---
title: "എത്രകാലം ഒളിവിൽ കഴിയും? വീടിനു സമീപത്തെ പറമ്പിൽ കളിക്കുകയായിരുന്ന പെൺകുട്ടികളെ ഉപദ്രവിച്ച ഓട്ടോഡ്രൈവർ അറസ്റ്റിൽ"
english_title: "Auto driver arrested for harassing girls playing in a field near his house"
publisher: "truevisionnews.com"
canonical_url: "https://truevisionnews.com/news/308344/auto-driver-arrested-for-harassing-girls-playing-in-a-field-near-his-house"
published_at: "2025-08-13T20:09:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/689ca47310a38_ARRST.jpg"
keywords: []
---

# എത്രകാലം ഒളിവിൽ കഴിയും? വീടിനു സമീപത്തെ പറമ്പിൽ കളിക്കുകയായിരുന്ന പെൺകുട്ടികളെ ഉപദ്രവിച്ച ഓട്ടോഡ്രൈവർ അറസ്റ്റിൽ

> **Lead Summary:** വീടിനു സമീപത്തെ പറമ്പിൽ കളിച്ചുകൊണ്ടിരിക്കുകയായിരുന്ന പെൺകുട്ടികളെ ഉപദ്രവിച്ച കേസിൽ ഒളിവിലായിരുന്ന ഓട്ടോഡ്രൈവർ അറസ്റ്റിൽ .

## Article Content

വീടിനു സമീപത്തെ പറമ്പിൽ കളിച്ചുകൊണ്ടിരിക്കുകയായിരുന്ന പെൺകുട്ടികളെ ഉപദ്രവിച്ച കേസിൽ ഒളിവിലായിരുന്ന ഓട്ടോഡ്രൈവർ അറസ്റ്റിൽ .

വളളക്കടവ് സ്വദേശിയും നിലവിൽ പൂവാർ മേഖലയിൽ താമസിക്കുന്നതുമായ സാജിദിനെ(26) ആണ് വിഴിഞ്ഞം പോലീസ് അറസ്റ്റുചെയ്തത്. തിങ്കളാഴ്ച വൈകിട്ടായിരുന്നു സംഭവം. ആമ്പൽക്കുളം ഭാഗത്തുളള പറമ്പിൽ കളിച്ചുകൊണ്ടിരുന്ന കുട്ടികളെയായിരുന്നു ഇയാൾ ഉപദ്രവിച്ചത്.

കുട്ടികൾ രക്ഷിതാക്കളെ അറിയിച്ചതിനെ തുടർന്ന് വിഴിഞ്ഞം പോലീസിൽ പരാതി നൽകി.തുടർന്ന് ഇയാളെ എസ്.എച്ച്.ഒ. ആർ.പ്രകാശ്, എസ്.ഐ. എം.പ്രശാന്ത്, സീനിയർ സി.പി.ഒ.മാരായ വിനയകുമാർ, രെജിൻ, കണ്ണൻ എന്നിവരുടെ നേത്യത്വത്തിലുളള സംഘമാണ് അറസ്റ്റുചെയ്തത്. പ്രതിക്കെതിരെ പോക്‌സോ കേസെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

### Related Links & Sources
- [Original Story Source](https://truevisionnews.com/news/308344/auto-driver-arrested-for-harassing-girls-playing-in-a-field-near-his-house)