---
title: " 'പരാതിക്ക് പിന്നില്‍ സ്വത്ത് തര്‍ക്കം, ഏത് അന്വേഷണം നേരിടാനും തയ്യാറാണ്' - പീഡന പരാതിയിൽ പ്രതികരിച്ച് സി. കൃഷ്ണകുമാർ"
english_title: "Property dispute behind the complaint, ready to face any investigation - CKrishnakumar responds to the complaint"
publisher: "truevisionnews.com"
canonical_url: "https://truevisionnews.com/news/311236/property-dispute-behind-the-complaint-ready-to-face-any-investigation-ckrishnakumar-responds-to-the-complaint"
published_at: "2025-08-27T11:31:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68ae9f7eea0d7_krishnakumar.jpg"
keywords: []
---

#  'പരാതിക്ക് പിന്നില്‍ സ്വത്ത് തര്‍ക്കം, ഏത് അന്വേഷണം നേരിടാനും തയ്യാറാണ്' - പീഡന പരാതിയിൽ പ്രതികരിച്ച് സി. കൃഷ്ണകുമാർ

> **Lead Summary:** പീഡന പരാതിയിൽ പ്രതികരിച്ച് ബിജെപി വൈസ് പ്രസിഡന്റ് സി. കൃഷ്ണകുമാർ. പരാതിക്ക് പിന്നില്‍ സ്വത്ത് തര്‍ക്കമാണെന്നും ഏത് അന്വേഷണം നേരിടാനും തയ്യാറാണെന്നും സി കൃഷ്ണകുമാര്‍ പറഞ്ഞു. പാലക്കാട് സ്വദേശി നല്‍കിയ പീഡന പരാതിയാണ് ബിജെപി സംസ്ഥാന വൈസ് പ്രസിഡന്‍റ് സി കൃഷ്ണകുമാര്‍ തള്ളിയത്.

## Article Content

പീഡന പരാതിയിൽ പ്രതികരിച്ച് ബിജെപി വൈസ് പ്രസിഡന്റ് സി. കൃഷ്ണകുമാർ. പരാതിക്ക് പിന്നില്‍ സ്വത്ത് തര്‍ക്കമാണെന്നും ഏത് അന്വേഷണം നേരിടാനും തയ്യാറാണെന്നും സി കൃഷ്ണകുമാര്‍ പറഞ്ഞു. പാലക്കാട് സ്വദേശി നല്‍കിയ പീഡന പരാതിയാണ് ബിജെപി സംസ്ഥാന വൈസ് പ്രസിഡന്‍റ് സി കൃഷ്ണകുമാര്‍ തള്ളിയത്.

2014ൽ പൊലീസിൽ യുവതി പീഡന പരാതി നൽകിയിരുന്നു. പരാതിയില്‍ കഴമ്പില്ലെന്ന് പൊലീസ് കണ്ടെത്തിയിരുന്നുവെന്നും സി കൃഷ്ണകുമാര്‍ കൂട്ടിച്ചേര്‍ക്കുന്നു. സ്വത്ത് തർക്ക കേസിന് ബലം കിട്ടാനാണ് ലൈംഗിക പീഡന പരാതി ഉന്നയിച്ചതെന്ന് സി കൃഷ്ണകുമാര്‍ പറയുന്നു. രണ്ട് കേസുകളാണ് തനിക്കെതിരെ പരാതിക്കാരി ഉയര്‍ത്തിയത്.

സ്വത്ത് തർക്കത്തിലും ലൈംഗിക പീഡന പരാതിയിലും നേരത്തെ പൊലീസില്‍ പരാതി നല്‍കിയിരുന്നു. 2023 ൽ സ്വത്ത് തർക്ക കേസിൽ അനുകൂല ഉത്തരവ് വന്നു. പരാതിയില്‍ കഴമ്പില്ലെന്ന് പൊലീസ് കണ്ടെത്തിയിരുന്നുവെന്നും സി കൃഷ്ണകുമാര്‍ വാര്‍ത്താസമ്മേളനത്തില്‍ പറഞ്ഞു. ഏത് തരം അന്വേഷണത്തിനും തയ്യാറാണെന്നും പാർട്ടി സംസ്ഥാന അധ്യക്ഷൻ വിശദീകരണം ചോദിച്ചാൽ നൽകുമെന്നും അദ്ദേഹം കൂട്ടിച്ചേര്‍ത്തു. പ്രതിപക്ഷ നേതാവിന് സന്ദീപ് വാര്യരെ കുറിച്ച് അറിയില്ലെന്ന് തോന്നുന്നുവെന്നും സി കൃഷ്ണകുമാര്‍ പരിഹസിച്ചു.

### Related Links & Sources
- [Original Story Source](https://truevisionnews.com/news/311236/property-dispute-behind-the-complaint-ready-to-face-any-investigation-ckrishnakumar-responds-to-the-complaint)