---
title: "കണ്ണൂരിൽ രണ്ടു മക്കളെയുമെടുത്ത് കിണറ്റിൽ ചാടി; ആറ് വയസ്സുകാരൻ മരിച്ച സംഭവം, അമ്മ അറസ്റ്റിൽ, ഭർതൃമാതാവും പിടിയിൽ"
english_title: "mother arrested after child dies in pariyaram well tragedy"
publisher: "truevisionnews.com"
canonical_url: "https://truevisionnews.com/news/307982/mother-arrested-after-child-dies-in-pariyaram-well-tragedy"
published_at: "2025-08-12T10:27:00+05:30"
category: "Crime"
language: "ml"
image: "https://truevisionnews.com/image-uploads/689aca00e4e14_jkjk.jpg"
keywords: []
---

# കണ്ണൂരിൽ രണ്ടു മക്കളെയുമെടുത്ത് കിണറ്റിൽ ചാടി; ആറ് വയസ്സുകാരൻ മരിച്ച സംഭവം, അമ്മ അറസ്റ്റിൽ, ഭർതൃമാതാവും പിടിയിൽ

> **Lead Summary:** **പരിയാരം (കണ്ണൂർ): ( **[www.truevisionnews.com]** )** യുവതി രണ്ടു മക്കളെയുമെടുത്തു കിണറ്റിൽ ചാടിയതിനെത്തുടർന്ന് 6 വയസ്സുകാരൻ മരിച്ച സംഭവത്തിൽ യുവതിയെയും ഭർതൃവീട്ടിലെ പീഡനമെന്ന പരാതിയിൽ ഭർതൃമാതാവിനെയും പൊലീസ് അറസ്റ്റ് ചെയ്തു. ചെറുതാഴം ശ്രീസ്ഥയിലെ അടുത്തലക്കാരൻ ധനേഷിന്റെ ഭാര്യ പി.പി.ധനജയെയും ധനേഷിന്റെ അമ്മ ചെറുതാഴം ശ്രീസ്ഥയിലെ ശ്യാമളയെയുമാണ് പരിയാരം പൊലീസ് അറസ്റ്റ് ചെയ്തത്.

## Article Content

**പരിയാരം (കണ്ണൂർ): ( **[www.truevisionnews.com]** )** യുവതി രണ്ടു മക്കളെയുമെടുത്തു കിണറ്റിൽ ചാടിയതിനെത്തുടർന്ന് 6 വയസ്സുകാരൻ മരിച്ച സംഭവത്തിൽ യുവതിയെയും ഭർതൃവീട്ടിലെ പീഡനമെന്ന പരാതിയിൽ ഭർതൃമാതാവിനെയും പൊലീസ് അറസ്റ്റ് ചെയ്തു. ചെറുതാഴം ശ്രീസ്ഥയിലെ അടുത്തലക്കാരൻ ധനേഷിന്റെ ഭാര്യ പി.പി.ധനജയെയും ധനേഷിന്റെ അമ്മ ചെറുതാഴം ശ്രീസ്ഥയിലെ ശ്യാമളയെയുമാണ് പരിയാരം പൊലീസ് അറസ്റ്റ് ചെയ്തത്.

ആറു വയസ്സുള്ള മകൻ ധ്യാൻകൃഷ്ണന്റെ മരണത്തിലാണ് അമ്മ ധനജക്കെതിരെ കൊലക്കുറ്റത്തിന് കേസെടുത്തത്. ഭർത്താവിന്റെ അമ്മ ശ്യാമള ജീവിക്കാൻ അനുവദിക്കാത്തതിനാലാണ് 2 കുട്ടികളുമായി കിണറ്റിൽ ചാടിയതെന്ന ധനജയുടെ മൊഴിയിലാണ് ശ്യാമളയ്ക്കെതിരെ പൊലീസ് കേസെടുത്തത്.

അപകടത്തിൽ ഗുരുതരമായി പരുക്കേറ്റ് ആശുപത്രിയിൽ ചികിത്സയിലായിരുന്ന ധ്യാൻ കൃഷ്ണ രണ്ടു ദിവസം മുൻപാണ് മരിച്ചത്. മറ്റൊരു കുട്ടിയായ ദിയയുടെ ആരോഗ്യനില തൃപ്തികരമാണ്. അറസ്റ്റിലായ ധനജയെ റിമാൻഡ് ചെയ്ത് കണ്ണൂർ വനിതാ ജയിലിലേക്കു മാറ്റി. സംഭവത്തെക്കുറിച്ച് പൊലീസ് അന്വേഷണം നടക്കുകയാണ്.

### Related Links & Sources
- [Original Story Source](https://truevisionnews.com/news/307982/mother-arrested-after-child-dies-in-pariyaram-well-tragedy)