---
title: "വെള്ളച്ചാട്ടത്തിന് നടുവിൽ വീഡിയോ ചിത്രീകരിക്കുന്നതിനിടെ അപകടം, യൂട്യൂബറെ ഒഴുക്കിൽപ്പെട്ട് കാണാതായി, തെരച്ചിൽ തുടരുന്നു "
english_title: "Accident while shooting a video in the middle of a waterfall in Odisha YouTuber goes missing after being swept away search underway"
publisher: "truevisionnews.com"
canonical_url: "https://truevisionnews.com/news/310850/accident-while-shooting-a-video-in-the-middle-of-a-waterfall-in-odisha-youtuber-goes-missing-after-being-swept-away-search-underway"
published_at: "2025-08-25T17:42:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/68ac5391dfea5_missing.jpg"
keywords: []
---

# വെള്ളച്ചാട്ടത്തിന് നടുവിൽ വീഡിയോ ചിത്രീകരിക്കുന്നതിനിടെ അപകടം, യൂട്യൂബറെ ഒഴുക്കിൽപ്പെട്ട് കാണാതായി, തെരച്ചിൽ തുടരുന്നു 

> **Lead Summary:** ഒഡീഷയിലെ കോരാപുട്ട് ജില്ലയിലെ ദുഡുമ വെള്ളച്ചാട്ടത്തിൽ വീഡിയോ ചിത്രീകരിക്കുന്നതിനിടെ അപകടം. യൂട്യൂബറെ ഒഴുക്കിൽപ്പെട്ട് കാണാതായി. ബെർഹാംപൂരിൽ നിന്നുള്ള സാഗർ കുണ്ടു എന്നയാളാണ് ഒഴുക്കിൽപ്പെട്ടത്. ശനിയാഴ്ചയാണ് സംഭവം.

## Article Content

ഒഡീഷയിലെ കോരാപുട്ട് ജില്ലയിലെ ദുഡുമ വെള്ളച്ചാട്ടത്തിൽ വീഡിയോ ചിത്രീകരിക്കുന്നതിനിടെ അപകടം. യൂട്യൂബറെ ഒഴുക്കിൽപ്പെട്ട് കാണാതായി. ബെർഹാംപൂരിൽ നിന്നുള്ള സാഗർ കുണ്ടു എന്നയാളാണ് ഒഴുക്കിൽപ്പെട്ടത്. ശനിയാഴ്ചയാണ് സംഭവം.

അപകടത്തിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്. വെള്ളച്ചാട്ടത്തിന് നടുവിൽ വീഡിയോ ചിത്രീകരിക്കുന്നതിനിടെ പെട്ടെന്ന് ഇയാൾ ഒഴുക്കിൽപ്പെടുകയായിരുന്നു. ഒപ്പമുണ്ടായിരുന്നവരുടെ മുന്നറിയിപ്പുകൾ അവഗണിച്ച് വീഡിയോ പകര്‍ത്തുന്നതിനിടെയാണ് അപകടമുണ്ടായത്.

ക്യാമറമാനായ സുഹൃത്ത് അഭിജിത് ബെഹ്‌റയും സാഗറിൻ്റെ കൂടെ ഉണ്ടായിരുന്നു. കനത്ത മഴയെത്തുടര്‍ന്ന് കോരാപുട്ടിലെ ലാംതട്ട് പ്രദേശത്ത് അണക്കെട്ടിന്റെ താഴെയുള്ള ആളുകള്‍ക്ക് അധികാരികള്‍ മുന്നറിയിപ്പ് നല്‍കിയിരുന്നു. ഇതിനിടെയിലാണ് സാഗര്‍ ഒറ്റപ്പെട്ടത്. അധികനേരം ബാലന്‍സ് ചെയ്യാനാകാതെ അദ്ദേഹം ഒഴുക്കില്‍പ്പെടുകയായിരുന്നു.

വിവരമറിഞ്ഞ് സ്ഥലത്തെത്തിയ അഗ്നിശമന സേനാംഗങ്ങളും ഒഡിആർഎഫ് ടീമുകളും സാഗറിനായി തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ഇയാൾക്ക് വേണ്ടിയുള്ള തെരച്ചിൽ ഇപ്പോഴും തുടരുകയാണ്.

### Related Links & Sources
- [Original Story Source](https://truevisionnews.com/news/310850/accident-while-shooting-a-video-in-the-middle-of-a-waterfall-in-odisha-youtuber-goes-missing-after-being-swept-away-search-underway)