
- [Original Story Source](https://truevisionnews.com/news/311744/setback-for-koothattukulam-municipality-cpm-rebel-kala-raju-becomes-president)