---
title: "അമ്പടി കേമി... കണ്ണൂർ പാനൂരിൽ വീട്ടിൽ നിന്നും 38 പവൻ സ്വർണാഭരണം മോഷണം പോയ കേസ്; ബന്ധുവായ യുവതി അറസ്റ്റിൽ"
english_title: " 38 paise gold ornaments stolen from house in Panoor Kannur relative woman arrested"
publisher: "truevisionnews.com"
canonical_url: "https://truevisionnews.com/news/307261/38-paise-gold-ornaments-stolen-from-house-in-panoor-kannur-relative-woman-arrested"
published_at: "2025-08-08T14:23:00+05:30"
category: "Kerala"
language: "ml"
image: "https://truevisionnews.com/image-uploads/6895bc5ec4a45_fgfgfdg.jpg"
keywords: []
---

# അമ്പടി കേമി... കണ്ണൂർ പാനൂരിൽ വീട്ടിൽ നിന്നും 38 പവൻ സ്വർണാഭരണം മോഷണം പോയ കേസ്; ബന്ധുവായ യുവതി അറസ്റ്റിൽ

> **Lead Summary:** പാനൂർ വടക്കേ പൊയിലൂർ വീട്ടിൽ നിന്നും സ്വർണാഭരണം മോഷണം പോയ സംഭവത്തിൽ ബന്ധുവായ യുവതി അറസ്റ്റിൽ. പാറയുള്ളപറമ്പ് പഞ്ചവടിയിൽ രാമകൃഷ്‌ണൻ്റെ വീട്ടിൽനിന്ന് 38.25 പവൻ സ്വർണാഭരണം മോഷണം പോയ സംഭവത്തിലാണ് അടുത്ത ബന്ധു അറസ്റ്റിലായത്.

## Article Content

പാനൂർ വടക്കേ പൊയിലൂർ വീട്ടിൽ നിന്നും സ്വർണാഭരണം മോഷണം പോയ സംഭവത്തിൽ ബന്ധുവായ യുവതി അറസ്റ്റിൽ. പാറയുള്ളപറമ്പ് പഞ്ചവടിയിൽ രാമകൃഷ്‌ണൻ്റെ വീട്ടിൽനിന്ന് 38.25 പവൻ സ്വർണാഭരണം മോഷണം പോയ സംഭവത്തിലാണ് അടുത്ത ബന്ധു അറസ്റ്റിലായത്.

ഇരിട്ടിയിൽ താമസിക്കാരിയാണ് യുവതി. കോടതി റിമാൻഡ് ചെയ്തു. രാമകൃഷ്ണന്റെ ഭാര്യയും റിട്ട. അധ്യാപികയുമായ ചന്ദ്രമതി വീട്ടിലെ അലമാരയിൽ സൂക്ഷിച്ച ആഭരണമാണ് നഷ്ടമായത്.

ജൂൺ 13നും ജൂലൈ 17നും ഇടയിലാണ് മോഷണം നടന്ന ത്. ജൂലൈ 17ന് ആണ് വിവരം വീട്ടുകാർ അറിയുന്നത്. തുടർന്ന് കൊളവല്ലൂർ പൊലീസിൽ പരാതി നൽകി. ചില സംശയത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ പിടികൂടിയത്. നാട്ടുകാരെയും അന്വേഷണത്തിൻ്റെ ഭാഗമായി ചോദ്യം ചെയ്തിരുന്നു.

### Related Links & Sources
- [Original Story Source](https://truevisionnews.com/news/307261/38-paise-gold-ornaments-stolen-from-house-in-panoor-kannur-relative-woman-arrested)