---
title: "ചിറ്റയം ഗോപകുമാര്‍ സിപിഐ പത്തനംതിട്ട ജില്ലാ സെക്രട്ടറി "
english_title: "Chittayam Gopakumar, CPI Pathanamthitta District SecretaryThe goal is consensus in the highly divisive district."
publisher: "truevisionnews.com"
canonical_url: "https://truevisionnews.com/news/309031/chittayam-gopakumar-cpi-pathanamthitta-district-secretarythe-goal-is-consensus-in-the-highly-divisive-district"
published_at: "2025-08-16T19:21:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/68a08d4a284be_ddguy.jpg"
keywords: []
---

# ചിറ്റയം ഗോപകുമാര്‍ സിപിഐ പത്തനംതിട്ട ജില്ലാ സെക്രട്ടറി 

> **Lead Summary:** **പത്തനംതിട്ട: **ചിറ്റയം ഗോപകുമാറിനെ സിപിഐ പത്തനംതിട്ട ജില്ലാ സെക്രട്ടറിയായി തെരഞ്ഞെടുത്തു. വിഭാഗീയത രൂക്ഷമായ ജില്ലയിൽ സമവായം എന്ന നിലയ്ക്കാണ് ചിറ്റയത്തെ നേതൃത്വം തീരുമാനിച്ചത്. എ പി ജയൻ ജില്ലാ കമ്മിറ്റിയിൽ തിരിച്ചെത്തിയിട്ടുമുണ്ട്. മുൻപ് നടപടി നേരിട്ട് ജില്ലാ സെക്രട്ടറി സ്ഥാനത്തുനിന്ന് ഒഴിവാക്കപ്പെട്ട ജയന്‍റെ തിരിച്ചുവരവാണ് ഇത്.

## Article Content

**പത്തനംതിട്ട: **ചിറ്റയം ഗോപകുമാറിനെ സിപിഐ പത്തനംതിട്ട ജില്ലാ സെക്രട്ടറിയായി തെരഞ്ഞെടുത്തു. വിഭാഗീയത രൂക്ഷമായ ജില്ലയിൽ സമവായം എന്ന നിലയ്ക്കാണ് ചിറ്റയത്തെ നേതൃത്വം തീരുമാനിച്ചത്. എ പി ജയൻ ജില്ലാ കമ്മിറ്റിയിൽ തിരിച്ചെത്തിയിട്ടുമുണ്ട്. മുൻപ് നടപടി നേരിട്ട് ജില്ലാ സെക്രട്ടറി സ്ഥാനത്തുനിന്ന് ഒഴിവാക്കപ്പെട്ട ജയന്‍റെ തിരിച്ചുവരവാണ് ഇത്.

**പ്രധാന വിവരങ്ങൾ**

ജനനം: 1965 മേയ് 30-ന് കൊല്ലം ജില്ലയിലെ കൊട്ടാരക്കരയിൽ ടി. ഗോപാലകൃഷ്ണന്റെയും ടി.കെ. ദേവയാനിയുടെയും മകനായി ജനിച്ചു.

രാഷ്ട്രീയ ജീവിതം: വിദ്യാർത്ഥി പ്രസ്ഥാനമായ ഓൾ ഇന്ത്യ സ്റ്റുഡന്റ്സ് ഫെഡറേഷൻ (AISF) വഴിയാണ് ഇദ്ദേഹം രാഷ്ട്രീയ രംഗത്തേക്ക് വരുന്നത്. പിന്നീട് ഓൾ ഇന്ത്യ ട്രേഡ് യൂണിയൻ കോൺഗ്രസ് (AITUC) കൊല്ലം ജില്ലാ സെക്രട്ടറിയായും പ്രവർത്തിച്ചിട്ടുണ്ട്.

**തിരഞ്ഞെടുപ്പ് ചരിത്രം:**

1995-ൽ കൊട്ടാരക്കര ഗ്രാമപഞ്ചായത്ത് പ്രസിഡന്റായി.

2011, 2016, 2021 വർഷങ്ങളിൽ അടൂർ മണ്ഡലത്തിൽ നിന്ന് കേരള നിയമസഭയിലേക്ക് തിരഞ്ഞെടുക്കപ്പെട്ടു.

2019-ലെ ലോക്സഭാ തിരഞ്ഞെടുപ്പിൽ മാവേലിക്കര മണ്ഡലത്തിൽ നിന്ന് മത്സരിച്ചെങ്കിലും പരാജയപ്പെട്ടു.

**സ്ഥാനങ്ങൾ:**

കേരള നിയമസഭയുടെ ഡെപ്യൂട്ടി സ്പീക്കർ (2021 മുതൽ).

സി.പി.ഐ സംസ്ഥാന കൗൺസിൽ അംഗം.

സി.പി.ഐ പത്തനംതിട്ട ജില്ലാ സെക്രട്ടറി (2025 മുതൽ).

കുടുംബം: ഭാര്യ സി. ഷെർളി ബായി, മക്കൾ അമൃത, അനുജ.

### Related Links & Sources
- [Original Story Source](https://truevisionnews.com/news/309031/chittayam-gopakumar-cpi-pathanamthitta-district-secretarythe-goal-is-consensus-in-the-highly-divisive-district)