---
title: "നാടിനെ ഞെട്ടിച്ച് മിന്നൽ ചുഴലി; തൃശ്ശൂരിൽ തെങ്ങുകളും പോസ്റ്റും കറങ്ങിവീണു, ഓട്ടോറിക്ഷ ഡ്രൈവർ രക്ഷപെട്ടത് തലനാരിഴയ്ക്ക്"
english_title: "Lightning storm shocks the country Coconut trees and posts fall in Thrissur autorickshaw driver barely escapes"
publisher: "truevisionnews.com"
canonical_url: "https://truevisionnews.com/news/308453/lightning-storm-shocks-the-country-coconut-trees-and-posts-fall-in-thrissur-autorickshaw-driver-barely-escapes"
published_at: "2025-08-14T12:17:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/689d86dddedf6_yuyuyu.jpg"
keywords: []
---

# നാടിനെ ഞെട്ടിച്ച് മിന്നൽ ചുഴലി; തൃശ്ശൂരിൽ തെങ്ങുകളും പോസ്റ്റും കറങ്ങിവീണു, ഓട്ടോറിക്ഷ ഡ്രൈവർ രക്ഷപെട്ടത് തലനാരിഴയ്ക്ക്

> **Lead Summary:** **കുന്നംകുളം: ( **[www.truevisionnews.com]** ) **പന്തല്ലൂരിൽ മിന്നൽ ചുഴലിയിൽ വൻനാശനഷ്ടം. ഇന്ന് രാവിലെ പത്ത് മണിയോടെയാണ് ചെറിയ മഴയോട് കൂടി ശക്തമായ കാറ്റ് പന്തല്ലൂരിൽ ആഞ്ഞുവീശിയത്. മെയിൻ റോഡിൽ നിന്നും പന്തല്ലൂർ ക്ഷേത്രത്തിലേക്ക് പോകുന്ന വഴിയിൽ ഓടിക്കൊണ്ടിരിക്കുകയായിരുന്ന ഓട്ടോറിക്ഷയ്ക്ക് മുകളിലേക്ക് ഇലക്ട്രിക് പോസ്റ്റ് വീണു.

## Article Content

**കുന്നംകുളം: ( **[www.truevisionnews.com]** ) **പന്തല്ലൂരിൽ മിന്നൽ ചുഴലിയിൽ വൻനാശനഷ്ടം. ഇന്ന് രാവിലെ പത്ത് മണിയോടെയാണ് ചെറിയ മഴയോട് കൂടി ശക്തമായ കാറ്റ് പന്തല്ലൂരിൽ ആഞ്ഞുവീശിയത്. മെയിൻ റോഡിൽ നിന്നും പന്തല്ലൂർ ക്ഷേത്രത്തിലേക്ക് പോകുന്ന വഴിയിൽ ഓടിക്കൊണ്ടിരിക്കുകയായിരുന്ന ഓട്ടോറിക്ഷയ്ക്ക് മുകളിലേക്ക് ഇലക്ട്രിക് പോസ്റ്റ് വീണു.

പന്തല്ലൂർ സ്വദേശി സൈമന്റെ ഓട്ടോറിക്ഷയ്ക്ക് മുകളിലേക്കാണ് ഇലക്ട്രിക് പോസ്റ്റ് വീണത്. ഡ്രൈവർ പരിക്കേൽക്കാതെ രക്ഷപ്പെട്ടു. വിവിധ പറമ്പുകളിലെ നിരവധി മരങ്ങൾ കടപുഴകി വീണു. പെട്ടെന്നുണ്ടായ ശക്തമായ കാറ്റ് അഞ്ചു മിനിറ്റിലധികം നീണ്ടുനിന്നു. ഇതിനിടയിലാണ് നാശനഷ്ടങ്ങൾ ഉണ്ടായത്.

സംഭവത്തിൽ ആർക്കും പരിക്കില്ല. മേഖലയിൽ വൈദ്യുത ബന്ധം പൂർണമായും താറുമാറായി. ചൊവ്വന്നൂർ പന്തല്ലൂർ റോഡിൽ ഗതാഗതം പൂർണമായും തടസ്സപ്പെട്ടു. വൈദ്യുതി വകുപ്പ് അധികൃതർ സ്ഥലത്തെത്തിയ വൈദ്യുത ബന്ധം പുനസ്ഥാപിക്കുന്നതിനുള്ള നടപടികൾ ആരംഭിച്ചു.

### Related Links & Sources
- [Original Story Source](https://truevisionnews.com/news/308453/lightning-storm-shocks-the-country-coconut-trees-and-posts-fall-in-thrissur-autorickshaw-driver-barely-escapes)