പത്തനംതിട്ട: (truevisionnews.com) കല്ലറക്കടവില് അച്ചന്കോവിലാറ്റില് രണ്ട് വിദ്യാര്ഥികളെ ഒഴുക്കില്പ്പെട്ട് കാണാതായി. അജ്സല് അജി, നബീല് നിസാം എന്നീ വിദ്യാര്ഥികളെയാണ് കാണാതായത്. മാര്ത്തോമ ഹയര്സെക്കൻഡറി സ്കൂളിലെ ഒമ്പതാം ക്ലാസ് വിദ്യാര്ഥികളാണ് ഇരുവരും. ഉച്ചയ്ക്ക് 12:50 ഓടെയാണ് കുട്ടികള് ഒഴുക്കില്പ്പെട്ടത്.
ഓണപ്പരീക്ഷയുടെ അവസാനദിനത്തില് സ്കൂള് കഴിഞ്ഞെത്തിയ വിദ്യാര്ഥികളാണ് ആറ്റിലിറങ്ങിയത്. എട്ട് പേര് സംഘത്തിലുണ്ടായിരുന്നു. ആദ്യം ഒരു വിദ്യാര്ഥി ഒഴുക്കില്പ്പെടുകയും കൂട്ടുകാരനെ രക്ഷിക്കാനുള്ള ശ്രമത്തിനിടെ രണ്ടാമത്തെ കുട്ടിയും അപകടത്തില്പ്പെടുകയായിരുന്നുവെന്നാണ് വിവരം.നല്ല അടി ഒഴുക്കുള്ള പ്രദേശത്താണ് കുട്ടികളെ കാണായായിരിക്കുന്നത്. തിരച്ചില് പുരോഗമിക്കുകയാണ്.
Content Highlight: Two students went missing after being swept away by a current in Achankovilat, Kallarakkadava.
