---
title: "വോട്ടർപട്ടിക പുതുക്കൽ : ആഗസ്റ്റ് 9,10 തീയതികളിൽ തദ്ദേശ സ്ഥാപനങ്ങൾ തുറന്ന് പ്രവർത്തിക്കും"
english_title: "Local self-government bodies instructed to open on August 9th and 10th for updating the voter list"
publisher: "truevisionnews.com"
canonical_url: "https://truevisionnews.com/news/307227/local-self-government-bodies-instructed-to-open-on-august-9th-and-10th-for-updating-the-voter-list"
published_at: "2025-08-08T12:19:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68959e10967ee_5.jpg"
keywords: []
---

# വോട്ടർപട്ടിക പുതുക്കൽ : ആഗസ്റ്റ് 9,10 തീയതികളിൽ തദ്ദേശ സ്ഥാപനങ്ങൾ തുറന്ന് പ്രവർത്തിക്കും

> **Lead Summary:** **തിരുവനന്തപുരം : **തദ്ദേശ സ്ഥാപനങ്ങളിലേയ്ക്കുള്ള പൊതുതിരഞ്ഞെടുപ്പിനു മുന്നോടിയായി വോട്ടർപട്ടിക പുതുക്കുന്നതിനായി തദ്ദേശസ്വയംഭരണ സ്ഥാപനങ്ങള്‍ക്ക് ആഗസ്റ്റ് 9,10 തീയതികളില്‍ തുറന്നു പ്രവര്‍ത്തിക്കാൻ നിര്‍ദ്ദേശം . 2025 ജൂലൈ 23 ന് കരട് വോട്ടർപട്ടിക പ്രസിദ്ധീകരിച്ചിരുന്നു.

## Article Content

**തിരുവനന്തപുരം : **തദ്ദേശ സ്ഥാപനങ്ങളിലേയ്ക്കുള്ള പൊതുതിരഞ്ഞെടുപ്പിനു മുന്നോടിയായി വോട്ടർപട്ടിക പുതുക്കുന്നതിനായി തദ്ദേശസ്വയംഭരണ സ്ഥാപനങ്ങള്‍ക്ക് ആഗസ്റ്റ് 9,10 തീയതികളില്‍ തുറന്നു പ്രവര്‍ത്തിക്കാൻ നിര്‍ദ്ദേശം . 2025 ജൂലൈ 23 ന് കരട് വോട്ടർപട്ടിക പ്രസിദ്ധീകരിച്ചിരുന്നു.

2025 ജനുവരി ഒന്നിനോ അതിന് മുന്‍പോ 18 വയസ്സ് പൂര്‍ത്തിയായവര്‍ക്ക് വോട്ടര്‍പട്ടികയില്‍ പേര് ചേര്‍ക്കാം. വോട്ടര്‍പട്ടിക പുതുക്കലിന്റെ ഭാഗമായി അപേക്ഷകളും ആക്ഷേപങ്ങളും സമര്‍പ്പിക്കുന്നവരുടെ സൗകര്യം പരിഗണിച്ചാണ് പൊതുഅവധി ദിവസങ്ങള്‍ പ്രവൃത്തിദിനം ആക്കാന്‍ നിര്‍ദ്ദേശം നല്‍കിയത്. ഈ ദിവസങ്ങളിൽ ഓഫീസിൽ ഹാജരാകുന്ന അപേക്ഷകർക്ക് വോട്ടർ പട്ടിക പുതുക്കലുമായി ബന്ധപ്പെട്ട എല്ലാ പ്രവർത്തികളും ചെയ്യേണ്ടതാണെന്ന് കമ്മീഷൻ നിർദ്ദേശിച്ചിട്ടുണ്ട്.

അപേക്ഷകളും ആക്ഷേപങ്ങളും സമർപ്പിക്കാൻ ഓഗസ്റ്റ് 7 വരെയാണ് സമയം അനുവദിച്ചിരുന്നത്. കരട് പട്ടിക എല്ലാ തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തിരഞ്ഞെടുപ്പ് കമ്മീഷന്റെ[ sec.kerala.gov.in ](http:// sec.kerala.gov.in)വെബ് സൈറ്റിലും പരിശോധനയ്ക്ക് ലഭിക്കും.

### Related Links & Sources
- [Original Story Source](https://truevisionnews.com/news/307227/local-self-government-bodies-instructed-to-open-on-august-9th-and-10th-for-updating-the-voter-list)